కర్ణాటక పోలీస్ శాఖ ప్రతిష్ఠకు తీవ్ర భంగం కలిగించే ఘటన రాష్ట్రవ్యాప్తంగా సంచలనం సృష్టిస్తోంది. సివిల్ రైట్స్ ఎన్ ఫోర్స్ మెంట్ విభాగానికి డీజీపీగా పనిచేస్తున్న సీనియర్ ఐపీఎస్ అధికారి రామచంద్రరావు వ్యవహారం ఇప్పుడు తీవ్ర వివాదాస్పదంగా మారింది. ఆయన తన అధికారిక కార్యాలయాన్నే అనైతిక కార్యకలాపాలకు వేదికగా మార్చుకున్నారనే ఆరోపణలు పోలీస్ వ్యవస్థను షాక్ కు గురిచేశాయి. డీజీపీ స్థాయి అధికారి మహిళలతో అసభ్యంగా ప్రవర్తిస్తున్న వీడియోలు సోషల్ మీడియాలో వైరల్ కావడంతో ప్రభుత్వం ఉలిక్కిపడింది.
A fresh controversy has erupted in #Karnataka after a video allegedly showing a DGP-rank IPS officer engaging in inappropriate behaviour with women inside his office surfaced in the public domain.
Unlike earlier scandals involving political figures, this episode reportedly… pic.twitter.com/pQszE1jyeR
— Hate Detector 🔍 (@HateDetectors) January 19, 2026
ప్రభుత్వ కార్యాలయం అంటే క్రమశిక్షణకు ప్రతీకగా ఉండాలి. కానీ అలాంటి పవిత్రమైన వాతావరణంలో, అత్యున్నత స్థాయి పోలీస్ అధికారి ఈ విధంగా ప్రవర్తించడం తీవ్ర విమర్శలకు దారి తీసింది. ఖాకీ యూనిఫాం ధరించి ప్రజల హక్కులను కాపాడాల్సిన అధికారి ఇలా నీచమైన చర్యలకు పాల్పడటం పోలీస్ శాఖకే మాయని మచ్చగా మారిందని పలువురు అభిప్రాయపడుతున్నారు.
వైరల్ అవుతున్న వీడియోలలో రామచంద్రరావు తన ఆఫీసు కుర్చీలో కూర్చుని ఉండగా, పలువురు మహిళలు ఆయనతో అత్యంత సన్నిహితంగా ప్రవర్తిస్తూ కనిపించారు. కౌగిలింతలు, చనువు మాటలు వంటి దృశ్యాలు ప్రజలను విస్మయానికి గురిచేశాయి. ఈ వీడియోలు ఎప్పుడు చిత్రీకరించబడ్డాయనే అంశంపై స్పష్టత లేకపోయినప్పటికీ, అవి బయటకు రావడంతో ఆయనపై ఉన్న ఆరోపణలకు బలం చేకూరింది.
ఈ ఘటన వెలుగులోకి వచ్చిన వెంటనే సీఎం సిద్దరామయ్య తీవ్రంగా స్పందించారు. వ్యవహారాన్ని అత్యంత గంభీరంగా పరిగణించిన ముఖ్యమంత్రి, తక్షణమే సమగ్ర విచారణ జరిపి పూర్తి నివేదిక సమర్పించాలని ఉన్నతాధికారులను ఆదేశించారు. తప్పు చేసిన వారిని ఉపేక్షించే ప్రసక్తే లేదని, ఎవరు ఎంతటి స్థాయిలో ఉన్నా కఠిన చర్యలు తప్పవని సీఎం స్పష్టం చేశారు.
రామచంద్రరావు పేరు గతంలోనూ పలు వివాదాలతో ముడిపడినట్లు స్థానిక మీడియా కథనాలు గుర్తుచేస్తున్నాయి. ఆయన ప్రముఖ కన్నడ నటి రన్యా రావుకు సవతి తండ్రి కావడం మరో ఆసక్తికర అంశంగా మారింది. గతంలో రన్యా రావు బంగారు ఆభరణాల స్మగ్లింగ్ కేసులో చిక్కుకున్న సమయంలో కూడా రామచంద్రరావు పేరు వార్తల్లో వినిపించింది. అప్పట్లోనూ పరోక్ష విమర్శలు ఎదుర్కొన్న ఈ అధికారి, తాజాగా మరింత తీవ్రమైన ఆరోపణల్లో చిక్కుకోవడం గమనార్హం.
వీడియోలు బయటకు రావడంతో సీఎం కార్యాలయం వెంటనే స్పందించడంతో, రామచంద్రరావుపై సస్పెన్షన్ వేటు పడే అవకాశాలు బలంగా కనిపిస్తున్నాయి. మరోవైపు ఈ వీడియోలను ఎవరు రికార్డ్ చేశారు, అవి ఎలా లీక్ అయ్యాయి అనే కోణంలోనూ అధికారులు దర్యాప్తు ప్రారంభించారు. ప్రభుత్వ కార్యాలయంలోనే ఈ స్థాయి దృశ్యాలు రికార్డ్ కావడం భద్రతా లోపాలపై కూడా ప్రశ్నలు లేవనెత్తుతోంది.
చట్టాన్ని అమలు చేయాల్సిన అధికారులే చట్టాన్ని, నైతిక విలువలను తుంగలో తొక్కితే సామాన్యులకు న్యాయం ఎలా లభిస్తుందనే ప్రశ్నలు ప్రజల్లో తలెత్తుతున్నాయి. ప్రజా సంఘాలు, ప్రతిపక్ష పార్టీలు ఈ వ్యవహారంపై ప్రభుత్వాన్ని తీవ్రంగా విమర్శిస్తున్నాయి. పోలీస్ వ్యవస్థపై ప్రజల నమ్మకం దెబ్బతినేలా ఇలాంటి ఘటనలు మరిన్ని సంస్కరణలకు దారితీయాలన్న డిమాండ్ కూడా వినిపిస్తోంది.
ALSO READ: చికెన్ తినేవారికి షాకింగ్ న్యూస్.. ఆ పార్ట్స్ తింటే చనిపోతారట!
