Honor related violence | Crime Mirror

Illegal Relationship: కర్నూలు జిల్లా పత్తికొండ ప్రాంతంలో చోటు చేసుకున్న ఓ ఘటన అక్రమ సంబంధాలు ఎలాంటి విషాదాలకు దారి తీస్తాయో మరోసారి స్పష్టంగా చూపిస్తోంది. పదేళ్లుగా కొనసాగుతున్న అక్రమ సంబంధం చివరకు ఒక వ్యక్తి ప్రాణాలను బలిగొంది. కుటుంబాల మధ్య జరిగిన హెచ్చరికలు, పంచాయతీలు ఫలితం ఇవ్వకపోవడంతో పరిస్థితి హింసాత్మకంగా మారింది. పత్తికొండ మండలం మండగిరి గ్రామానికి చెందిన రంగమ్మ, దేవనకొండ మండలం భైరవానికుంటకు చెందిన గొల్ల లింగమూర్తి మధ్య దాదాపు పదేళ్లుగా అక్రమ సంబంధం కొనసాగుతున్నట్లు తెలుస్తోంది. ఈ విషయం ఇరువురి కుటుంబాలకు తెలిసినప్పటి నుంచే గ్రామంలో పలుమార్లు పెద్దల సమక్షంలో పంచాయతీలు జరిగాయి. ఈ సంబంధాన్ని కొనసాగించవద్దని కుటుంబ సభ్యులు హెచ్చరించినా, ఇద్దరూ వాటిని పట్టించుకోకుండా మళ్లీ మళ్లీ కలుసుకుంటూ వచ్చారని సమాచారం. రంగమ్మ భర్త నాగేంద్రకు కూడా ఈ విషయాన్ని కుటుంబ సభ్యులు పలుమార్లు తెలియజేశారు. అయినా రంగమ్మ, లింగమూర్తి తమ వ్యవహారాన్ని కొనసాగించడం కుటుంబాల్లో తీవ్ర కలహాలకు దారి తీసింది. చివరకు ఈ అక్రమ సంబంధమే ఓ దారుణ హత్యకు కారణమైంది. పత్తికొండ పట్టణ పరిధిలోని ఓ ఇంట్లో లింగమూర్తి, రంగమ్మ ఇద్దరూ కలిసి ఉన్న సమయంలో భర్త నాగేంద్ర రెడ్ హ్యాండెడ్గా పట్టుకున్నాడు. అక్రమ సంబంధం కొనసాగించవద్దని ఎన్నిసార్లు చెప్పినా వినలేదంటూ తీవ్ర ఆగ్రహానికి గురైన నాగేంద్ర.. తన సహచరులతో కలిసి లింగమూర్తిపై దాడి చేశాడు. మాటల తూటాలు క్షణాల్లో కర్రలు, గుద్దులు, కత్తి దాడులుగా మారాయి. దాడిలో లింగమూర్తిని తీవ్రంగా చితకబాదినట్లు తెలుస్తోంది. కుళ్లబొడిచినట్లుగా ప్రత్యక్ష సాక్షులు చెబుతున్నారు. తీవ్ర గాయాలపాలైన లింగమూర్తి పరిస్థితి విషమంగా మారడంతో అతడిని వెంటనే కర్నూలు ప్రభుత్వ ఆసుపత్రికి తరలించారు. అక్కడ మూడు రోజుల పాటు వైద్యులు ప్రాణాలు నిలబెట్టేందుకు ప్రయత్నించినప్పటికీ, చికిత్స పొందుతూ లింగమూర్తి మృతి చెందాడు. లింగమూర్తి మృతితో అతడి కుటుంబంలో విషాదం అలుముకుంది. తండ్రి గొల్ల చిన్న వెంకటేశ్వర్లు ఇచ్చిన ఫిర్యాదు మేరకు పత్తికొండ పోలీసులు ఆరుగురిపై కేసు నమోదు చేశారు. అక్రమ సంబంధం నేపథ్యంలో జరిగిన ఈ హత్య కేసును పోలీసులు అన్ని కోణాల్లో దర్యాప్తు చేస్తున్నారు. దాడికి సంబంధించిన వివరాలు, ప్రత్యక్ష సాక్షుల వాంగ్మూలాలు సేకరిస్తున్నారు. ఈ ఘటనతో అటు బోయ రంగమ్మ కుటుంబం, ఇటు గొల్ల లింగమూర్తి కుటుంబాలు పూర్తిగా చిన్నాభిన్నమయ్యాయి. రంగమ్మకు అక్రమ సంబంధం ద్వారా ఒక కుమారుడు, ఒక కుమార్తె ఉన్నట్లు సమాచారం. లింగమూర్తికి కూడా ఇద్దరు కుమారులు ఉన్నారు. పెద్దల తప్పిదాల వల్ల చిన్నారుల భవితవ్యం అంధకారంలోకి నెట్టబడిందన్న ఆవేదన గ్రామంలో వ్యక్తమవుతోంది. గ్రామంలో ఈ ఘటనపై తీవ్ర చర్చ జరుగుతోంది. అక్రమ సంబంధాలు చివరకు కుటుంబాల్ని మాత్రమే కాకుండా ప్రాణాల్నే హరించేస్తాయని గ్రామ పెద్దలు వ్యాఖ్యానిస్తున్నారు. ALSO READ: Suspicious: శ్మశానంలో సగం కాలిన శవం.. అస్తికలను తీసుకెళ్లి..

Tag: Honor related violence

Most Read

10 మంది బిఆర్ఎస్ ఎమ్మెల్యేలు జంప్.! గులాబీ పార్టీకి షాక్

కీలక పదవి కోసం యనమల వెయిటింగ్!

మీ బట్టలే మీకు సంపద తెస్తాయట!

ఆడాళ్లు తాళి విషయంలో జాగ్రత్త

EDITOR PICKS

Illegal Relationship: ఆగలేక భార్య శృంగారం.. తర్వాత విషాదం..!

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US