Economic Survey 2025 - Crime Mirror

క్రైమ్ మిర్రర్, ఆన్ లైన్ డెస్క్ : కేంద్ర ఆర్థిక శాఖ మంత్రి నిర్మలా సీతారామన్ .. లోక్సభలో ఆర్థిక సర్వే - 2025 ను ప్రవేశపెట్టారు. సర్వే ప్రకారం.. 2025-26 ఆర్థిక సంవత్సరంలో అంతర్జాతీయంగా అనిశ్చితి నేపథ్యంలో.. భారత జీడీపీ వృద్ధి రేటు 6.3-6.8 శాతం రేంజ్లో ఉంటుందని అంచనా వేశారు. ఇక వచ్చే ఆర్థిక సంవత్సరం కూడా వినియోగం స్థిరంగానే ఉండొచ్చని.. తద్వారా ద్రవ్యోల్బణం కూడా అదుపులోనే ఉంటుందని ఆర్థిక సర్వేలో అంచనా వేసినట్లు రిపోర్ట్లో వెల్లడించారు ఆర్థిక మంత్రి. రూరల్ డిమాండ్ను మరింత ముందుకు తీసుకెళ్తుందని ఆర్థిక సర్వే పేర్కొంది. జులై- సెప్టెంబర్ త్రైమాసికంలో రియల్ టర్మ్స్లో భారత ఆర్థిక వ్యవస్థ వృద్ధి రేటు 5.4 శాతంగా నమోదైందని.. ఇది రిజర్వ్ బ్యాంక్ ఆఫ్ ఇండియా అంచనా వేసిన 7 శాతం కంటే తక్కువ అని ఆర్థిక సర్వేలో ఉంది. ఇదే విధంగా ఏప్రిల్- జూన్ త్రైమాసికంలో కూడా.. జీడీపీ వృద్ధి రేటు కేంద్ర బ్యాంకు అంచనాల్ని అందుకోలేదని తెలిపింది. తొలుత పార్లమెంటు ఉభయ సభలను ఉద్దేశించి రాష్ట్రపతి ద్రౌపదీ ముర్ము, తర్వాత ఉపరాష్ట్రపతి జగదీప్ ధన్ఖడ్ ప్రసంగించారు. ఆ తర్వాత నిర్మలా సీతారామన్.. ఆర్థిక సర్వేను సభ ముందుకు తీసుకొచ్చారు. Read Also : ‘‘నీళ్లు - నిజాలు’’పై రౌండ్ టేబుల్ సమావేశం.. ప్రభుత్వంపై ఎమ్మెల్సీ కవిత కీలక వ్యాఖ్యలు అనంతరం.. సభను శనివారానికి (ఫిబ్రవరి 1) వాయిదా వేశారు స్పీకర్ ఓం బిర్లా. శనివారం రోజు ఉదయం 11 గంటలకు నిర్మలమ్మ.. కేంద్ర బడ్జెట్ను ప్రవేశపెడతారు. చివరిసారిగా గతేడాది జులై 23న మధ్యంతర బడ్జెట్ను ప్రవేశపెట్టగా.. దానికి ముందు రోజు జులై 22న ఆర్థిక సర్వే 2024-25ను నిర్మలమ్మ ప్రవేశపెట్టిన సంగతి తెలిసిందే. ఆర్థిక సర్వే అంటే దేశ ఆర్థిక స్థితికి అద్దం పట్టే అధికారిక వార్షిక నివేదిక. దీనిని దేశ ఆర్థిక వ్యవస్థకు దిశానిర్దేశం చేసేదిగా పేర్కొంటారు. దీని ఆధారంగానే ప్రతి సంవత్సరం కేంద్ర బడ్జెట్ రూపకల్పన జరుగుతుంటుంది. ఏటా కేంద్ర బడ్జెట్ ప్రవేశపెట్టే ఫిబ్రవరి 1కి ముందురోజు అంటే జనవరి 31న కేంద్ర ఆర్థిక మంత్రిత్వ శాఖ ఈ రిపోర్టును పార్లమెంటుకు సమర్పిస్తుంది. కిందటి ఆర్థిక సంవత్సరం ఆర్థిక వ్యవస్థలో జరిగిన ప్రధాన మార్పులు, పరిణామాల్ని చెప్పి.. భవిష్యత్తు ప్రణాళికలు ఎలా ఉండాలో మార్గదర్శనం చేస్తుంది. వ్యవసాయ, పారిశ్రామిక, ఆర్థిక వ్యవస్థ పనితీరు సహా సేవా రంగాల అభివృద్ధి, తదుపరి సంవత్సరంలో చేపట్టాల్సిన విధానాలు, సంస్కరణలు వంటి వివరాలు ఉంటాయి. ఆర్థిక సర్వేలో ప్రస్తుత ఏడాదిలో దేశ ఆర్థిక వ్యవస్థ పనితీరు గురించి విశ్లేషిస్తారు. ఆర్థిక బలోపేతానికి రానున్న రోజుల్లో చేయాల్సిన చర్యల్ని పేర్కొంటారు. అయితే కేంద్ర బడ్జెట్ విషయానికి వస్తే.. పలు రంగాల్లో రాబడి, ఖర్చుల కేటాయింపుల గురించి పేర్కొంటారు. ఆర్థిక సర్వేను ముఖ్య ఆర్థిక సలహాదారు నేతృత్వంలో రూపొందిస్తారు. ఇవి కూడా చదవండి : ఉస్మానియా కొత్త హాస్పిటల్ భవనానికి సీఎం శంకుస్థాపన.. ఎమ్మెల్యేలపై అనర్హత పిటిషన్.. సుప్రీం కీలక వ్యాఖ్యలు ఏపీ టెన్త్ విద్యార్థులు అలెర్ట్!... పరీక్షల షెడ్యూల్లో మార్పు? నిరుద్యోగులకు చంద్రబాబు గుడ్ న్యూస్!... రాష్ట్రంలో కొత్తగా 20వేల ఉద్యోగాలు? ఊపిరితిత్తుల సమస్యలతో ప్రముఖ టాలీవుడ్ నిర్మాత మృతి?

Tag: Economic Survey 2025

Most Read

Adil Rashid History: 3000కు పైగా బంతులు వేసిన తొలి బౌలర్‌గా ఆదిల్

ఇరాన్ నేతగా ఖమేనీ కుమారుడు ముజ్తబా….?

liquor digital payments: మద్యం విక్రయాల్లో డిజిటల్ చెల్లింపులు

రేషన్ లబ్దిదారులకు అలర్ట్.. వేసవి దృష్ట్యా 3 నెలల బియ్యం ఒకేసారి పంపిణీ

EDITOR PICKS

లోక్‌సభలో ఆర్థిక సర్వే ప్రవేశపెట్టిన నిర్మలా సీతారామన్.. రేపే కేంద్ర బడ్జెట్!

POPULAR POSTS

ఏడెకరాల వరకే రైతుబంధు లిమిట్!

రైతు రుణమాఫీ పై అసెంబ్లీలో మాటల యుద్ధం!…

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US