Mercedes-Benz V-Class - Crime Mirror

Mercedes-Benz V-Class: టీమిండియా స్టార్ ఆల్రౌండర్, ముంబై ఇండియన్స్ జట్టు కెప్టెన్ హార్దిక్ పాండ్యా మైదానంలో తన అద్భుత ప్రదర్శనతోనే కాకుండా వ్యక్తిగత జీవితంతో కూడా తరచూ వార్తల్లో నిలుస్తున్నారు. ఇటీవల ఆయన తన గర్ల్ ఫ్రెండ్ మాహికా శర్మపై ఉన్న ప్రేమను బహిరంగంగా వ్యక్తపరుస్తూ చేసిన వీడియోలు, ఫోటోలు సోషల్ మీడియా వేదికగా పెద్ద ఎత్తున వైరల్ అవుతున్నాయి. ఈ నేపథ్యంలో తాజాగా హార్దిక్ తన ప్రియురాలికి ఇచ్చిన ఖరీదైన కానుక మరింత చర్చనీయాంశంగా మారింది. దాదాపు రూ.1.7 కోట్ల విలువైన అత్యంత విలాసవంతమైన మెర్సిడెస్ బెంజ్ వి క్లాస్ కారు మాహికాకు బహుమతిగా అందించి ఆమెను ఆశ్చర్యపరిచారు. భారతదేశంలో లగ్జరీ వాహనాల జాబితాలో ప్రత్యేక స్థానం సంపాదించిన ఈ కారు ఇప్పుడు సోషల్ మీడియాలో హాట్ టాపిక్గా మారింది. హార్దిక్ ఇచ్చిన ఈ బహుమతి ద్వారా తన ప్రేమను మరోసారి బహిరంగంగా వ్యక్తపరిచినట్లు అభిమానులు అభిప్రాయపడుతున్నారు. ఇటీవలే హార్దిక్ తన కోసం రూ.12 కోట్ల విలువైన ఫెరారీ కారును కొనుగోలు చేసిన విషయం తెలిసిందే. ఇప్పుడు తన గర్ల్ ఫ్రెండ్కు మరో ప్రీమియం వాహనాన్ని కానుకగా ఇవ్వడంతో ఈ జంట మళ్లీ వార్తల్లోకి వచ్చింది. వీరిద్దరూ కొత్త కారుతో దిగిన ఫోటోలు సోషల్ మీడియాలో విస్తృతంగా షేర్ అవుతూ అభిమానుల దృష్టిని ఆకర్షిస్తున్నాయి. తన విజయాల్లో మాహికా శర్మ పాత్ర ఎంతో కీలకమని హార్దిక్ పాండ్యా ఇప్పటికే పలు సందర్భాల్లో పేర్కొన్నాడు. ఈ నేపథ్యంలో ఆమెకు ఇలాంటి విలాసవంతమైన కానుక ఇవ్వడం ఆయన వ్యక్తిగత జీవితానికి సంబంధించిన మరో విశేషంగా నిలిచింది. ఇక క్రికెట్ విషయానికి వస్తే హార్దిక్ పాండ్యా మైదానంలో కూడా తన సత్తా నిరూపిస్తూ జట్టుకు విజయాలను అందిస్తున్నాడు. ఆదివారం వాంఖడే స్టేడియంలో కోల్కతా నైట్ రైడర్స్తో జరిగిన ఐపీఎల్ 2026 ప్రారంభ మ్యాచ్లో ముంబై ఇండియన్స్ జట్టు 6 వికెట్ల తేడాతో ఘన విజయం సాధించింది. 2012 తర్వాత ఒక ఐపీఎల్ సీజన్లో తమ తొలి మ్యాచ్ను ముంబై గెలవడం ఇదే మొదటిసారి కావడం విశేషం. ఈ విజయంతో జట్టు చాలా కాలంగా వెంటాడుతున్న చెత్త రికార్డును చెరిపేసింది. ఈ మ్యాచ్లో కోల్కతా నైట్ రైడర్స్ నిర్దేశించిన 221 పరుగుల భారీ లక్ష్యాన్ని ముంబై ఇండియన్స్ కేవలం 19.1 ఓవర్లలోనే 4 వికెట్లు కోల్పోయి విజయవంతంగా ఛేదించింది. మాజీ కెప్టెన్ రోహిత్ శర్మ 78 పరుగులతో, ర్యాన్ రికెల్టన్ 81 పరుగులతో మెరుపు హాఫ్ సెంచరీలు నమోదు చేసి జట్టు విజయంలో కీలక పాత్ర పోషించారు. మొత్తం మీద వ్యక్తిగత జీవితం, క్రికెట్ కెరీర్ రెండింటిలోనూ హార్దిక్ పాండ్యా ప్రస్తుతం ఫుల్ ఫామ్లో ఉన్నాడని అభిమానులు అభిప్రాయపడుతున్నారు. ALSO READ: పాములు వాటికి నూడుల్స్ లెక్క.. పాముల విషం వాటికి అమృతం లెక్క!

Tag: Mercedes-Benz V-Class

Most Read

మీసేవ కేంద్రాలపై చర్యలు తీసుకోవాలని ఎం.ఆర్.ఓ కి వినతి

రాష్ర్టంలో అరాచ‌క పాల‌న న‌డుస్తోంది… కేటీఆర్ ఫైర్‌…!

చండూర్ రాజకీయంలో ముడుపుల పోటు…!

యరగండ్లపల్లి: ముగిసిన శ్రీ రామలింగేశ్వర స్వామి బ్రహ్మోత్సవాలు..!

EDITOR PICKS

Mercedes-Benz V-Class: గర్ల్ ఫ్రెండ్‌కు ఖరీదైన గిఫ్ట్ ఇచ్చిన హార్దిక్ పాండ్యా

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending