Global Rice Production - Crime Mirror

Rice production milestone: వరిధాన్యం ఉత్పాదనలో భారత్ అద్భుతమైన ప్రగతి సాధించింది. చైనాను అధిగమించి ప్రపంచంలో నంబర్ వన్గా నిలిచింది. మొత్తంగా 15.01 కోట్ల టన్నుల వరి ధాన్యాన్ని ఉత్పత్తి చేసి ఈ ఘనత సాధించింది. తాజాగా ఈ విషయాన్ని కేంద్ర వ్యవసాయ శాఖ మంత్రి శివరాజ్ సింగ్ చౌహాన్ వెల్లడించారు. న్యూఢిల్లీలో జరిగిన నూతన విత్తనాలను ఆవిష్కరణ కార్యక్రమంలో పాల్గొన్న ఆయన.. ఈ విషయాన్ని ప్రకటించారు. భారత వ్యవసాయ పరిశోధన మండలి ఆధ్వర్యంలో రూపొందించిన 25 పంటలకు సంబంధించిన 184 రకాల అధిక దిగుబడి విత్తనాలను శివరాజ్ విడుదల చేశారు. ఆహార కొరత ఉన్న స్థితి నుంచి ప్రపంచానికే ఆహారం అందించే స్థాయి వరకు దేశం ఎదిగిందని చెప్పుకొచ్చారు. ఇది భారత్ సాధించిన ఘన విజయమన్నారు. ‘‘వరి ఉత్పత్తిలో భారత్..చైనాను అధిగమించింది. ప్రపంచంలోనే అత్యధిక వరి ఉత్పత్తిదారుగా ఎదిగింది. చైనా 14.52 కోట్ల టన్నుల వరి ధాన్యం ఉత్పత్తి చేయగా, భారత్ 15.01 కోట్ల టన్నులను ఉత్పత్తి చేసింది’’ అని శివరాజ్ తెలిపారు. అంతర్జాతీయ మార్కెట్లకు బియ్యాన్ని సరఫరా చేస్తున్నామని, దేశంలో సమృద్ధిగా బియ్యం నిల్వలు ఉన్నాయని చెప్పారు. నూతన విత్తనాలను రైతులకు అందేలా చూడండి! నూతనంగా విడుదల చేసిన విత్తనాలను వెంటనే రైతులకు అందేలా చర్యలు తీసుకోవాలని శివరాజ్ సింగ్ అధికార్లను కోరారు. నూతనంగా అభివృద్ధి చేసిన విత్తనాలకు గెజిట్ నోటిఫికేషన్ ఇవ్వడం 1969లో ప్రారంభమయిందని చెప్పారు. ఇంతవరకు 7,205 రకాల విత్తనాలకు నోటిఫికేషన్ ఇచ్చినట్టు తెలిపారు. 1969 నుంచి 2014 వరకు 3,969 విత్తనాలకు నోటిఫికేషన్ ఇవ్వగా, మోడీ ప్రభుత్వం హయాంలో 3,236 అధిక దిగుబడి విత్తనాలకు నోటిఫికేషన్ ఇచ్చినట్టు వివరించారు.

Tag: Global Rice Production

Most Read

ఐటీ కారిడార్‌లో హైడ్రా మెరుపు దాడి.. రూ. 1200 కోట్ల విలువైన భూమి స్వాధీనం!

మణిపూర్‌లో మారణహోమం.. రాకెట్ దాడిలో ఇద్దరు పసికందుల బలి.. రగిలిపోతున్న బిష్ణుపూర్!

రేవంత్ రెడ్డి వర్సెస్ పినరయి విజయన్.. ఇద్దరు సీఎంల మధ్య ముదిరిన లేఖల యుద్ధం

హైదరాబాద్ బిర్యానీ ప్రియులకు షాక్.. మూడు రోజుల నిల్వ బిర్యానీ వేడివేడిగా వడ్డింపు!

EDITOR PICKS

Top Rice Producer: వరిధాన్యం ఉత్పత్తిలో మనమే నెంబర్ వన్, చైనాను వెనక్కి నెట్టేసిన భారత్!

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending