Mobile Review India - Crime Mirror

Realme: భారత మొబైల్ మార్కెట్లో రియల్మీ బ్రాండ్ తన ప్రత్యేకతను నిలబెట్టుకున్నది. యువత నుంచి సాధారణ వినియోగదారుల వరకు అందరికీ సరిపోయే ఫోన్లు విడుదల చేస్తూ మంచి మార్కెట్ను సాధిస్తోంది. అదే జోరు కొనసాగిస్తూ తాజాగా మరో శక్తివంతమైన ప్రీమియం స్మార్ట్ఫోన్ను భారత వినియోగదారుల ముందుకు తీసుకొచ్చింది. Realme GT 8 Pro పేరుతో విడుదల చేసిన ఈ కొత్త ఫ్లాగ్షిప్ ఫోన్ ఆకర్షణీయమైన ఫీచర్లు, అధునాతన టెక్నాలజీతో ప్రత్యేక దృష్టిని ఆకర్షిస్తోంది. ఈ ఫోన్ 6.79 అంగుళాల పెద్ద డిస్ప్లేతో వచ్చి వినియోగదారులకు సినిమాలు, గేమింగ్, రోజువారీ ఉపయోగంలో అద్భుతమైన విజువల్ అనుభూతిని అందించనుంది. బ్యాటరీ విషయంలో రియల్మీ భారీ సామర్థ్యాన్ని అందించింది. 7000mAh బ్యాటరీతో రోజు మొత్తం మాత్రమే కాదు, ఎక్కువ వినియోగంలోనూ ఛార్జ్ అయిపోతుందేమో అన్న ఆందోళన లేకుండా వినియోగదారులు సౌకర్యంగా ఉపయోగించవచ్చు. సాఫ్ట్వేర్ పరంగా చూస్తే ఆండ్రాయిడ్ 16 ఆధారంగా ఈ మొబైల్ పనిచేయనుండటం ముఖ్య ఆకర్షణగా మారింది. ఫోన్ వేగం, పనితీరు, సెక్యూరిటీ అన్నీ మరింత మెరుగవుతాయని కంపెనీ చెబుతోంది. కెమెరా సెగ్మెంట్లో కూడా రియల్మీ గట్టి పోటీని ఇస్తోంది. 50 మెగాపిక్సెల్ ప్రధాన కెమెరా, 50 మెగాపిక్సెల్ అల్ట్రావైడ్ లెన్స్, 200 మెగాపిక్సెల్ టెలిఫోటో లెన్స్లతో కూడిన ఈ ట్రిపుల్ రియర్ కెమెరా సెటప్ ప్రొఫెషనల్ లెవల్ ఫోటోగ్రఫీని అందించగలదు. సెల్ఫీ కోసం 32 మెగాపిక్సెల్ కెమెరా ఇవ్వడం సెల్ఫీ లవర్స్ను ఆకట్టుకుంటోంది. చార్జింగ్ విషయంలో కూడా ఈ ఫోన్ ప్రత్యేకం. 120W వైర్డ్ ఫాస్ట్ చార్జింగ్, 50W వైర్లెస్ ఫాస్ట్ చార్జింగ్ సపోర్ట్ ఉండటం వల్ల కేవలం కొద్ది నిమిషాల్లోనే భారీ బ్యాటరీకి తిరిగి జీవం పోస్తుంది. భారీగా మొబైల్ వినియోగించే వారికి ఇది పెద్ద అదనపు ప్రయోజనంగా చెప్పవచ్చు. ధరల విషయానికి వస్తే రెండు వేరియంట్లలో ఈ డివైస్ను లాంచ్ చేశారు. 12GB + 256GB స్టోరేజ్ వేరియంట్ను రూ.72,999కు అందించగా, అధిక స్టోరేజ్ కలిగిన 16GB + 512GB వేరియంట్ను రూ.78,999 ధరకు విడుదల చేశారు. ఫీచర్లు, పనితీరు, బ్యాటరీ, కెమెరా ఇలా అన్ని కంబినేషన్లు చూసుకుంటే రియల్మీ ఈ సారి ప్రీమియం సెగ్మెంట్లో మంచి హైప్ క్రియేట్ చేసింది అనడంలో సందేహం లేదు. ALSO READ: Egg Prices: రికార్డులు బద్దలుకొట్టిన కోడిగుడ్డు ధరలు

Tag: Mobile Review India

Most Read

అంగన్‌వాడీల చేతికి స్మార్ట్ ఫోన్లు.. అవినీతి ఆరోపణలపై మంత్రి సీతక్క ఫైర్

తెలంగాణ ఇంటర్ ఫలితాల ముహూర్తం ఖరారు.. ఏప్రిల్ 12న విడుదల

మావోయిస్ట్ రహిత రాష్ట్రంగా తెలంగాణ.. డీజీపీ కీలక ప్రకటన

రేవంత్ రెడ్డి పాలకుడిలా వ్యవహరిస్తున్నారు.. కేసీఆర్‌ భేటీ తర్వాత జీవన్ రెడ్డి సంచలన వ్యాఖ్యలు

EDITOR PICKS

Realme: 7000mAh బ్యాట‌రీతో క్రేజీ ఫోన్ లాంచ్.. ధర, ఫీచర్లు ఇవే..

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending