Public safety - Crime Mirror

Bangladesh court: బంగ్లాదేశ్ మాజీ ప్రధాని షేక్ హసీనా పై నమోదైన మానవత్వానికి వ్యతిరేక నేరాల కేసులో అంతర్జాతీయ నేరాల ట్రిబ్యునల్ ఇచ్చిన తాజా తీర్పు దేశవ్యాప్తంగా కలకలం రేపింది. గతేడాది ఆమె ప్రభుత్వంపై పెద్ద ఎత్తున జరిగిన నిరసనల్లో జరిగిన హింస, ప్రజల మరణాలు, సైన్యం పాత్ర వంటి అంశాలపై విచారణ జరిపిన ట్రిబ్యునల్, హసీనా ప్రత్యక్ష ఆదేశాల వల్లే ఆ హింసాత్మక చర్యలు చోటుచేసుకున్నాయన్న అభిప్రాయంతో ఆమెకు మరణశిక్షను ప్రకటించింది. ఈ తీర్పు వెలువడిన తర్వాత బంగ్లాదేశ్లో ఉద్రిక్తతలు మళ్లీ భగ్గుమన్నాయి. 2024 ఆగస్టు 5న ఢాకాలో నిరసనకారులపై ఆర్మీ కాల్పులు జరపడానికి షేక్ హసీనా స్వయంగా ఆదేశించారని, అదేవిధంగా జనాలను చెదరగొట్టేందుకు హెలికాప్టర్లు వినియోగించిన విషయాన్ని కూడా న్యాయమూర్తి తీర్పులో ప్రస్తావించారు. గాయపడినవారికి చికిత్స అందించరాదని ఆమె ఆదేశించడంతో మరణాల సంఖ్య మరింత పెరిగే పరిస్థితి ఏర్పడిందని కోర్టు వ్యాఖ్యానించింది. ఐక్యరాజ్యసమితి ఫిబ్రవరి నివేదిక ప్రకారం ఆ హింసలో 1,400 మందికి పైగా మరణించి ఉండవచ్చని పేర్కొనడం, కేసు తీవ్రతను మరింత స్పష్టంగా చూపించింది. ఉద్యమం తీవ్రతరమైన తర్వాత హసీనా తన వస్తువులతో భారత్కు వచ్చి ఢిల్లీలో శరణార్థిగా నివసిస్తోంది. అయితే విచారణను కొనసాగించిన ట్రిబ్యునల్, ఆమె గైర్హాజరులోనే తీర్పు ఇచ్చింది. ఈ తీర్పు వెలువడ్డ వెంటనే బంగ్లాదేశ్ ప్రభుత్వం దేశవ్యాప్తంగా హైఅలర్ట్ ప్రకటించింది. అల్లర్లు, ధ్వంసకార్యాలు జరగకుండా పెద్ద ఎత్తున సెక్యూరిటీ బందోబస్తు ఏర్పాటు చేశారు. ఏవైనా వాహనాలు తగలబెట్టేందుకు లేదా బాంబులు విసిరేందుకు ప్రయత్నిస్తే వెంటనే కాల్పులు జరపాలని ఢాకా పోలీస్ చీఫ్ కఠిన ఆదేశాలు జారీ చేశారు. ఇదిలావుండగా, హసీనా ప్రసంగాలకు నిషేధం ఉన్నప్పటికీ అవామీ లీగ్ ఫేస్బుక్ ద్వారా ఆమె భావోద్వేగ ప్రసంగం ప్రసారం కావడం మరింత చర్చనీయాంశమైంది. తాను భయపడనని, అల్లాహ్ నిర్ణయమే తన జీవితాన్ని నిర్ణయిస్తుందని చెప్పిన ఆమె మాటలు మద్దతుదారుల్లో తీవ్ర స్పందన రేపాయి. ఫలితంగా దేశవ్యాప్తంగా బంద్కు పిలుపునిస్తూ అనేక ప్రాంతాల్లో నిరసనలు ఉధృతమయ్యాయి. ప్రస్తుతానికి బంగ్లాదేశ్ మొత్తం ఉద్రిక్త వాతావరణంలో ఉంది. ALSO READ: ChatGPT: కొత్త ఫీచర్.. స్నేహితులు, కుటుంబం, సహోద్యోగులతో ఒకేసారి AI సంభాషణలు

Tag: Public safety

Most Read

చేయూత పథకం ద్వారా రూ.4 వేల పింఛన్.. దరఖాస్తు ఎలా..?

వాట్సప్ ద్వారా అర నిమిషంలోనే ఆధార్ డౌన్‌లోడ్ చేసుకోవచ్చు..

పెళ్లికి నో అంటున్న యువతులు! ఎందుకో తెలుసా?

వామ్మొ!.. విమానంలో దెయ్యం.. గాల్లో ఉండగానే డోర్ తీసేందుకు యత్నం!..

EDITOR PICKS

YSRCP Councillor: పాముతో సమావేశానికి వచ్చిన వైసీపీ మున్సిపల్ కౌన్సిలర్‌

Shocking video: పెంపుడు కుక్క దాడి చేయడంతో మహిళకు 50 కుట్లు

ప్రియుడి ఇంటికి నిప్పు పెట్టిన ప్రియురాలు

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending