క్రికెట్ అభిమానుల డిమాండ్ మేరకు ఆ ప్లేయర్ ను తొలగించాలి అని బీసీసీఐ ఆదేశాలు?

క్రైమ్ మిర్రర్, స్పోర్ట్స్ న్యూస్ :- గత కొద్ది రోజుల నుంచి బంగ్లాదేశ్ లో హిందువులపై దాడులు జరుగుతున్న దృశ్యాలను మనం ప్రతిరోజు సోషల్ మీడియాలో చూస్తూనే ఉన్నాము. ఇప్పటివరకు బంగ్లాదేశ్లో మైనారిటీ హిందువులపై దాడులలో కొందరు చనిపోగా చాలామంది గాయపడ్డారు. దీంతో మన భారతదేశంలోని హిందువులందరూ కూడా ఈ ఏడాది జరగబోయేటువంటి ఐపిఎల్ లో బంగ్లాదేశ్ ప్లేయర్లు ఆడకూడదు అని… వారిని కూడా పాకిస్తాన్ దేశం లాగా బహిష్కరించాలి అని డిమాండ్ చేస్తున్నారు. ఈ నేపథ్యంలో తాజాగా బీసీసీఐ స్పందిస్తూ కీలక ఆదేశాలు జారీ చేసింది. ప్రస్తుతం బంగ్లాదేశ్ నుంచి క్రికెటర్ ముస్తాఫిజర్ రెహమాన్ ఒక్కరు మాత్రమే ఐపీఎల్ లో కొనసాగుతున్నారు.

తాజాగా జరిగిన మినీ వేలంలో అతడిని కోల్కత్తా నైట్ రైడర్స్ జట్టు 9.2 కోట్లకు కొనుగోలు చేసింది. అయితే ఈ ప్లేయర్ ను వెంటనే జట్టు నుంచి రిలీజ్ చేయాలి అని కోల్కత్తా జట్టుకు బీసీసీఐ ఆదేశాలు జారీ చేసింది. ఈ విషయాన్ని నేరుగా బీసీసీఐ బోర్డు సెక్రటరీ దేవజీత్ సైకియా వెల్లడించారు. కేవలం బంగ్లాదేశ్ లో హిందువులపై దాడులు జరుగుతున్న నేపథ్యంలోనే ఆ దేశ క్రికెటర్ ముస్తాఫిజరును ఐపీఎల్ లో ఆడించవద్దు అని యావత్ దేశవ్యాప్తంగా డిమాండ్లు,నిరసనలు వ్యక్తమవుతున్నాయి. దీంతో మన దేశ క్రికెట్ అభిమానులను దృష్టిలో పెట్టుకొని బీసీసీఐ అధికారులు ఈ నిర్ణయం తీసుకున్నట్లుగా తెలుస్తుంది. దీంతో భారత అభిమానులు అనుకున్నట్లుగానే జరగడంతో క్రికెట్ అభిమానులు అందరూ కూడా బీసీసీఐ పై ప్రశంసలు కురిపిస్తున్నారు.