special educator posts - Crime Mirror

సంవత్సరాదేశవ్యాప్తంగా కేంద్ర ప్రభుత్వ పాఠశాలల్లో ఉద్యోగాల కోసం ఎదురుచూస్తున్న అభ్యర్థులకు కీలక సమాచారం వెలువడింది. కేంద్రీయ విద్యాలయ సంగతన్ మరియు నవోదయ విద్యాలయ సమితి పరిధిలో టీచింగ్, నాన్ టీచింగ్ పోస్టుల భర్తీకి 2025 నికి గాను ఇప్పటికే నోటిఫికేషన్ జారీ అయిన విషయం తెలిసిందే. ఈ నోటిఫికేషన్ కింద మొత్తం 15,762 ఉద్యోగాలను భర్తీ చేయనున్నట్లు అధికారులు ప్రకటించారు. ఆన్లైన్ దరఖాస్తు ప్రక్రియ ఇప్పటికే ముగియగా, ఇప్పుడు రాత పరీక్షకు సంబంధించిన అడ్మిట్ కార్డులను సెంట్రల్ బోర్డ్ ఆఫ్ సెకండరీ ఎడ్యుకేషన్ తాజాగా విడుదల చేసింది. ఈ నియామక ప్రక్రియను సీబీఎస్ఈ నిర్వహిస్తుండటంతో హాల్టికెట్లను అధికారిక వెబ్సైట్లో అందుబాటులో ఉంచింది. దరఖాస్తు చేసుకున్న అభ్యర్థులు www.cbse.gov.in వెబ్సైట్లోకి వెళ్లి తమ రిజిస్ట్రేషన్ నంబర్, పాస్వర్డ్ వివరాలు నమోదు చేసి అడ్మిట్ కార్డులను డౌన్లోడ్ చేసుకోవచ్చు. హాల్టికెట్లో పరీక్ష తేదీ, సమయం, పరీక్ష కేంద్రం, అభ్యర్థి వివరాలు వంటి ముఖ్యమైన సమాచారం ఉంటుందని అధికారులు స్పష్టం చేశారు. అడ్మిట్ కార్డు లేకుండా పరీక్ష కేంద్రంలోకి అనుమతి ఉండదని కూడా హెచ్చరించారు. ఈ నియామకాలకు సంబంధించి టైర్-1 రాత పరీక్షలను దేశవ్యాప్తంగా పలు పరీక్ష కేంద్రాల్లో జనవరి 10, 11 తేదీల్లో నిర్వహించనున్నారు. టైర్-1 పరీక్షలో అర్హత సాధించిన అభ్యర్థులను తదుపరి దశ అయిన టైర్-2 పరీక్షకు అనుమతిస్తారు. ఆ తరువాత టైపింగ్, స్టెనోగ్రఫీ, ట్రాన్స్లేషన్ వంటి ప్రత్యేక పోస్టులకు స్కిల్ టెస్ట్ నిర్వహిస్తారు. మిగతా పోస్టులకు సంబంధించి ఇంటర్వ్యూ ద్వారా తుది ఎంపిక జరుగుతుంది. ఈ విధంగా బహుస్థాయి ఎంపిక ప్రక్రియ ద్వారా ఉత్తమ అభ్యర్థులను ఎంపిక చేయాలని అధికారులు భావిస్తున్నారు. ప్రస్తుతం దేశవ్యాప్తంగా మొత్తం 1288 కేంద్రీయ విద్యాలయాలు, 653 జవహర్ నవోదయ విద్యాలయాలు కార్యకలాపాలు నిర్వహిస్తున్నాయి. ఈ నోటిఫికేషన్ ద్వారా ఎంపికైన అభ్యర్థులు దేశంలో ఎక్కడైనా విధులు నిర్వర్తించాల్సి ఉంటుంది. గ్రామీణ ప్రాంతాలు, పట్టణాలు, రెసిడెన్షియల్ క్యాంపస్లలో పనిచేయడానికి సిద్ధంగా ఉండాల్సి ఉంటుంది. ఈ నియామకాల కింద అసిస్టెంట్ కమిషనర్, ప్రిన్సిపల్, వైస్ ప్రిన్సిపల్, పోస్ట్ గ్రాడ్యుయేట్ టీచర్స్, ట్రైన్డ్ గ్రాడ్యుయేట్ టీచర్స్, ప్రైమరీ టీచర్, స్పెషల్ ఎడ్యుకేటర్, లైబ్రేరియన్తో పాటు KVS, NVS బోధనేతర పోస్టులను కూడా భర్తీ చేయనున్నారు. భారీ స్థాయిలో జరుగుతున్న ఈ నియామక ప్రక్రియ కేంద్ర ప్రభుత్వ విద్యా రంగంలో ఉద్యోగాల కోసం ప్రయత్నిస్తున్న అభ్యర్థులకు పెద్ద అవకాశంగా మారింది. ALSO READ: గుట్టు చప్పుడు కాకుండా మహిళలతో వ్యభిచారం చేస్తూ.. చివరికి!

Tag: special educator posts

Most Read

అంగన్‌వాడీల చేతికి స్మార్ట్ ఫోన్లు.. అవినీతి ఆరోపణలపై మంత్రి సీతక్క ఫైర్

తెలంగాణ ఇంటర్ ఫలితాల ముహూర్తం ఖరారు.. ఏప్రిల్ 12న విడుదల

మావోయిస్ట్ రహిత రాష్ట్రంగా తెలంగాణ.. డీజీపీ కీలక ప్రకటన

రేవంత్ రెడ్డి పాలకుడిలా వ్యవహరిస్తున్నారు.. కేసీఆర్‌ భేటీ తర్వాత జీవన్ రెడ్డి సంచలన వ్యాఖ్యలు

EDITOR PICKS

15,762 ఉద్యోగాలు.. అడ్మిట్ కార్డులు విడుదల

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending