Ias srilakshmi - Crime Mirror

క్రైమ్ మిర్రర్, వెబ్ డెస్క్ :- ఓఎంసీ కేసులో ఐఏఎస్ అధికారిణి శ్రీలక్ష్మి కి సుప్రీంకోర్టులో చుక్కెదురైంది. ఓబుళాపురం అక్రమ మైనింగ్ కేసులో ఆమెకు విముక్తి కల్పిస్తూ తెలంగాణ హైకోర్టు ఇచ్చిన తీర్పును సుప్రీం ధర్మాసనం కొట్టివేసింది. ప్రతి వాదుల వాదనలను పరిగణలోకి తీసుకోకుండా హైకోర్టు తీర్పు ఇచ్చిందని సీబీఐ వాదనలు వినిపించింది. సీబీఐ వాదనతో సుప్రీం కోర్టు ఏకీభవించింది. మళ్లీ శ్రీలక్ష్మి కేసును తాజాగా విచారించాలని, అంతే కాకుండా మూడు నెలల్లోగా విచారణను ముగించాలని హైకోర్టును సుప్రీం కోర్టు ఆదేశించింది. ఓబుళాపురం మైనింగ్ లో అక్రమాలు జరిగాయంటూ సీబీఐ కేసు నమోదు చేసిన విషయం తెలిసిందే. ఈ కేసులో నిందితురాలిగా ఐఏఎస్ అధికారిణి శ్రీలక్ష్మి అరెస్టు అయి కొంత కాలం జైలు జీవితం కూడా అనుభవించారు. 2022 లో హైకోర్టు శ్రీలక్ష్మి ని ఈ కేసు నుంచి డిశ్చార్జ్ చేసిన విషయం తెలిసిందే. ఆ డిశ్చార్జ్ పిటిషన్ పై హైకోర్టు నిర్ణయాన్ని తాజాగా సుప్రీంకోర్టు తోసిపుచ్చింది. ఓబుళాపురం అక్రమ మైనింగ్ కేసులో నిందితులకు మంగళవారం హైదరాబాద్ లోని సీబీఐ కోర్టు శిక్ష విధించిన విషయం తెలిసిందే. ప్రధాన నిందితులైన గాలి జనార్ధన్ రెడ్డి తో పాటు వి.బి. శ్రీనివాసరెడ్డి, వి.డి. రాజగోపాల్, మెఫజ్ అలీఖాన్ లకు ఒక్కొక్కరికి కోర్టు ఏడేళ్ల జైలు శిక్ష, రూ. 20 వేల చొప్పున జరిమానా విధించింది. ప్రభుత్వ ఉద్యోగి అయిన రాజగోపాల్ కు అదనంగా నాలుగేళ్ల జైలు శిక్షతో పాటు రూ. 2 వేలు జరిమానా విధించింది. నిందితులు జరిమానా చెల్లించని పక్షంలో అదనంగా ఆరు నెలల సాధారణ జైలు శిక్ష అనుభవించాలని తీర్పులో పేర్కొన్నారు. ఓబుళాపురం మైనింగ్ కార్పొరేషన్ కు రూ. 2 లక్షల జరిమానా విధించింది సీబీఐ కోర్టు. వేర్వేరు సెక్షన్ల క్రింద వేర్వేరుగా ఏడేళ్లు శిక్షలు పడినప్పటికీ ఏకకాలంలో అనుభవించాలని న్యాయమూర్తి తీర్పులో పేర్కొన్నారు. ఇప్పటికే జైలులో అనుభవించిన శిక్షకు మినహాయింపు నిచ్చారు. ఈ కేసులో నిందితులుగా ఉన్న మాజీ మంత్రి సబిత, ఐఏఎస్ కృపానందం లను నిర్దోషులుగా ప్రకటిస్తూ సీబీఐ కోర్టు కీలకమైన తీర్పును వెలువరించింది. ఇండియన్ ఆర్మీ కోసం సీఎం రేవంత్ రెడ్డి ర్యాలీ 14 మంది పాకిస్తాన్ సైనికులు హతం

Tag: Ias srilakshmi

Most Read

అంగన్‌వాడీల చేతికి స్మార్ట్ ఫోన్లు.. అవినీతి ఆరోపణలపై మంత్రి సీతక్క ఫైర్

తెలంగాణ ఇంటర్ ఫలితాల ముహూర్తం ఖరారు.. ఏప్రిల్ 12న విడుదల

మావోయిస్ట్ రహిత రాష్ట్రంగా తెలంగాణ.. డీజీపీ కీలక ప్రకటన

రేవంత్ రెడ్డి పాలకుడిలా వ్యవహరిస్తున్నారు.. కేసీఆర్‌ భేటీ తర్వాత జీవన్ రెడ్డి సంచలన వ్యాఖ్యలు

EDITOR PICKS

ఓఎంసీ కేసులో శ్రీలక్ష్మి కి చుక్కెదురు

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending