బాపట్ల పట్టణంలో చోటు చేసుకున్న ఓ ఘటన ప్రస్తుతం సోషల్ మీడియాలో తీవ్ర చర్చకు దారి తీస్తోంది. మద్యం మత్తులో ఉన్న ఓ మహిళ నడిరోడ్డుపై హంగామా సృష్టిస్తూ వైన్స్ షాప్ సిబ్బందిపై దాడికి దిగిన వీడియో వైరల్గా మారింది. ఈ సంఘటన బాపట్ల పట్టణంలోని రైలుపేట ప్రాంతంలో ఉన్న శ్రీనివాస వైన్స్ షాపు వద్ద జరిగినట్లు సమాచారం. కొద్ది రోజుల క్రితమే ఈ ఘటన చోటు చేసుకున్నప్పటికీ, తాజాగా వీడియో బయటకు రావడంతో విషయం వెలుగులోకి వచ్చింది.
ఏపీలో వైన్ షాపులో మహిళ హల్చల్
బాపట్ల పట్టణంలోని వైన్ షాపులో పని చేసే యువకుడిపై దాడి చేసి, తిరిగి అతడిపైనే పోలీసులకు ఫిర్యాదు చేసిన మహిళ pic.twitter.com/i0RTJjFIdq
— Telugu Scribe (@TeluguScribe) January 24, 2026
సదరు మహిళ మద్యం సేవించిన అనంతరం వైన్స్ షాపు వద్దకు చేరుకుని అక్కడి సిబ్బందితో అనవసరంగా వాగ్వాదానికి దిగింది. మొదట మాటల తూటాలతో మొదలైన వివాదం క్రమంగా తీవ్ర స్థాయికి చేరింది. మాటలకే పరిమితం కాకుండా, ఆగ్రహంతో షాపు లోపలికి వెళ్లి అక్కడ పనిచేస్తున్న సిబ్బందిపై విచక్షణారహితంగా దాడి చేసింది. ఆమె ప్రవర్తన చూసిన స్థానికులు ఒక్కసారిగా ఆశ్చర్యానికి గురయ్యారు.
వైన్స్ షాపు సిబ్బందిని కొట్టడం, తోసేయడం వంటి దృశ్యాలు వీడియోలో స్పష్టంగా కనిపిస్తున్నాయి. చుట్టుపక్కల ఉన్న ప్రజలు ఆమెను ఆపేందుకు ప్రయత్నించినా.. మద్యం మత్తులో ఉన్న మహిళ ఏమాత్రం నియంత్రణ కోల్పోకుండా మరింత రెచ్చిపోయింది. దీంతో అక్కడ కొంతసేపు ఉద్రిక్త పరిస్థితి నెలకొంది. రోడ్డుపై వెళ్తున్న వాహనదారులు కూడా ఒక్కసారిగా ఆగి ఈ ఘటనను చూడాల్సిన పరిస్థితి ఏర్పడింది.
బహిరంగ ప్రదేశంలో ఓ మహిళ ఈ స్థాయిలో హంగామా చేయడం స్థానికుల్లో ఆందోళన కలిగిస్తోంది. ఈ ఘటనకు సంబంధించిన వీడియో సోషల్ మీడియాలో విస్తృతంగా షేర్ అవుతుండటంతో, నెటిజన్లు విభిన్న అభిప్రాయాలు వ్యక్తం చేస్తున్నారు. కొందరు మహిళ ప్రవర్తనను తీవ్రంగా తప్పుబడుతుంటే, మరికొందరు మద్యం విక్రయ కేంద్రాల వద్ద భద్రతా చర్యలు పెంచాల్సిన అవసరం ఉందని సూచిస్తున్నారు. మొత్తంగా ఈ ఘటన రాష్ట్రవ్యాప్తంగా చర్చనీయాంశంగా మారింది. ఇలాంటి ఘటనలు పునరావృతం కాకుండా అధికారులు తగిన చర్యలు తీసుకోవాలని స్థానికులు కోరుతున్నారు.
ALSO READ: లవ్ అంటే సెక్స్ మాత్రమేనా?.. నటి కామెంట్స్ వైరల్
