హైదరాబాద్ ఎంఎంటీఎస్ లో అత్యాచారయత్నం ఘటన మరవకముందే రైలులో మరో దారుణ ఘటన జరిగింది.
రైల్లో ఓ బాలికను లైంగికంగా వేధిస్తూ వీడియో చిత్రీకరించారు ఓ కామాంధుడు. బాధితురాలి ఫిర్యాదుతో నిందితుడిని అరెస్ట్ చేసి ఫోక్స్ చట్టం కింద కేసు నమోదు చేసి జైలుకు పంపారు సికింద్రాబాద్ రైల్వే పోలీసులు.
ఈనెల 2న ఒడిస్సాకు చెందిన ఓ వ్యక్తి భార్య పిల్లలతో కలిసి రక్సెల్- సికింద్రాబాద్ ఎక్స్ప్రెస్లో వెళ్తుండగా.. అర్ధరాత్రి రెండు గంటల ప్రాంతంలో వాష్ రూమ్ కి వెళ్ళిన మైనర్ బాలికను బంధించి లైంగికంగా వేధించాడు కామాంధుడు. అనంతరం సెల్ఫోస్లో వీడియో చిత్రీకరించాడు. ఆ తర్వాత వదిలిపెట్టడంతో అసలు విషయాన్ని తల్లిదండ్రులకు చెప్పింది మైనర్ బాలిక.సదరు నిందితుడిని పట్టుకొని పరిశీలించగా వీడియోలు బయటపడ్డాయి.
Also Read : రేషన్కార్డు ఉంటే ఆదాయ ధ్రువీకరణ అవసరం లేదు
దీంతో రైల్వే టోల్ ఫ్రీ నెంబర్ 139 కు ఫోన్ చేసి విషయం చెప్పింది బాధిత మైనర్ బాలిక. గురువారం ఉదయం సికింద్రాబాద్కు చేరుకున్నాక పోలీసులకు ఫిర్యాదు చేశాడు మైనర్ బాలిక తండ్రి. ఈ ఘటన కెల్జార్ స్టేషన్ దాటుతున్న సమయంలో జరిగినట్లు ఫిర్యాదులో పేర్కొన్నాడు. తండ్రి ఫిర్యాదుతో ఫోక్సోతో పాటు పలు సెక్షన్ కింద కేసు నమోదు చేశారు సికింద్రాబాద్ రైల్వే పోలీసులు.
