Washing Powder - Crime Mirror

ఆన్లైన్లో కెమెరా ఆర్డర్ పెట్టుకున్న వ్యక్తికి షాక్ పార్సిల్లో కెమెరా బదులుగా రెండు సర్ఫ్ ప్యాకెట్లు కర్ణాటకలో షాకింగ్ ఘటన ఈ రోజుల్లో ఆన్ లైన్ షాపింగ్ మోసాలు రోజు రోజుకు పెరిగిపోతున్నాయి. కొందరు కేటుగాళ్లు రెచ్చిపోతున్నారు. రకరకాలుగా మోసాలకు పాల్పడుతున్నారు. తాజాగా, ఆన్లైన్లో కెమెరా ఆర్డర్ పెట్టుకున్న ఓ వ్యక్తికి ఊహించని షాక్ తగిలింది. పార్సిల్లో కెమెరా బదులుగా రెండు సర్ఫ్ ప్యాకెట్లు వచ్చాయి. ఈ సంఘటన కర్ణాటకలో చోటుచేసుకుంది. ఇంతకీ అసలు ఏం జరిగిందంటే? హుబ్బళ్లికి చెందిన ఆల్ఫ్రెడ్ అనే వ్యక్తి దుబాయ్లో స్థిరపడ్డాడు. అక్కడే బిజినెస్ చేస్తున్నాడు. కొద్దిరోజుల క్రితం అతడు తన సొంత ఊరికి వచ్చాడు. ఈ నేపథ్యంలోనే తన స్నేహితుడి కోసం అమెజాన్లో కెమెరా ఆర్డర్ పెట్టాడు. దాని విలువ 60 వేల రూపాయలపైనే ఉంది. తాజాగా ఈ పార్సిల్ ఓ ప్రైవేట్ హోటల్ అడ్రస్కు వచ్చింది. అతడు వెళ్లి పార్సిల్ తీసుకున్నాడు. దాన్ని ఓపెన్ చేసి చూసి షాక్ అయ్యాడు. రూ.60 వేల కెమెరాకు బదులుగా రెండు సర్ఫ్ ప్యాకెట్లు కనిపించాయి. ఆల్ఫ్రెడ్ వెంటనే అమెజాన్ కస్టమర్ కేర్కు ఫోన్ చేశాడు. వారినుంచి సరైన స్పందన రాలేదు. బాధితుడు ఏం చెప్పాడంటే? ఈ సంఘటనపై ఆల్ఫ్రెడ్ కీలక వివరాలు వెల్లడించాడు. “నేను దుబాయ్లో ఉన్నపుడు చాలాసార్లు అమెజాన్ నుంచి వస్తువులు ఆర్డర్ పెట్టుకున్నాను. నాకు ఎప్పుడూ ఇలా జరగలేదు. ఈ సారి నా ఫ్రెండ్ కోసం కెమెరా ఆర్డర్ పెట్టాను. కెమెరాకు బదులుగా రెండు సర్ఫ్ ప్యాకెట్లు వచ్చాయి. పార్సిల్ ఓపెన్ చేసే సమయంలో వీడియో కూడా తీశాం. ఆ సాక్ష్యం మా దగ్గర ఉంది. అయినా కూడా అమెజాన్ వాళ్లు సరిగా స్పందించటం లేదు”అంటూ ఆవేదన వ్యక్తం చేశాడు. Read Also: మాజీ భర్త కిరాతకం.. ఇన్స్టాలో ఫోటో చూసి వెతుక్కుంటూ వచ్చి చంపాడు

Tag: Washing Powder

Most Read

Dacoit: టాలీవుడ్ నిర్మాతలందరి కళకళ్లూ డాకాయిట్ సినిమాపైనే.. ఎందుకంటే..?

కేసీఆర్ నాయకత్వమే శ్రీరామరక్ష.. ఎమ్మెల్సీ జీవన్ రెడ్డి సంచలన నిర్ణయం

Vijay Jana Nayagan: విజయ్ జన నాయగన్ రిలీజ్‌కు ముందే ఆన్‌లైన్‌లో లీక్.. చిత్రబృందానికి షాక్!

మహిళా రిజర్వేషన్ బిల్లులో ఓబీసీలకు అన్యాయం.. కల్వకుంట్ల కవిత ధ్వజం

EDITOR PICKS

Online Shopping Shock: కెమెరా ఆర్డర్ పెడితే సర్ఫ్ ప్యాకెట్లు వచ్చాయి.. ఇదెక్కడి మోసం రా అయ్యా!

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending