Ott release - Crime Mirror

Rajasaab: పాన్ ఇండియా స్టార్ ప్రభాస్ నటించిన ‘రాజాసాబ్’ సినిమా రిలీజ్కు ముందే సోషల్ మీడియాలో చర్చనీయాంశంగా మారిన సంగతి తెలిసిందే. టీజర్ విడుదలైన నాటి నుంచే గ్రాఫిక్స్ నాణ్యతపై విమర్శలు వెల్లువెత్తాయి. భారీ అంచనాల మధ్య వచ్చిన ఈ చిత్రం కథ పరంగా ఆసక్తికరంగా ఉన్నప్పటికీ, తెరకెక్కింపులో లోపాలు స్పష్టంగా కనిపించాయన్న అభిప్రాయం వ్యక్తమైంది. ముఖ్యంగా రిలీజ్ ప్లానింగ్ సరిగ్గా లేకపోవడం, ప్రమోషన్స్ ఊపందుకోకపోవడం వంటి అంశాలు సినిమా ఫలితంపై ప్రభావం చూపించాయని సినీ విశ్లేషకులు పేర్కొన్నారు. థియేటర్లలో విడుదలైన తర్వాత అభిమానుల నుంచి తీవ్ర అసంతృప్తి వ్యక్తమవ్వగా, సోషల్ మీడియాలో నెగెటివ్ టాక్ వేగంగా వ్యాపించింది. సినిమా విడుదలైన తర్వాత మరో అంశం హాట్ టాపిక్గా మారింది. పలు యాక్షన్ సన్నివేశాల్లో, డ్యాన్స్ మూమెంట్స్లో ప్రభాస్ స్థానంలో డూప్ను ఉపయోగించారనే విమర్శలు వినిపించాయి. మొదట ఇవి ఊహాగానాలుగా కనిపించినప్పటికీ, సినిమా ఓటీటీలోకి వచ్చిన తర్వాత కొన్ని సన్నివేశాలను కట్ చేసి సోషల్ మీడియాలో వైరల్ చేయడంతో ఈ చర్చ మరింత వేడెక్కింది. ప్రభాస్ డూప్ సీన్స్ను హైలైట్ చేస్తూ నెటిజన్లు, కొందరు ఫ్యాన్స్ దర్శకుడు మారుతిపై విమర్శలు గుప్పించారు. భారీ బడ్జెట్ చిత్రంలో ఇంత మేరకు డూప్ వాడటం ఎందుకని ప్రశ్నించారు. ఇంతలోనే మరో వివాదం తెరపైకి వచ్చింది. ఈ సినిమాలో హీరోయిన్ మాళవిక మోహనన్కు సంబంధించిన ఓ ఫైట్ సీక్వెన్స్ ఇప్పుడు సోషల్ మీడియాలో వైరల్ అవుతోంది. ఆ ఫైట్లో విలన్గా నటించిన రాన్సన్ విన్సెంట్ తాజాగా ఓ ఫోటో షేర్ చేయడంతో చర్చ మళ్లీ మొదలైంది. మాళవికతో ఫైట్ చేస్తున్న ఫోటోతో పాటు, ఆమెకు డూప్గా నటించిన వ్యక్తితో దిగిన ఫోటోను కూడా షేర్ చేశారు. ఆ డూప్ ఫైటర్ను మాళవికలా మేకప్ చేసి, అదే కాస్ట్యూమ్లో రెడీ చేసి యాక్షన్ సీన్ చిత్రీకరించినట్టు తెలుస్తోంది. ముఖ్యంగా ఆ డూప్ వ్యక్తి పురుషుడని గుర్తించిన నెటిజన్లు ఆశ్చర్యం వ్యక్తం చేస్తున్నారు. హీరో మాత్రమే కాదు, హీరోయిన్ ఫైట్ సీన్కూ డూప్ వాడటం గమనార్హమని సోషల్ మీడియాలో కామెంట్లు వెల్లువెత్తుతున్నాయి. ఈ ఫోటోలు వైరల్ కావడంతో ప్రభాస్ అభిమానులు, సినిమా లవర్స్ మరోసారి దర్శకుడిపై విమర్శలు గుప్పిస్తున్నారు. “మొత్తం సినిమా డూప్లతోనే తీశారా?” అంటూ వ్యంగ్య వ్యాఖ్యలు చేస్తున్నారు. ఇప్పటికే రిలీజ్ తర్వాత మారుతి మీడియా ముందుకు రాకపోవడం, అజ్ఞాతంలోకి వెళ్లినట్టు ప్రచారం జరగడం వంటి అంశాలు ఈ వివాదానికి మరింత బలం చేకూరుస్తున్నాయి. ఓటీటీలో విడుదలైన తర్వాత కూడా ‘రాజాసాబ్’పై ట్రోల్స్ తగ్గకపోవడం గమనార్హం. భారీ అంచనాల మధ్య వచ్చిన సినిమా వివాదాల చుట్టూ తిరగడం అభిమానులను నిరాశకు గురిచేస్తోంది. మొత్తానికి, థియేటర్ రిలీజ్ తర్వాత మొదలైన విమర్శల పరంపర ఓటీటీ వేదికపైకి వచ్చిన తర్వాత మరింత వేగం పుంజుకుంది. ఈ వివాదాలపై చిత్రబృందం ఎలాంటి క్లారిటీ ఇస్తుందో చూడాలి. ALSO READ: Murali Sharma: ఏంటి?.. ఈయన భార్య అల్లు అర్జున్తో సినిమాలు చేసిందా..?

Tag: Ott release

Most Read

ఐటీ కారిడార్‌లో హైడ్రా మెరుపు దాడి.. రూ. 1200 కోట్ల విలువైన భూమి స్వాధీనం!

మణిపూర్‌లో మారణహోమం.. రాకెట్ దాడిలో ఇద్దరు పసికందుల బలి.. రగిలిపోతున్న బిష్ణుపూర్!

రేవంత్ రెడ్డి వర్సెస్ పినరయి విజయన్.. ఇద్దరు సీఎంల మధ్య ముదిరిన లేఖల యుద్ధం

హైదరాబాద్ బిర్యానీ ప్రియులకు షాక్.. మూడు రోజుల నిల్వ బిర్యానీ వేడివేడిగా వడ్డింపు!

EDITOR PICKS

Rajasaab: మళ్లీ ట్రోల్స్.. మొత్తం సినిమా డూప్‌లతోనే తీశారా?

రేపు ఓటీటీలోకి రెండు సూపర్ హిట్ మూవీస్?

ఈనెల చివరిలో ఓటీటీ లోకి హిట్ సినిమా

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending