క్రైమ్ మిర్రర్, తెలంగాణ :- తెలంగాణ రాష్ట్రంలో తాజాగా 2025-26 వార్షిక సంవత్సరానికి బడ్జెట్ ప్రవేశపెట్టిన విషయం మనందరికీ తెలిసిందే. దాదాపుగా మూడు లక్షల కోట్లకు పైగా బడ్జెట్లో ఆయా శాఖలకు సంబంధించి నిధులు కేటాయించారు. అయితే తాజాగా కాంగ్రెస్ ప్రభుత్వం ప్రవేశపెట్టిన బడ్జెట్ లో చాలా లోపాలు ఉన్నాయి అంటూ టిఆర్ఎస్ వర్కింగ్ ప్రెసిడెంట్ కేటీఆర్ తీవ్రంగా మండిపడ్డారు. ఉద్యమాల పురిటి గడ్డ అయినా ఉస్మానియా పై కాంగ్రెస్ ప్రభుత్వం ఉక్కు పాదం మోపిందని కేటీఆర్ తీవ్రంగా విమర్శించారు. అంతేకాకుండా తాజాగా ప్రవేశపెట్టిన బడ్జెట్ లోను జాబ్ క్యాలెండర్ లేదు… ఉద్యోగాలు లేవు… నిరుద్యోగ భృతి లేదని తెలిపారు. అధికారం కోసం అశోక్ నగర్ వెళ్లి… తీరా అధికారం వచ్చాక నిరుద్యోగుల గొంతు నొక్కారని తీవ్రంగా మండిపడ్డారు. కాంగ్రెస్ ప్రభుత్వం అధికారంలోకి వచ్చిన తర్వాత ప్రశ్నిస్తే అరెస్టులు, తీవ్రంగా దాడులు చేస్తున్నారని… కాంగ్రెస్ అరాచక పాలన రాహుల్ గాంధీకి కనిపించట్లేదా అని కేటీఆర్ సోషల్ మీడియా వేదికగా నిలదీశారు. కాంగ్రెస్ ప్రభుత్వం యువతనే కాకుండా… రైతన్నలను కూడా మోసం చేసిందని కేటీఆర్ విమర్శించారు.
అమరావతిలో వివిధ కంపెనీలకు భూములు కేటాయింపులు…
పదవి వచ్చింది.. మరి బాధ్యతలో..! – ఏపీలో కొత్త ఎమ్మెల్సీల ఎదురుచూపులు
