family traditions - Crime Mirror

కొత్త ఇంట్లో అడుగు పెట్టడం భారతీయ సంప్రదాయంలో అత్యంత పవిత్రమైన ఘట్టం. గృహ ప్రవేశం అంటే కేవలం ఒక ఇంట్లోకి మారడం కాదు.. అది కుటుంబానికి శుభారంభం, శాంతి, ఐశ్వర్యాలకు నాంది. అందుకే శాస్త్రోక్తంగా నిర్ణయించిన ముహూర్తాల్లోనే గృహ ప్రవేశం చేయడం ఆనవాయితీగా వస్తోంది. 2026 సంవత్సరంలో గృహ ప్రవేశానికి అనుకూలంగా ఉన్న శుభ ముహూర్త తేదీలను పండితులు వెల్లడించారు. సంవత్సరం పొడవునా వివిధ నెలల్లో వరుసగా శుభయోగాలు ఏర్పడుతున్నాయి. ఫిబ్రవరి నెలలో గృహ ప్రవేశానికి మంచి అవకాశాలు ఉన్నాయి. 19, 20, 21 తేదీలతో పాటు 24, 25, 26 తేదీలు కూడా అత్యంత శుభంగా భావిస్తున్నారు. ఈ రోజుల్లో గృహ ప్రవేశం చేస్తే ఇంట్లో సుఖశాంతులు, కుటుంబ సభ్యుల మధ్య ఐక్యత పెరుగుతుందని జ్యోతిష్యులు చెబుతున్నారు. మార్చి నెలలో కూడా గృహ ప్రవేశాలకు అనుకూలమైన రోజులు లభిస్తున్నాయి. మార్చి 1, 3, 4 తేదీలతో పాటు 7, 8, 9 తేదీల్లో శుభ ముహూర్తాలు ఉన్నాయి. ఈ రోజుల్లో గృహ ప్రవేశం చేయడం వల్ల దీర్ఘకాలిక శుభఫలితాలు కలుగుతాయని విశ్వాసం. ఏప్రిల్ నెలలో మరిన్ని శుభయోగాలు ఏర్పడుతున్నాయి. 10, 11 తేదీలతో పాటు 15, 16, 20, 21, 25 తేదీలు గృహ ప్రవేశాలకు అనువైనవిగా నిర్ణయించారు. ఈ కాలంలో చేసిన గృహ ప్రవేశం ఇంటికి లక్ష్మీ కటాక్షాన్ని తీసుకువస్తుందని పండితుల అభిప్రాయం. మే నెలలో కూడా గృహ ప్రవేశానికి అనుకూలమైన రోజులు ఉన్నాయి. మే 1, 6, 7, 8 తేదీల్లో గృహ ప్రవేశం చేయవచ్చని సూచిస్తున్నారు. వేసవి కాలమైనప్పటికీ ఈ రోజులు శుభఫలితాలను ఇస్తాయని జ్యోతిష శాస్త్రం చెబుతోంది. ఆగస్టు నెలలో 16, 17, 18 తేదీలతో పాటు 21, 22 తేదీల్లో గృహ ప్రవేశానికి శుభ ముహూర్తాలు ఉన్నాయి. వర్షాకాలంలో అయినా ఈ రోజులు ఇంటి నిర్మాణం పూర్తయిన వారికి మంచి అవకాశాలుగా నిలుస్తున్నాయి. సెప్టెంబర్ నెలలో 5, 6, 9, 10, 13 తేదీల్లో గృహ ప్రవేశం చేయవచ్చు. ఈ రోజుల్లో చేసిన పూజలు, వాస్తు కార్యక్రమాలు ఇంటికి స్థిరత్వం తీసుకువస్తాయని నమ్మకం. అక్టోబర్ నెలలో 29, 30, 31 తేదీల్లో గృహ ప్రవేశాలకు అనుకూలమైన ముహూర్తాలు ఉన్నాయి. పండుగ వాతావరణంలో కొత్త ఇంట్లో అడుగుపెట్టడం కుటుంబానికి మరింత ఆనందాన్ని ఇస్తుందని భావిస్తున్నారు. నవంబర్ నెలలో 1, 2 తేదీలతో పాటు 6, 7, 8 తేదీలు గృహ ప్రవేశానికి శుభంగా ఉన్నాయి. ఈ నెలలో చేసిన గృహ ప్రవేశం ఆర్థిక పురోగతికి దోహదపడుతుందని జ్యోతిష్యుల అభిప్రాయం. డిసెంబర్ నెలలో కూడా వరుసగా శుభ ముహూర్తాలు ఉన్నాయి. 4, 5 తేదీలతో పాటు 9, 10, 11 తేదీల్లో గృహ ప్రవేశం చేయవచ్చు. సంవత్సరాంతంలో కొత్త ఇంట్లో అడుగుపెట్టడం కొత్త ఆశలకు బాట వేస్తుందని విశ్వసిస్తున్నారు. NOTE: పై సమాచారాన్ని సోషల్ మీడియా ద్వారా సేకరించడం జరిగింది. కావున ‘క్రైమ్ మిర్రర్’ దీనిని అధికారికంగా ధృవీకరించ లేదు. పాఠకులు గమనించగలరు. ALSO READ: Mouni Roy: తాత వయసున్న వారు నడుముపై చేయి వేసి, లో యాంగిల్లో ఫొటోలు తీశారు

Tag: family traditions

Most Read

గులాబీ గూటిలో వారసత్వ పోరు..!

బిహార్ సీఎంగా సామ్రాట్ చౌద‌రి…బీజేపీకి తొలిసారి..!

వికార‌బాద్‌ జిల్లాలో ఘోర రోడ్డ ప్ర‌మాదం…ఒకే కుటుంబంలో ముగ్గురు దుర్మ‌ర‌ణం..!

ఎవరికీ తెలియని సీక్రెట్!.. చేతితో కొట్టడం వల్ల రిమోట్ ఎందుకు పనిచేస్తుందో తెలుసా?

EDITOR PICKS

గృహ ప్రవేశాలకు శుభ ముహుర్తాలివే!

2026లో పెళ్లికి మంచి ముహుర్తాలు ఇవే..

నేడే భోగి.. ఈ రోజు ఏం చేయాలి? ఇలా చేశారంటే..?

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending