Savings - Crime Mirror

వేసవికాలం ప్రారంభమవుతున్న నేపథ్యంలో ఉష్ణోగ్రతలు రోజురోజుకీ పెరుగుతూ ప్రజలను ఇబ్బందులకు గురిచేస్తున్నాయి. వేడిని తట్టుకునేందుకు ఇళ్లల్లో కూలర్లు, ఏసీలు, ఫ్యాన్లు నిరంతరం వినియోగంలోకి రావడంతో విద్యుత్ వినియోగం ఒక్కసారిగా పెరిగిపోతోంది. ఫలితంగా నెలవారీ కరెంట్ బిల్లులు కూడా గణనీయంగా పెరుగుతున్నాయి. అయితే కొన్ని సులభమైన మార్పులు, అలవాట్లు పాటిస్తే విద్యుత్ వినియోగాన్ని తగ్గించి బిల్లును నియంత్రణలో ఉంచుకోవచ్చని నిపుణులు సూచిస్తున్నారు. చిన్నచిన్న జాగ్రత్తలు తీసుకోవడం ద్వారా గృహ ఖర్చులను తగ్గించుకోవడం సాధ్యమవుతుంది. ఇంట్లో ఉపయోగించే ఎలక్ట్రానిక్ పరికరాల్లో పవర్ సేవింగ్ విధానాలను తప్పనిసరిగా ఉపయోగించాలి. టీవీ, ఏసీ, కంప్యూటర్ వంటి పరికరాల్లో ఉండే పవర్ సేవింగ్ ఎంపికను ఆన్ చేయడం వల్ల అవసరం లేని సమయంలో విద్యుత్ వినియోగం తగ్గుతుంది. దీంతో మొత్తం వినియోగం తగ్గి బిల్లు కూడా తగ్గుతుంది. అలాగే కొత్తగా పరికరాలు కొనుగోలు చేసే సమయంలో 5 స్టార్ రేటింగ్ ఉన్నవాటిని ఎంపిక చేసుకోవడం ఉత్తమం. ఇవి తక్కువ విద్యుత్తో పనిచేసేలా రూపొందించబడినవిగా ఉండటంతో దీర్ఘకాలంలో గణనీయమైన ఆదా కలిగిస్తాయి. ఇళ్లలో ఇంకా పాత విధానంలోని బల్బులు వాడుతున్నట్లయితే వెంటనే మార్పు చేయడం అవసరం. ఎల్ఈడీ బల్బులు తక్కువ విద్యుత్ వినియోగంతో ఎక్కువ వెలుతురు ఇస్తాయి. సాధారణ బల్బులతో పోలిస్తే దాదాపు 80 శాతం వరకు విద్యుత్ను ఆదా చేస్తాయి. ప్రారంభంలో ధర కొద్దిగా ఎక్కువగా అనిపించినా, దీర్ఘకాలంలో ఖర్చును తగ్గించడంలో ఇవి కీలక పాత్ర పోషిస్తాయి. అందుకే పాత బల్బులు, ఇతర విధానాలను పక్కనపెట్టి ఎల్ఈడీ లైట్లను ఉపయోగించడం ఉత్తమం. ఏసీ వాడకం విషయంలో కూడా కొన్ని జాగ్రత్తలు తీసుకోవాలి. గది ఉష్ణోగ్రతను 24 నుంచి 26 డిగ్రీల మధ్య ఉంచితే శరీరానికి కూడా అనుకూలంగా ఉండటంతో పాటు విద్యుత్ వినియోగం కూడా తగ్గుతుంది. అదేవిధంగా ఏసీ ఫిల్టర్లను నెలకు కనీసం 1సారి శుభ్రం చేయాలి. శుభ్రం చేసిన ఫిల్టర్లు గాలి ప్రవాహాన్ని మెరుగుపరచి పరికరం పనితీరును పెంచుతాయి. దీంతో విద్యుత్ వినియోగం తగ్గుతుంది. సీలింగ్ ఫ్యాన్లను అవసరానికి అనుగుణంగా వాడటం, గాలి ప్రసరణను మెరుగుపరచడం కూడా ముఖ్యమే. ఇంట్లో ఉపయోగించే పరికరాలను ఉపయోగించిన తర్వాత ప్లగ్లో అలాగే ఉంచకుండా తప్పనిసరిగా తీసేయాలి. ప్లగ్లో ఉంచినప్పటికీ కొంత విద్యుత్ వినియోగం జరుగుతుందని నిపుణులు చెబుతున్నారు. కాబట్టి ఉపయోగం పూర్తయ్యాక అన్ ప్లగ్ చేయడం అలవాటు చేసుకోవాలి. అలాగే ఉదయం సమయంలో కిటికీలు తెరిచి సూర్యకాంతి ఇంట్లోకి రానివ్వడం వల్ల గది సహజంగా వెలుతురుతో నిండిపోతుంది. దీంతో పగటి సమయంలో ఫ్యాన్లు, లైట్లు అవసరం తగ్గి విద్యుత్ ఆదా అవుతుంది. ఈ విధంగా చిన్న మార్పులు చేసుకుంటే వేసవిలో కరెంట్ బిల్లును గణనీయంగా తగ్గించుకోవచ్చు. ALSO READ: కొర్రలతో ఏ టిఫిన్ అక్కర్లేదు.. కొర్రలతో ఆ సమస్యలన్నీ ఖతం

Tag: Savings

Most Read

ఆ ఒక్క తప్పిదంతో మంత్రి పదవికి దూరం..!

తీవ్ర అసంతృప్తితో ముద్రగడ…!

జీవన్ రెడ్డి వ్యూహం ఏంటి…?

ఏపీ లో నంది అవార్డులు…!

EDITOR PICKS

సమ్మర్‌లో కరెంట్ బిల్లు పెరుగుతుందా?.. ఈ ట్రిక్స్‌తో డబ్బులు ఆదా

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US