సుధీర్ ఫ్యాన్స్ కు సూపర్ న్యూస్.. భారీ బడ్జెట్ సినిమాలో హీరోగా?

క్రైమ్ మిర్రర్, సినిమా న్యూస్ :- జబర్దస్త్ షో ద్వారా బుల్లితెర ప్రేక్షకుల మనసును సంపాదించిన సుడిగాలి సుదీర్ ఎంత ఫేమస్ అయ్యారు అనేది మనం ప్రత్యేకంగా చెప్పనవసరం లేదు. సుడిగాలి సుదీర్ కు రెండు తెలుగు రాష్ట్రాలలో ఎంతో మంది అభిమానులు ఉన్నారు. ఒకవైపు మ్యాజిక్ చేస్తూ.. మరోవైపు తన కామెడీతో ప్రతి ఒక్కరిని నవ్వించగల శక్తితో చాలా మంది అభిమానులను సొంతం చేసుకున్నారు. అలాంటి సుడిగాలి సుదీర్ ఈమధ్య కొన్ని సినిమాలు చేసిన అవి అంతంత మాత్రంగానే నిలిచాయి. కానీ నేడు సుడిగాలి సుదీర్ హీరోగా ఓ భారీ బడ్జెట్ సినిమా రాబోతుందని టాలీవుడ్ వర్గాలు పేర్కొన్నాయి. మెగాస్టార్ చిరంజీవి అభిమాని అయినటువంటి శివ చెర్రీ నిర్మాణంలో ఓ భారీ బడ్జెట్ సినిమాలో సుడిగాలి సుదీర్ హీరోగా నటిస్తున్నారట. ఈ సినిమా మరిన్ని రోజులు లేట్ చేయకుండా.. వెంటనే ఈ నెల 29వ తేదీన రామానాయుడు స్టూడియోస్ లో సినిమాకు ముహూర్తపు పూజ నిర్వహించనున్నట్లు చిత్ర యూనిట్ తెలిపింది. ఈ కార్యక్రమంలో ప్రముఖ టెక్నీషియన్లు అలాగే చాలామంది ఆర్టిస్టులు భాగస్వాములు అవుతారని పేర్కొన్నారు. ఈ న్యూస్ విన్న సుడిగాలి సుదీర్ అభిమానులైతే చాలా సంతోషంలో మునిగి తేలుతున్నారు. టాలెంట్ ఉన్నా కూడా ఆ టాలెంట్ అంతా కూడా బుల్లితెర షో కు మాత్రమే ఉపయోగిస్తున్నారని చాలామంది నెటిజనులు సోషల్ మీడియా వేదికగా మండిపడుతున్నారు. సుడిగాలి సుదీర్ లాంటి వ్యక్తులు హీరోగా పర్ఫెక్ట్ గా మ్యాచ్ అవుతారని కామెంట్లు చేస్తున్నారు. టాలెంట్ ను నమ్ముకుని బుల్లితెర షో నుంచి సినిమా ఇండస్ట్రీ లోకి అడుగుపెట్టిన ఏకైక వ్యక్తి సుడిగాలి సుదీర్. ఇక భారీ బడ్జెట్ లో నిర్మితమయ్యే ఈ సినిమా పెద్ద సక్సెస్ అవ్వాలని ఫ్యాన్స్ తో పాటుగా చాలామంది సినిమా ప్రేక్షకులు కోరుకుంటున్నారు.