Telangana politics | Crime Mirror

Keshav Rao: విద్యా కమిషన్ అంశంపై ప్రతిపక్షాలు తెలిసి తెలియక ఆరోపణలు చేస్తున్నాయని ప్రభుత్వ సలహాదారు కె.కేశవరావు విమర్శించారు. రాష్ట్ర సచివాలయంలో మీడియాతో మాట్లాడిన ఆయన.. కమిషన్ నివేదికపై వస్తున్న అభ్యంతరాలకు ఆయన సమాధానం ఇచ్చారు. సమాజంలోని వివిధ వర్గాల అభిప్రాయాలను సేకరించి, నిపుణులతో విస్తృతంగా చర్చించిన అనంతరం మాత్రమే నివేదిక రూపొందించబడిందని స్పష్టం చేశారు. ఆకునూరి మురళి కమిషన్ సమగ్ర అధ్యయనం ఆధారంగా సిఫార్సులు చేసినదని, వాటిని దశలవారీగా అమల్లోకి తీసుకొచ్చే దిశగా ప్రభుత్వం చర్యలు చేపడుతుందని తెలిపారు. ప్రతిపక్షాలు కమిషన్లో అసలైన విద్యావేత్తలు లేరని చేస్తున్న విమర్శలను ఆయన ఖండించారు. పాఠశాల, కళాశాల, విశ్వవిద్యాలయ స్థాయిలో బోధన అనుభవం ఉన్నవారే కమిషన్లో భాగస్వాములయ్యారని పేర్కొన్నారు. విద్యా రంగంలో సుదీర్ఘ అనుభవం కలిగిన నిపుణులతోనే ఈ నివేదిక రూపుదిద్దుకుందని, వాస్తవాలను వక్రీకరించడం సరికాదని హెచ్చరించారు. విద్యా వ్యవస్థలో మార్పులు తీసుకురావడమే లక్ష్యమని, ఎవరినీ లక్ష్యంగా చేసుకుని ఈ సిఫార్సులు చేయలేదని అన్నారు. టీచర్ల జీతాల అంశంపై ఉద్భవించిన వివాదంపై స్పందిస్తూ ఉపాధ్యాయుల సేవలకు విలువ కట్టలేమని కేశవరావు పేర్కొన్నారు. చిన్నారులను సమాజానికి ఉపయోగకరమైన పౌరులుగా తీర్చిదిద్దే బాధ్యత ఉపాధ్యాయులదేనని ఆయన గుర్తుచేశారు. అయితే కమిషన్ చేసిన సూచనలను కొందరు తప్పుగా అర్థం చేసుకుంటున్నారని అన్నారు. వేతనాల హేతుబద్ధీకరణ అనే పదాన్ని జీతాల కోతగా భావించడం సరికాదని స్పష్టం చేశారు. వేతన వ్యవస్థను సమతుల్యంగా మార్చే దిశగా సిఫార్సులు ఉన్నాయని, వాటిపై సమగ్ర చర్చ అనంతరం నిర్ణయం తీసుకుంటామని తెలిపారు. ఆకునూరి మురళి కమిషన్ ప్రభుత్వానికి సమర్పించిన నివేదికలో టీచర్లు, అధ్యాపకులు, బోధనేతర సిబ్బంది వేతనాల అంశం చర్చకు దారితీసింది. రాబోయే రోజుల్లో వేతన వ్యవస్థను హేతుబద్ధీకరించాలనే అభిప్రాయం వ్యక్తమైంది. ఈ సిఫార్సులపై ప్రతిపక్షాలు, ఉపాధ్యాయ సంఘాలు తీవ్రంగా స్పందిస్తున్నాయి. ప్రభుత్వంపై విమర్శలు వెల్లువెత్తుతున్నాయి. అయితే ఈ విమర్శలు వాస్తవాలకు విరుద్ధమని కేశవరావు పేర్కొన్నారు. విద్యా రంగంలో నాణ్యతను పెంపొందించడమే కమిషన్ ప్రధాన లక్ష్యమని, అందుకు అవసరమైన నిర్మాణాత్మక మార్పులను సూచించిందని ఆయన తెలిపారు. ఉపాధ్యాయుల గౌరవం, హక్కులను కాపాడుతూ వ్యవస్థను బలోపేతం చేయడమే ప్రభుత్వ ఉద్దేశమని స్పష్టం చేశారు. కమిషన్ సిఫార్సులను సమగ్రంగా పరిశీలించి, అన్ని వర్గాలతో చర్చించి తుది నిర్ణయం తీసుకుంటామని వెల్లడించారు. ALSO READ: బీటెక్ విద్యార్థినిపై క్లాస్రూంలోనే అత్యాచారం.. ఆపై!

Tag: Telangana politics

Most Read

రోడ్డు ప్ర‌మాదంలో ఇద్ద‌రు డ్రైవ‌ర్ల మృతి

ప్రజా సమస్యలపై ‘క్రైమ్ మిర్రర్’ చొరవ.. దట్నూరులో వెలిగిన వీధి దీపాలు!

AP Politics: దువ్వాడ ఇన్.. ధర్మాన బ్రదర్స్ అవుట్!?

Eatala Rajender: ఈటెల యూటర్న్.. మళ్లీ బీఆర్ఎస్ వైపు అడుగులు?

EDITOR PICKS

Keshav Rao: విద్యా వ్యవస్థలో మార్పులు తీసుకురావడమే లక్ష్యం

రాష్ట్ర ఆర్థిక పరిస్థితిపై సీఎం రేవంత్ రెడ్డికి కిషన్ రెడ్డి లేఖ

MLA Kaushik Reddy: కరీంనగర్ సీపీ రహస్య వీడియోలు బయట పెడతా

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US