Online Food Order Warning

భాగ్యనగరంలో బిర్యానీ అంటే తెలియని వారుండరు. ఇక్కడి రుచులకు ఫిదా అయి కిలోమీటర్ల దూరం నుండి వచ్చి మరీ లాగించేస్తుంటారు. అయితే మీరు కూడా బిర్యానీ ప్రియులేనా? బయట దొరికే బిర్యానీని ఇష్టంగా తింటున్నారా? అయితే ఈ వార్త మీకోసమే. నగరంలో ఆహార కల్తీ విపరీతంగా పెరిగిపోతోంది. తాజాగా బంజారాహిల్స్ ప్రాంతంలో వెలుగుచూసిన ఉదంతం వింటే మీరు షాక్కు గురవ్వడం ఖాయం. ప్రజల ప్రాణాలతో చెలగాటం ఆడుతూ కొన్ని హోటల్స్ యాజమాన్యాలు అత్యంత దారుణంగా వ్యవహరిస్తున్నాయి. సెల్లార్ లో గుట్టు చప్పుడు కాకుండా..? బంజారాహిల్స్ వంటి అత్యంత ఖరీదైన ప్రాంతంలో ఒక అపార్ట్మెంట్ సెల్లార్ వేదికగా ఈ అక్రమ దందా సాగుతోంది. "లక్కీ బిర్యానీ అండ్ షవర్మా" పేరుతో నిర్వహిస్తున్న ఈ కేంద్రంలో అధికారులు జరిపిన తనిఖీల్లో విస్తుపోయే నిజాలు బయటపడ్డాయి. ఎటువంటి అనుమతులు లేకుండా అపరిశుభ్ర వాతావరణంలో ఆహారాన్ని నిల్వ చేస్తూ జనాలను మోసం చేస్తున్నారు. కేవలం కమీషన్ల కోసం ఆశపడి వినియోగదారుల ఆరోగ్యంతో ఆటలాడుతున్నారు. మూడు రోజుల నాటి బిర్యానీ.. సాధారణంగా మనం వండుకున్న వంటకం మరుసటి రోజుకే పాడైపోతుందని భయపడతాం. కానీ ఇక్కడ మాత్రం సీన్ వేరేలా ఉంది. ఏకంగా మూడు రోజుల క్రితం తయారు చేసిన బిర్యానీని ఫ్రిజ్లలో కుక్కి పెడుతున్నారు. వందలాది ప్యాకెట్ల బిర్యానీని భారీ ఫ్రిజ్లలో నిల్వ ఉంచి ఆర్డర్ వచ్చిన వెంటనే బయటకు తీస్తున్నారు. జీడిమెట్ల ప్రాంతంలో ఈ బిర్యానీని భారీ ఎత్తున వండి బంజారాహిల్స్కు తరలిస్తున్నారు. అక్కడ ఒక చిన్న గదిలో ఓవెన్లను ఏర్పాటు చేసుకుని నిల్వ ఉన్న బిర్యానీని వేడి చేసి ప్యాక్ చేస్తున్నారు. ఆన్ లైన్ ఆర్డర్ పెడుతున్నారా..? జాగ్రత్త ఈ నిర్వాహకులు ప్రధానంగా ఆన్లైన్ ఫుడ్ డెలివరీ యాప్స్ ద్వారా వ్యాపారాన్ని సాగిస్తున్నారు. జోమాటో వంటి ప్లాట్ఫారమ్స్ ద్వారా ఆర్డర్ చేసే కస్టమర్లకు ఈ బాసమ్మ (పాత) బిర్యానీని అంటగడుతున్నారు. ఓవెన్లో కేవలం రెండు నిమిషాలు వేడి చేస్తే అది అప్పుడే వండిన తాజా బిర్యానీలా కనిపిస్తుంది. రుచిలో తేడా తెలియకుండా ఉండేందుకు అదనంగా రసాయనాలు కలుపుతున్నట్లు అనుమానాలు వ్యక్తమవుతున్నాయి. ఆకర్షణీయమైన ప్యాకింగ్ చూసి మోసపోతున్న సామాన్య జనం తీవ్రమైన ఉదర సంబంధిత వ్యాధుల బారిన పడుతున్నారు. విశ్వసనీయ సమాచారం అందుకున్న ఫుడ్ సేఫ్టీ అధికారులు సదరు అపార్ట్మెంట్ సెల్లార్పై ఆకస్మిక దాడి చేశారు. అక్కడ ఫ్రిజ్లలో కుళ్లిపోయిన మాంసం నిల్వ ఉంచిన బిర్యానీని చూసి అధికారులు సైతం విస్మయానికి గురయ్యారు. అక్కడ దొరికిన ఆహార నమూనాలను ల్యాబ్కు పంపారు. నిబంధనలకు విరుద్ధంగా నడుపుతున్న ఈ కేంద్రాన్ని వెంటనే సీజ్ చేశారు. నిర్వాహకులపై కఠిన చర్యలు తీసుకుంటామని అధికారులు హెచ్చరించారు. బయట బిర్యానీ తినేటప్పుడు అది ఏ హోటల్ నుండి వస్తోంది? ఎంతవరకు నాణ్యత పాటిస్తున్నారు? వంటి విషయాలను గమనించాలని నిపుణులు సూచిస్తున్నారు. అతి తక్కువ ధరకు వస్తోంది కదా అని ఆశపడితే ఆసుపత్రి పాలయ్యే ప్రమాదం ఉంది. మురికి కూపాలను తలపించే ప్రాంతాల్లో తయారయ్యే ఆహారానికి దూరంగా ఉండటం శ్రేయస్కరం. ALSO READ: ఒక్కసారిగా వందమీటర్లు సముద్రం వెనక్కి…భయాందోళనలో ప్రజలు…!

Tag: Online Food Order Warning

Most Read

మణిపూర్‌లో మారణహోమం.. రాకెట్ దాడిలో ఇద్దరు పసికందుల బలి.. రగిలిపోతున్న బిష్ణుపూర్!

రేవంత్ రెడ్డి వర్సెస్ పినరయి విజయన్.. ఇద్దరు సీఎంల మధ్య ముదిరిన లేఖల యుద్ధం

హైదరాబాద్ బిర్యానీ ప్రియులకు షాక్.. మూడు రోజుల నిల్వ బిర్యానీ వేడివేడిగా వడ్డింపు!

Political friends: కమలం, గులాబీ దోస్తీ…!

EDITOR PICKS

హైదరాబాద్ బిర్యానీ ప్రియులకు షాక్.. మూడు రోజుల నిల్వ బిర్యానీ వేడివేడిగా వడ్డింపు!

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending