ఆత్మహత్యకు యత్నించిన ప్రముఖ నేపథ్య గాయని కల్పనకు వెంటిలేటర్‌పై చికిత్స కొనసాగుతోంది. హైదరాబాద్‌లోని ఓ ప్రైవేటు ఆసుపత్రిలో చికిత్స పొందుతున్న ఆమెను పలువురు సినీ ప్రముఖులు పరామర్శించారు. వీరిలో గాయనీగాయకులు శ్రీకృష్ణ, సునీత, గీతామాధురి, కారుణ్య తదితరులు ఉన్నారు. వైద్యులను అడిగి ఆమె ఆరోగ్యం గురించి తెలుసుకున్నారు.
హైదరాబాద్‌లోని నిజాంపేటలో ఉంటున్న కల్పన నిన్న నిద్రమాత్రలు మింగి ఆత్మహత్యకు యత్నించారు. సమాచారం అందుకున్న పోలీసులు వెంటనే ఆమె ఫ్లాట్‌కు చేరుకుని తలుపులు బద్దలుకొట్టి ఆమెను కాపాడారు. అయితే, ఆమెను ఆత్మహత్యకు ప్రేరేపించిన కారణాలు తెలియరాలేదు. విషయం తెలిసి హైదరాబాద్ చేరుకున్న కల్పన భర్త ప్రసాద్‌ను పోలీసులు విచారిస్తున్నట్టు తెలిసింది.
