- మారనున్న ఆధార్ కార్డు స్వరూపం
- గోప్యత కోసం కేంద్రం కీలక నిర్ణయం
- ఇక ఆధార్ కార్డుపై ఫొటో, క్యూఆర్ కోడ్లు మాత్రమే!
ఆధార్ కార్డు విషయంలో కేంద్రం కీలక నిర్ణయం తీసుకోబోతోంది. కార్డుదారుల వివరాలను రహస్యంగా ఉంచేలా చర్యలు తీసుకుంటుంది. ఇకపై కార్డు మీద కేవలం కార్డుదారుడి ఫోటో, క్యూఆర్ కోడ్ మాత్రమే ఉండాల నిర్ణయం తీసుకుంది. త్వరలో ఈ కొత్త కార్డులు అందుబాటులోకి రానున్నట్లు తెలుస్తోంది.
మారనున్న ఆధార్ కార్డు స్వరూపం
ఆధార్ కార్డు స్వరూపం మారబోతోంది. ఉడాయ్ ఈమేరకు కార్డు డిజైన్ను పూర్తిగా మార్చబోతోంది. విశ్వసనీయ వర్గాల సమాచారం మేరకు.. ఉడాయ్ ఆధార్ కార్డు డిజైన్ను పూర్తిగా మార్చబోతోంది. కార్డుపై కార్డుదారుని ఫొటో, క్యూఆర్ కోడ్లు మాత్రమే ఉంటాయి. ఆధార్ ఆధారంగా జరుగుతున్న నేరాలు… సిమ్ కార్డు మోసాలు, అనధికారిక రుణాలు, ఆధార్ ఆధారిత చెల్లింపుల వ్యవస్థ ద్వారా నగదు తీసుకోవడం వంటి వాటిని అడ్డుకోవడమే లక్ష్యంగా ఉడాయ్ ఈమార్పులు తీసుకువస్తున్నట్లు తెలిసింది.
Read Also: రష్యా ఆయిల్ కొనుగోళ్లను భారత్ నిలిపివేస్తుందా? మంత్రి జైశంకర్ ఏం చెప్పారంటే?
అధికారిక ప్రకటన చేయని ఉడాయ్
కొత్త ఆధార్ కార్డులపై ఉడాయ్ ఇప్పటి వరకూ అధికారిక నిర్ధారణ ఏదీ చేయలేదు. అయితే, తాజాగా ప్రభుత్వం విడుదల చేసిన కొత్త ఆధార్ యాప్లోని ఫీచర్లను పరిశీలిస్తే, ఈ విషయం సూచనా ప్రాయంగా అర్థమవుతుందని ఆ వర్గాలు పేర్కొన్నాయి. కార్డుపై ఉండే క్యూఆర్ కోడ్లో సంబంధిత వ్యక్తి పూర్తి సమాచారం ఉంటుంది. అంతేతప్ప, మామూలుగా వివరాలు ఏవీ బయటకు కనిపంచవు. వ్యక్తి వివరాలు భద్రంగా ఉండేలా కేంద్రం ఈ ఆలోచన చేస్తున్నట్లు తెలుస్తోంది.
Read Also: కారులో కుక్కతో పార్లమెంట్ కు.. ఎంపీ రేణుకా చౌదరికి ప్రివిలేజ్ నోటీసు!