Cyber Security - Crime Mirror

ibomma case: సినీ పైరసీ వ్యవహారంలో ప్రధాన నిందితుడిగా నిలిచిన ఇమ్మడి రవి రెండో విడత పోలీసు కస్టడీ కూడా ముగిసింది. మూడు రోజులపాటు అతన్ని సైబర్ క్రైమ్ అధికారులు వివరంగా ప్రశ్నించారు. అతని మెయిల్స్, స్పామ్ ఫోల్డర్లు, హైడ్ ఫైల్స్ తదితరాల్లో దాచిపెట్టిన ముఖ్యమైన వివరాలను బయటకు తీశారు. రవి ఉపయోగించిన టెక్నాలజీ అసాధారణంగా ముందంజలో ఉండటమే కాకుండా, సినిమా పైరసీ రంగంలో రవి ఎంత వ్యవస్థీకృతంగా వ్యవహరించాడో ఈ విచారణలో స్పష్టమైంది. ఐబొమ్మ, బప్పం పేర్ల వెనుక ఉన్న ఉద్దేశం నుంచి సినిమాలను రికార్డు చేయడానికి ఉపయోగించిన పద్ధతుల దాకా, రవి పోలీసులకు అనేక విషయాలను అంగీకరించినట్లు తెలుస్తోంది. విశాఖలో చిన్నప్పటి నుంచి సినిమాను బొమ్మ అని పిలిచేవాళ్లమని, తనపై ప్రభావం చూపిన అదే మాటతో ‘ఇంటర్నెట్ బొమ్మ’ అనే అర్థంలో ‘ఐబొమ్మ’ పేరు పెట్టానని రవి వెల్లడించాడు. అలాగే మరో వెబ్సైట్ బప్పం గురించి మాట్లాడుతూ.. మొదట బలపం అనే పేరును అనుకున్నామని, అయితే డొమైన్ నేమ్ రిజిస్ట్రేషన్లో ‘ఎల్’ అక్షరంతో సమస్య రావడంతో బప్పం అనే పేరుకు మార్చాల్సి వచ్చిందని తెలిపాడు. ఈ రెండు సైట్లు సాధారణంగా కనిపించినప్పటికీ వాటి వెనుక ఉన్న టెక్నికల్ నిర్మాణం మాత్రం చాలా కట్టుదిట్టంగా, అంతర్జాతీయ స్థాయి సర్వర్లతో అనుసంధానమై ఉందని పోలీసులు గుర్తించారు. పైరసీ కోసం రవి ఉపయోగించిన విధానాలు కూడా విచారణలో బయటపడ్డాయి. సినిమాలు వచ్చే విదేశీ, అండర్గ్రౌండ్ వెబ్సైట్ల నుండి రికార్డింగులు సేకరించి, వాటికి ఉన్న తక్కువ క్వాలిటీని బయట ఉన్న ఔట్సోర్సింగ్ టీమ్ల ద్వారా మెరుగుపరచించేవాడట. కరేబియన్ దీవుల్లో ఉన్న టెక్నికల్ టీమ్తో నేరుగా ఒప్పందం చేసుకుని వీడియో, ఆడియో క్వాలిటీని పెంచించుకోవడం రవి తరచూ చేసేవాడు. సోషల్ మీడియా వేదికల్లో ముఖ్యంగా టెలిగ్రామ్ చానెల్స్లో లభించే హై క్వాలిటీ ఫైళ్లను కొనుగోలు చేసి, ప్రత్యేక సాఫ్ట్వేర్లతో ఎడిట్ చేసి, చివరకు ఐబొమ్మ, బప్పం వంటి సైట్లలో అప్లోడ్ చేయడం అతని నిత్యకృత్యం. పోలీసులు రవి మెయిల్ ఐడీలను పరిశీలించినప్పుడు అతని అసలు నెట్వర్క్ పరిమాణం ఏ స్థాయిలో ఉందో అర్థం చేసుకున్నారు. అనేక స్పామ్ ఫోల్డర్లలో దాచిన కరప్ట్ ఫైల్స్, హైడ్ ఫైల్స్, డిలీట్ చేసిన మెయిల్స్లోనూ కీలకమైన ఆర్థిక లావాదేవీలు, విదేశీ కమ్యూనికేషన్ సంబంధిత వివరాలు లభించాయి. ప్రహ్లద్ అనే వ్యక్తితో ఉన్న కనెక్షన్ గురించి కూడా పోలీసులు వివరాలు సేకరించారు. అయితే రవి చూపిన లింకులలో చాలా వాటి యాక్సెస్ విచారణలో ఉన్నప్పుడే రివోక్ కావడం, అతడి నెట్వర్క్ ఎంత జాగ్రత్తగా పని చేసిందో చూపిస్తోంది. రెండో విడత కస్టడీ మొదటి రోజు రవి నెట్వర్క్ నిర్మాణంపై, అతడి ఆర్థిక వ్యవహారాలపై కీలకమైన ఆధారాలను పోలీసులు పొందారు. ఐపీ మాస్కింగ్, ప్రాక్సీ రూటింగ్ టెక్నిక్స్, విదేశీ సర్వర్లు, అనధికారిక వెబ్సైట్ల నిర్వహణలో ఉన్న ముఠాల గురించి రవి కొంత స్పష్టత ఇచ్చాడు. అయితే రెండో రోజు విచారణలో రవి పూర్తిగా నోరు విప్పలేదట. విచారణ కఠినమయ్యే కొద్దీ అతడు బయటకు వచ్చిన తర్వాత మంచి పనులు చేస్తానని పోలీసులకు చెప్పడం, అతడి మానసిక ఒత్తిడిని స్పష్టంగా చూపిస్తోంది. మొత్తానికి మూడు రోజుల రెండో కస్టడీతో రవి నుంచి పోలీసులు అనేక సాంకేతిక వివరాలను, నెట్వర్క్ సంబంధిత లింకులను, ఆర్థిక లావాదేవీ రికార్డులను సేకరించారు. మొత్తం 21 వేల సినిమాలు ఐబొమ్మ, బప్పంలో అప్లోడ్ అయ్యాయన్న విషయం విచారణలో అధికారులకు తేలింది. ఇది సాధారణ నేరం కాదని, అంతర్జాతీయ స్థాయి పైరసీ వ్యవస్థలో ఒక పెద్ద భాగంగా రవి వ్యవహరించాడని స్పష్టమైంది. కస్టడీ గడువు పూర్తవ్వడంతో రవిని నాంపల్లి కోర్టులో హాజరు పరచి, అక్కడి నుంచి చంచల్గూడ జైలుకు తరలించారు. పోలీసులు మూడో విడత కస్టడీ కోరే అవకాశం కూడా ఉన్నట్లు తెలుస్తోంది. పైగా రవికి సంబంధించిన ఐపీ మాస్క్ లింకులు, క్రిప్టో ట్రాన్సాక్షన్స్, విదేశీ సర్వర్ కనెక్షన్లపై పోలీసులు త్వరలోనే కీలక ప్రకటన చేసే అవకాశముందని సమాచారం. ఈ కేసు ముందుకు ఎలా సాగే దానిపై సినీ పరిశ్రమతో పాటు ప్రజల్లోనూ భారీ ఆసక్తి నెలకొంది. ALSO READ: IBomma Ravi: ఇక పైరసీ చేయను.. పోలీసుల ఎదుట రవి పశ్చాత్తాపం

Tag: Cyber Security

Most Read

సరస్వతి నోరు విప్పితే…అవినీతి తిమింగలాలు బయటకు వస్తారు..!

హైద‌రాబాద్ న‌డిబొడ్డున మైనింగ్ విధ్వంసం…హ‌రీశ్ రావు ఫైర్‌

రేణూ దేశాయ్‌పై అసభ్యకర కామెంట్స్.. ఆరుగురు అరెస్ట్ (VIDEO)

యుద్దం ఎఫెక్ట్.. పెరగనున్న మద్యం ధరలు

EDITOR PICKS

ibomma case: iBOMMA అర్థం చెప్పిన రవి

IBomma Ravi: ఇక పైరసీ చేయను.. పోలీసుల ఎదుట రవి పశ్చాత్తాపం

గవర్నర్ కార్యక్రమంలో భద్రతా వైఫల్యం….ఇద్దరు అరెస్ట్

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending