తెలంగాణ

CM Revanth: మున్సిపల్ ఎన్నికలను అత్యంత ప్రతిష్టాత్మకంగా తీసుకున్న ముఖ్యమంత్రి రేవంత్ రెడ్డి, టీపీసీసీ చీఫ్తో పాటు మంత్రులతో జూమ్ సమావేశం నిర్వహించారు. ఈ సమావేశంలో రానున్న మున్సిపల్ ఎన్నికల వ్యూహం, అభ్యర్థుల ఎంపిక, పార్టీ శ్రేణుల సమన్వయం వంటి కీలక అంశాలపై విస్తృతంగా చర్చ జరిగింది. ముఖ్యంగా అభ్యర్థుల ఎంపిక విషయంలో స్పష్టమైన దిశానిర్దేశం చేస్తూ సీఎం రేవంత్ రెడ్డి కీలక సూచనలు చేశారు. ఎన్నికల్లో గెలిచే అవకాశాలు ఉన్న అభ్యర్థులకే బీఫాంలు ఇవ్వాలని ఆయన స్పష్టం చేశారు. స్థానిక పరిస్థితులు, ప్రజల్లో ఆదరణ, పార్టీ బలం వంటి అంశాలను పరిగణలోకి తీసుకుని అభ్యర్థులను ఎంపిక చేయాలని సూచించారు. కేవలం వ్యక్తిగత అభిరుచులు లేదా సిఫారసుల ఆధారంగా కాకుండా, గెలుపే లక్ష్యంగా నిర్ణయాలు తీసుకోవాలన్నారు. సమిష్టిగా పని చేస్తే విజయం ఖాయమని జూబ్లీహిల్స్ ఉప ఎన్నికలు స్పష్టంగా నిరూపించాయని సీఎం గుర్తుచేశారు. కంటోన్మెంట్, జూబ్లీహిల్స్ ఉప ఎన్నికల్లో పార్టీ నాయకులు, కార్యకర్తలు అంతా ఒక్కటిగా పనిచేయడం వల్లే విజయం సాధ్యమైందని ఆయన వివరించారు. అదే సమన్వయాన్ని మున్సిపల్ ఎన్నికల్లో కూడా కొనసాగించాలని సూచించారు. నాయకుల మధ్య భేదాభిప్రాయాలు పక్కనపెట్టి, పార్టీ గెలుపే లక్ష్యంగా పనిచేయాలని హితవు పలికారు. ప్రతి వార్డులో పార్టీ శ్రేణులు కలిసికట్టుగా పనిచేస్తే మంచి ఫలితాలు వస్తాయని సీఎం విశ్వాసం వ్యక్తం చేశారు. మున్సిపల్ ఎన్నికల అనంతరం చైర్మన్, మేయర్ పదవుల ప్రకటన విషయంలోనూ ముఖ్యమంత్రి కీలక వ్యాఖ్యలు చేశారు. ఎన్నికల ఫలితాలు వచ్చిన వెంటనే చైర్మన్లు, మేయర్లను ప్రకటించవద్దని సూచించారు. సామాజిక సమీకరణాలు, రాజకీయ సమతుల్యతను దృష్టిలో పెట్టుకుని ఈ పదవులకు ఎంపిక జరగాల్సి ఉంటుందని స్పష్టం చేశారు. అన్ని వర్గాలకు న్యాయం జరిగేలా, పార్టీకి దీర్ఘకాలికంగా మేలు చేసేలా నిర్ణయాలు తీసుకుంటామని తెలిపారు. ఈ సమావేశంలో మంత్రులు, పార్టీ ముఖ్య నేతలు పాల్గొని తమ అభిప్రాయాలను వెల్లడించారు. స్థానిక సంస్థల ఎన్నికల్లో అనుసరించాల్సిన వ్యూహం, ప్రచార విధానం, నాయకుల పాత్రపై స్పష్టత రావడంతో పార్టీ శ్రేణుల్లో ఉత్సాహం నెలకొంది. మున్సిపల్ ఎన్నికలను కాంగ్రెస్ పార్టీ ప్రతిష్టాత్మకంగా తీసుకుని, సమన్వయంతో ముందుకు వెళ్లాలని సీఎం రేవంత్ రెడ్డి ఇచ్చిన పిలుపు ప్రాధాన్యతను సంతరించుకుంది. ALSO READ: Medaram: లేడి ఐపీఎస్ డ్యాన్స్ వైరల్.. నెజిజన్లు ఫిదా

బైక్ దొంగను వెంటాడిన కర్మ.

ఉగాది పండక్కి బడులకు వరుసగా 4 రోజులు సెలవులు!

రైతుకు వెన్నుపోటు….రాహుల్‌కు వెయ్యికోట్లా…? కేటీఆర్‌

ఎదుగుద‌ల ఓర్వ‌లేక‌నే రాజ‌కీయ దాడి…? తెలుగు రాష్ట్రాల్లో హాట్ టాపిక్‌

డ్రోన్‌తో సూపర్ సాగు.. నువ్వుల పంట సాగులో కొత్త ప్రయోగం

Most Read

హర్రర్ సినిమాలకు కథ అక్కర్లేదంటున్న ఆర్జీవీ

చైత్ర అమావాస్య రోజు పొరపాటున కూడా చేయకూడని పనులు

కూతురికి వరుడు దొరకడం లేదని తల్లి ఆవేదన

సోషల్ మీడియాలో హీరోయిన్ శ్రీలీలపై నెటిజన్ల ట్రోలింగ్.. క్లారిటీ

EDITOR PICKS

హర్రర్ సినిమాలకు కథ అక్కర్లేదంటున్న ఆర్జీవీ

చైత్ర అమావాస్య రోజు పొరపాటున కూడా చేయకూడని పనులు

కూతురికి వరుడు దొరకడం లేదని తల్లి ఆవేదన

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US