heart health night light

Sleep: నిద్ర అనేది మన శరీరం, మనస్సు పూర్తిగా విశ్రాంతి తీసుకునే అత్యంత కీలకమైన ప్రక్రియ. అయితే నిద్రపోయే సమయంలో గదిలో లైట్లు ఆఫ్ చేయాలా? లేక ఆన్ చేసి పడుకోవాలా? అనే సందేహం చాలా మందిలో ఉంటుంది. కొందరు చీకటి అంటే భయంతో లైట్లు వెలిగించి నిద్రపోతుంటే, మరికొందరు అలవాటుగా లేదా అవసరాల కారణంగా లైట్లు ఆన్లోనే ఉంచుతారు. ఈ అంశంపై అమెరికాలోని ప్రఖ్యాత హార్వర్డ్ విశ్వవిద్యాలయం ఇటీవల నిర్వహించిన అధ్యయనం కీలక విషయాలను బయటపెట్టింది. రాత్రిపూట కృత్రిమ కాంతి మన శరీరంపై చూపే ప్రభావాలపై ఈ పరిశోధన స్పష్టమైన హెచ్చరికలు జారీ చేసింది. హార్వర్డ్ విశ్వవిద్యాలయ పరిశోధకుల అధ్యయనం ప్రకారం.. నిద్ర సమయంలో గదిలో వెలుతురు ఉండటం వల్ల మెదడు పూర్తిగా విశ్రాంతి పొందలేకపోతుంది. నిద్రలో ఉన్నప్పటికీ కళ్ళపై పడే కాంతి మెదడును సక్రియం చేస్తుందని, దీని వల్ల గుండె పని తీరుపై కూడా ప్రభావం పడుతుందని తేలింది. సాధారణంగా నిద్ర సమయంలో శరీర కార్యకలాపాలు నెమ్మదిస్తాయి. కానీ వెలుతురు కారణంగా ధమనుల్లో రక్తప్రసరణ పెరిగి, గుండె వేగంగా పని చేయాల్సి వస్తుంది. దీర్ఘకాలంలో ఇది గుండె సంబంధిత సమస్యలకు, మెదడుపై ఒత్తిడికి కారణమవుతుందని పరిశోధకులు హెచ్చరిస్తున్నారు. అయితే ఇన్ని ప్రతికూలతలు ఉన్నప్పటికీ, చాలా మంది లైట్లు వెలిగించి నిద్రపోవడానికి కొన్ని కారణాలు ఉన్నాయి. చీకటి అంటే భయపడే నిక్టోఫోబియా ఉన్నవారు లైట్లు ఆఫ్ చేయలేరు. మరికొందరు రాత్రిపూట లేచే అవసరం ఉంటే దారి స్పష్టంగా కనిపించాలనే ఉద్దేశంతో లైట్ ఆన్లో ఉంచుతారు. ఎక్కువ ఒత్తిడి, ఆందోళనతో బాధపడే వారు కూడా చీకట్లో పడుకోలేక వెలుతురులోనే నిద్రపోతుంటారు. అలాగే కొందరికి ఇది కేవలం అలవాటుగా మారిపోయింది. కానీ హార్వర్డ్ అధ్యయనం ప్రకారం.. ఈ అలవాటు ఆరోగ్యానికి తీవ్రంగా హానికరం. రాత్రిపూట లైట్లు వెలిగించి నిద్రపోవడం వల్ల నిద్ర నాణ్యత తగ్గడమే కాకుండా, హార్మోన్ల సమతుల్యత దెబ్బతింటుంది. ముఖ్యంగా మెలటోనిన్ హార్మోన్ ఉత్పత్తి తగ్గి, శరీర గడియారం అస్తవ్యస్తమవుతుంది. దీని ప్రభావం దీర్ఘకాలంలో మధుమేహం, అధిక రక్తపోటు, గుండె జబ్బులు, మానసిక ఒత్తిడిగా మారే ప్రమాదం ఉందని నిపుణులు చెబుతున్నారు. అందుకే వీలైనంత వరకు రాత్రిపూట పూర్తిగా చీకట్లోనే నిద్రపోవాలని, అవసరమైతే మృదువైన నైట్ లైట్ను కూడా నేరుగా కళ్లపై పడకుండా ఉంచాలని పరిశోధకులు సూచిస్తున్నారు. ALSO READ: Viral Video: మరీ.. ఇంత దారుణమా?.. పిల్లల భోజనం మేకలపాలు చేశారు..

Tag: heart health night light

Most Read

భారీ వర్షం.. బయటకు రావొద్దు

నేరాల నియంత్రనలో పకడ్బందీ చర్యలు.. మాడ్గుల సీఐ వేణుగోపాల్ రావు పై ప్రజలు ప్రశంసల వర్షం

ఘనంగా మంచు లక్ష్మి కూతురి ఓణీల వేడుక

పాటలో పచ్చి బూతులు.. వివాదంలో మంగ్లీ

EDITOR PICKS

Sleep: రాత్రి పూట నిద్రపోయేటప్పుడు బెడ్‌రూమ్‌లో లైట్లు ఆపేయాలా? ఆన్‌లో ఉంచాలా?

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US