viral cinema news - Crime Mirror

టాలీవుడ్లో ‘పెళ్లి సందడి’ సినిమాతో హీరోయిన్గా పరిచయమై అతి తక్కువ సమయంలోనే యువతలో ప్రత్యేక గుర్తింపు తెచ్చుకున్న శ్రీలీల ప్రస్తుతం వరుస సినిమాలతో బిజీగా మారింది. అందం, అభినయంతో పాటు డ్యాన్స్లోనూ తనకంటూ ప్రత్యేక శైలిని ఏర్పరుచుకున్న ఈ యంగ్ బ్యూటీకి క్రేజ్ రోజురోజుకు పెరుగుతోంది. తెలుగు సినిమాలతో పాటు ఇతర భాషల్లోనూ అవకాశాలు అందుకుంటూ కెరీర్ను వేగంగా ముందుకు తీసుకెళ్తోంది. ప్రస్తుతం తమిళ స్టార్ హీరో శివ కార్తికేయన్ సరసన ‘పరాశక్తి’ సినిమాలో నటిస్తూ మరో కీలకమైన మైలురాయికి సిద్ధమవుతోంది. సుధా కొంగర దర్శకత్వంలో తెరకెక్కుతున్న ‘పరాశక్తి’ సినిమాపై ఇప్పటికే భారీ అంచనాలు నెలకొన్నాయి. ఈ చిత్రంలో రవి మోహన్, అథర్వ మురళి వంటి ప్రముఖులు కీలక పాత్రల్లో కనిపించనున్నారు. సామాజిక అంశాల్ని హృదయాన్ని తాకే విధంగా చెప్పడంలో దిట్ట అయిన సుధా కొంగర తెరకెక్కిస్తున్న ఈ సినిమా సంక్రాంతి కానుకగా జనవరి 10న థియేటర్లలో విడుదల కానుంది. విడుదల తేదీ దగ్గరపడటంతో చిత్రబృందం ప్రమోషన్స్ను జోరుగా నిర్వహిస్తోంది. ఈ క్రమంలో శ్రీలీల వరుస ఇంటర్వ్యూలలో పాల్గొంటూ సినిమా విశేషాలతో పాటు తన వ్యక్తిగత విషయాలపై కూడా ఆసక్తికర వ్యాఖ్యలు చేస్తోంది. ఇటీవల ఓ ఇంటర్వ్యూలో పాల్గొన్న శ్రీలీల తన పెళ్లి విషయంపై చేసిన వ్యాఖ్యలు ఇప్పుడు సోషల్ మీడియాలో హాట్ టాపిక్గా మారాయి. తన గురించి వస్తున్న రూమర్స్కు స్పష్టత ఇస్తూ, ప్రస్తుతం పెళ్లి ఆలోచనే లేదని తెగేసి చెప్పింది. తాను ఇంకా 24 ఏళ్ల యువతినేనని, కనీసం 30 ఏళ్లు దాటేవరకు పెళ్లి చేసుకునే ఆలోచన లేదని వెల్లడించింది. ఈ వయసులో తన పూర్తి దృష్టి కెరీర్పైనే ఉంటుందని, సినిమాలే తన ప్రాధాన్యత అని చెప్పుకొచ్చింది. అందుకే ఇప్పుడు అబ్బాయిల జోలికి వెళ్లే ఆలోచన కూడా లేదని స్పష్టం చేసింది. ప్రస్తుతం తాను ప్రేమలో ఉన్నానంటూ వస్తున్న వార్తలపై కూడా శ్రీలీల ఆసక్తికరంగా స్పందించింది. తాను ఎక్కడికి వెళ్లినా తన తల్లి వెంటనే ఉంటారని, అలాంటి పరిస్థితిలో తాను ప్రేమలో పడే అవకాశం ఎలా ఉంటుందని ప్రశ్నించింది. అమెరికా వెళ్లినప్పుడుకూడా తన తల్లి తనతోనే ఉన్నారని, అయినప్పటికీ తనపై రకరకాల రూమర్స్ వస్తూనే ఉన్నాయని చెప్పింది. ఇలాంటి పుకార్లను పెద్దగా పట్టించుకోనని, తన లక్ష్యం సినిమాల్లో మరింత ముందుకు వెళ్లడమేనని వెల్లడించింది. శ్రీలీల చేసిన ఈ వ్యాఖ్యలు ప్రస్తుతం నెట్టింట వేగంగా వైరల్ అవుతున్నాయి. కొందరు ఆమె స్పష్టమైన మాటలకు మద్దతు తెలుపుతుంటే, మరికొందరు ఆమె ఆలోచనా విధానాన్ని ప్రశంసిస్తున్నారు. చిన్న వయసులోనే కెరీర్పై ఫోకస్ పెట్టిన శ్రీలీల భవిష్యత్తులో మరిన్ని పెద్ద సినిమాలతో ప్రేక్షకులను అలరించనుందన్న అభిప్రాయం వ్యక్తమవుతోంది. ‘పరాశక్తి’ సినిమా విడుదలతో ఆమె క్రేజ్ మరింత పెరిగే అవకాశాలు కనిపిస్తున్నాయి. ALSO READ: GOOD NEWS: ఈ రోజు వీరికి భారీగా డబ్బులు

Tag: viral cinema news

Most Read

Dacoit: టాలీవుడ్ నిర్మాతలందరి కళకళ్లూ డాకాయిట్ సినిమాపైనే.. ఎందుకంటే..?

కేసీఆర్ నాయకత్వమే శ్రీరామరక్ష.. ఎమ్మెల్సీ జీవన్ రెడ్డి సంచలన నిర్ణయం

Vijay Jana Nayagan: విజయ్ జన నాయగన్ రిలీజ్‌కు ముందే ఆన్‌లైన్‌లో లీక్.. చిత్రబృందానికి షాక్!

మహిళా రిజర్వేషన్ బిల్లులో ఓబీసీలకు అన్యాయం.. కల్వకుంట్ల కవిత ధ్వజం

EDITOR PICKS

Sreeleela: అబ్బాయిల జోలికి వెళ్లదలుచుకోలేదు

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending