NaturalHairCare - Crime Mirror

మనలో చాలా మంది రోజూ ఎదుర్కొనే ప్రధాన సమస్యల్లో జుట్టు రాలడం ఒకటి. దీనితో పాటు నెరిసిపోవడం, చుండ్రు, సన్నగా మారుతున్న వెంట్రుకలు, తేమ లేదా ఎండ కారణంగా వెలిసిపోతున్న జుట్టు వంటి సమస్యలు కూడా విస్తృతంగా కనిపిస్తున్నాయి. మెరుగైన జుట్టు ఆరోగ్యం కోసం చాలామంది పోషకాహారం తీసుకోవడం మొదలు పెడతారు. ప్రోటీన్లు, విటమిన్లు, మినరల్స్ అధికంగా ఉండే ఆహారం తీసుకుంటే జుట్టుకు బలం వస్తుందని భావిస్తారు. అదే సమయంలో హెయిర్ మాస్క్లు, హెయిర్ ఆయిల్స్, వివిధ రకాల జుట్టు సంరక్షణ ఉత్పత్తులు ఉపయోగిస్తూ సమస్యను నియంత్రించేందుకు ప్రయత్నిస్తుంటారు. అయితే, జుట్టు సంరక్షణలో మనం ప్రతిరోజూ చేసే కొన్ని చిన్న పొరపాట్లే సమస్యను మరింత పెంచుతాయని నిపుణులు చెబుతున్నారు. వేడి, తేమ ఎక్కువగా ఉండే వాతావరణంలో జుట్టు డల్గా మారడం సాధారణమే. ముఖ్యంగా తలస్నానం చేసేటప్పుడు జుట్టు ఎక్కువగా రాలుతున్నట్లు అనిపించడం చాలా మందికి భయాన్ని కలిగిస్తుంది. ఈ పరిస్థితిలో చాలా మంది తరచుగా షాంపూ వాడడం వల్లే జుట్టు రాలుతుందని భావించి తలస్నానం చేయడం తగ్గిస్తారు. కానీ వాస్తవానికి సరైన పద్ధతిలో షాంపూ చేయకపోవడం, తప్పు ఉత్పత్తులు వాడటం, జుట్టును గట్టిగా రుద్దడం వంటి కారణాలే సమస్యకు ప్రధాన కారకాలు. కాబట్టి జుట్టు ఆరోగ్యంగా ఉండాలంటే షాంపూ ఎంపిక నుంచి తలస్నానం చేసే విధానం వరకు ప్రతిదీ జాగ్రత్తగా చూసుకోవాలి. మొదటగా సరైన షాంపూ ఎంపిక చాలా కీలకం. మార్కెట్లో అనేక రకాల షాంపూలు అందుబాటులో ఉన్నాయి. రసాయనాలు అధికంగా ఉన్న ఉత్పత్తులు తాత్కాలికంగా మెరిసేలా కనిపించినా.. దీర్ఘకాలంలో జుట్టును బలహీనపరచే ప్రమాదం ఉంది. ముఖ్యంగా సల్ఫేట్, పారాబెన్ వంటి కఠిన రసాయనాలు ఉండే షాంపూలను వీలైనంత వరకు దూరంగా ఉంచడం మంచిది. జుట్టు రాలే సమస్య ఉన్నవారు విటమిన్లు, సహజ పదార్థాలు అధికంగా ఉన్న యాంటీ హెయిర్ ఫాల్ షాంపూలను ఎంచుకోవడం ఉత్తమం. ఉత్పత్తి వెనుక భాగంలో ఉన్న పదార్థాల వివరాలను చదివి కొనడం అలవాటు చేసుకోవాలి. పీహెచ్ స్థాయి కూడా అంతే ముఖ్యమైన అంశం. సాధారణంగా మన తల చర్మం యొక్క పీహెచ్ విలువ 5.5 చుట్టూ ఉంటుంది. కాబట్టి అదే స్థాయిలో ఉండే షాంపూలు ఉపయోగించడం ఉత్తమం. బేసిక్ గుణాలు అధికంగా ఉన్న షాంపూలు జుట్టును పొడిబారేలా చేయవచ్చు. అందుకే ప్యాకెట్పై ఉన్న పీహెచ్ విలువను పరిశీలించి 5.5 పీహెచ్ ఉన్న ఉత్పత్తులను ఎంపిక చేసుకోవాలి. ప్రస్తుతం పిల్లల కోసం లభించే బేబీ షాంపూలలో కూడా 5.5 పీహెచ్ విలువ ఉంటుంది. అవి తల చర్మానికి మృదువుగా పనిచేస్తాయి కాబట్టి పెద్దవారు కూడా అవసరమైతే వాటిని ఉపయోగించవచ్చు. తలస్నానం చేసే విధానంలో కూడా జాగ్రత్తలు అవసరం. జుట్టును గట్టిగా రుద్దకుండా, వేళ్లతో సున్నితంగా మసాజ్ చేయాలి. ప్రతి రెండు రోజులకు ఒకసారి తలస్నానం చేయడం మంచిది. అది సాధ్యంకాకపోతే కనీసం వారానికి రెండు సార్లు తప్పనిసరిగా తలస్నానం చేయాలి. తలస్నానం అనంతరం హెయిర్ డ్రైయర్ను తరచుగా వాడకుండా సహజంగా గాలిలో ఆరబెట్టడం ఉత్తమం. అధిక వేడి జుట్టు తేమను తగ్గించి దాన్ని బలహీనపరుస్తుంది. బయటకు వెళ్లేటప్పుడు దుమ్ము, ధూళి పడకుండా స్కార్ఫ్ లేదా తల కవర్ ఉపయోగించడం మంచిది. షాంపూ చేసిన తర్వాత జుట్టును తడిగా ఉండగానే గట్టిగా తుడవడం కూడా తప్పు. మృదువైన టవల్తో నెమ్మదిగా తుడవాలి. ప్రత్యేక సందర్భాల్లో తప్ప బ్లో డ్రైయర్ వినియోగాన్ని తగ్గించాలి. సహజ గాలి వాతావరణంలో జుట్టు ఆరితే దాని సహజ కాంతి, బలం నిలుస్తాయి. జుట్టు సంరక్షణలో నూనె వాడకం కీలక పాత్ర పోషిస్తుంది. వారానికి ఒకటి లేదా రెండు సార్లు తలకు నూనె రాసి, వేళ్లతో సున్నితంగా మసాజ్ చేయడం వల్ల రక్త ప్రసరణ మెరుగవుతుంది. దీని ద్వారా జుట్టు వేర్లు బలపడతాయి, పెరుగుదల మెరుగుపడుతుంది. అయితే నూనె రాసిన వెంటనే గట్టిగా కట్టేయడం లేదా ఎక్కువసేపు ఉంచడం కూడా సరికాదు. సరైన సమయం తర్వాత మృదువైన షాంపూతో శుభ్రం చేయాలి. మొత్తానికి జుట్టు సమస్యలకు ఒక్కటే పరిష్కారం ఉండదు. సరైన ఆహారం, సరైన షాంపూ ఎంపిక, పీహెచ్ స్థాయి గమనించడం, మృదువైన తలస్నానం పద్ధతి, సహజంగా ఆరబెట్టడం, నూనె మసాజ్ వంటి చిన్న చిన్న జాగ్రత్తలు పాటిస్తే జుట్టు ఆరోగ్యం మెరుగుపడుతుంది. నిర్లక్ష్యం చేస్తే చిన్న సమస్యలు పెద్దవిగా మారే ప్రమాదం ఉంది. కాబట్టి ప్రతిరోజూ జుట్టు సంరక్షణలో చిట్కాలను పాటించడం ద్వారా ఆరోగ్యకరమైన, మెరిసే కేశాలను సొంతం చేసుకోవచ్చు. ALSO READ: CM Revanth Reddy: 2028లో కాదు, రాష్ట్రంలో అసెంబ్లీ ఎన్నికలు అప్పుడే

Tag: NaturalHairCare

Most Read

Pawan Kalyan: పవన్ కళ్యాణ్ కు వీర జవాన్ తల్లిదండ్రుల విజ్ఞప్తి!

Komatireddy Rajagopal Reddy: అంతా మీకేనా?.. ఎమ్మెల్యేల పరిస్థితి ఏంటి?!

Telangana Govt: సోషల్ మీడియా పోస్టులపై నిఘా, అనుచితం అని తేలితే కేసు!

CM Revanth: నా ఉన్నతికి కారణం కేసీఆర్.. గులాబీ బాస్ కు క్రెడిట్ ఇచ్చిన సీఎం రేవంత్!

EDITOR PICKS

షాంపూలు వాడుతున్నారా?.. ఈ తప్పు మాత్రం చేయకండి

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending