Medchal Politics - Crime Mirror

మేడ్చల్ జిల్లాలోని మూడుచింతలపల్లి మున్సిపాలిటీలో ఆసక్తికర రాజకీయ పరిణామం చోటుచేసుకుంది. స్థానిక సంస్థల ఎన్నికల ఫలితాల అనంతరం చోటు చేసుకున్న పరిణామాలు ఇప్పుడు చర్చనీయాంశంగా మారాయి. మున్సిపాలిటీ పరిధిలోని 12వ వార్డులో పోటీ చేసిన కాంగ్రెస్ అభ్యర్థి ఎం.జ్యోతి ఓటమి పాలవడం తెలిసిందే. ఆమెపై భారత రాష్ట్ర సమితి అభ్యర్థి విజయం సాధించడంతో స్థానిక రాజకీయ వాతావరణం ఒక్కసారిగా మారిపోయింది. ఓటమిని జీర్ణించుకోలేకపోయిన జ్యోతి, ఎన్నికల ముందు ఓటర్లకు పంపిణీ చేసిన డబ్బులు, చీరలు తిరిగి ఇవ్వాలంటూ కుటుంబ సభ్యులతో కలిసి ఇంటింటికీ తిరుగుతున్నట్లు సమాచారం వెలుగులోకి వచ్చింది. ఈ వ్యవహారం స్థానికంగా తీవ్ర చర్చకు దారితీసింది. కొన్ని చోట్ల ఓటర్లు “మాకు ఎవరు ఇవ్వమన్నారు” అంటూ ఆగ్రహం వ్యక్తం చేస్తున్నట్లు తెలుస్తోంది. ఎన్నికల సమయంలో ఇచ్చిన వాగ్దానాలు, పంపిణీలు ఇప్పుడు వసూళ్ల రూపంలో మారడం రాజకీయ వర్గాల్లో ఆసక్తికర చర్చకు దారితీసింది. మూడుచింతలపల్లి మున్సిపాలిటీలో మొత్తం 24 వార్డులు ఉన్నాయి. ఫలితాల్లో భారత రాష్ట్ర సమితి 14 వార్డులను గెలుచుకుని స్పష్టమైన ఆధిక్యం సాధించింది. కాంగ్రెస్ పార్టీ 9 వార్డుల్లో విజయం సాధించగా, భారతీయ జనతా పార్టీ ఒక్క స్థానాన్ని దక్కించుకుంది. ఈ ఫలితాలతో భారత రాష్ట్ర సమితి మున్సిపాలిటీలో స్పష్టమైన మెజారిటీ సాధించి చైర్మన్, వైస్ చైర్మన్ పదవులను కైవసం చేసుకుంది. ఎన్నికల ఫలితాల తరువాత చోటుచేసుకున్న ఈ పరిణామం రాజకీయ నైతికత, ఎన్నికల విధానాలపై మళ్లీ చర్చకు దారితీసింది. ఓటర్లను ఆకర్షించేందుకు ముందస్తుగా పంపిణీలు చేసి, అనంతరం వాటిని తిరిగి కోరడం ఎంతవరకు సమంజసం అన్న ప్రశ్నలు వ్యక్తమవుతున్నాయి. స్థానికంగా ఈ వ్యవహారం పెద్ద చర్చనీయాంశంగా మారింది. ALSO READ: Maha Shivratri: శివాలయాల్లో భక్తుల సందడి మాములుగా లేదుగా..

Tag: Medchal Politics

Most Read

మోడీతో నారా లోకేష్ భేటీ…!

సిర్స‌లో ఘ‌నంగా హ‌నుమాన్ జ‌యంతి వేడుక‌లు

గడ్డిమందు అమ్మితే చర్యలు తప్పవు…!

New Bride suicide: పెళ్లైన నెల‌కే…! న‌వ‌వ‌ధువు.. హైద‌రాబాద్‌లో ఘోరం…

EDITOR PICKS

మున్సిపల్ ఎన్నికల్లో ఓటమి.. డబ్బులు, చీరలు తిరిగి ఇవ్వాలంటూ వసూళ్లు

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending