Emotional News | Crime Mirror

మాతృత్వానికే మచ్చ తెచ్చిన ఓ మహిళ చివరకు చట్టం ముందు భారీ మూల్యం చెల్లించుకోవాల్సి వచ్చింది. ఐదేళ్ల పసిబిడ్డను కిరాతకంగా హత్య చేసిన కేసులో అతడి తల్లికి కోర్టు యావజ్జీవ కారాగార శిక్ష విధించింది. మధ్యప్రదేశ్లో సంచలనం సృష్టించిన ఈ కేసు మానవ సంబంధాల పతనానికి, నైతిక విలువల పతనానికి నిదర్శనంగా మారింది. కన్న బిడ్డనే అడ్డంగా తొలగించిన ఈ ఘటన దేశవ్యాప్తంగా చర్చనీయాంశంగా మారింది. మధ్యప్రదేశ్ రాష్ట్రం గ్వాలియర్కు చెందిన జ్యోతి రాథోడ్కు భర్త ధ్యాన్ సింగ్ రాథోడ్, ఐదేళ్ల కుమారుడు జతిన్ ఉన్నారు. ధ్యాన్ సింగ్ వృత్తిరీత్యా కానిస్టేబుల్గా పనిచేస్తున్నాడు. కుటుంబం సాధారణంగానే జీవనం సాగిస్తున్నప్పటికీ, కొంతకాలంగా జ్యోతి ప్రవర్తనలో మార్పులు కనిపించాయి. అదే సమయంలో ఆమెకు పక్కింట్లో నివసించే ఉదయ్ ఇండోలియాతో వివాహేతర సంబంధం ఏర్పడినట్లు దర్యాప్తులో వెలుగులోకి వచ్చింది. ఈ అక్రమ సంబంధమే చివరకు పసిబిడ్డ ప్రాణాలను తీసిన విషాదానికి దారి తీసింది. ఒక రోజు జ్యోతి, ఉదయ్ ఇంట్లో సన్నిహితంగా ఉన్న సమయంలో చిన్నారి జతిన్ ఆ దృశ్యాన్ని చూసినట్లు తెలుస్తోంది. ఈ విషయం భర్తకు చెబుతాడేమోనన్న భయంతో జ్యోతి కన్నబిడ్డనే అడ్డుగా తొలగించాలన్న అమానుష ఆలోచనకు దిగింది. 2023 ఏప్రిల్ 28న జ్యోతి తన కుమారుడు జతిన్ను రెండో అంతస్తు నుంచి కిందకు తోసేసింది. తీవ్ర గాయాలతో పడి ఉన్న బాలుడు 24 గంటల పాటు మృత్యువుతో పోరాడి చివరకు ఆస్పత్రిలో మృతి చెందాడు. ఈ ఘటనను ప్రమాదవశాత్తూ జరిగినదిగా చిత్రీకరించేందుకు జ్యోతి ప్రయత్నించింది. తన కుమారుడు అనుకోకుండా కిందపడి చనిపోయాడని మొదట కుటుంబ సభ్యులకు, చుట్టుపక్కల వారికి చెప్పింది. అయితే, భర్త ధ్యాన్ సింగ్కు ఈ ఘటనపై తొలినుంచే అనుమానం కలిగింది. భార్య ప్రవర్తనలో వచ్చిన అకస్మాత్తు మార్పులు, కుమారుడి మృతిపై ఆమె చూపిన నిర్లక్ష్య ధోరణి అతడి అనుమానాలను మరింత బలపరిచాయి. నిజం బయటకు తీసుకురావాలన్న సంకల్పంతో ధ్యాన్ సింగ్ స్వయంగా ఆధారాలు సేకరించడం ప్రారంభించాడు. ఈ క్రమంలో జ్యోతి తనే బిడ్డను చంపినట్లు అంగీకరిస్తూ మాట్లాడిన కొన్ని ఆడియో, వీడియో రికార్డులు అతడి చేతికి చిక్కాయి. ఆ ఆధారాలతో పోలీసులను ఆశ్రయించాడు. పోలీసులు కేసు నమోదు చేసి జ్యోతి, ఆమె వివాహేతర సంబంధం ఉన్న ఉదయ్ ఇండోలియాపై విచారణ చేపట్టారు. విచారణలో జ్యోతి చేసిన నేరం స్పష్టంగా రుజువైంది. కోర్టులో విచారణ సమయంలో ఆడియో, వీడియో ఆధారాలు కీలకంగా మారాయి. ప్రాసిక్యూషన్ వాదనలను పరిగణలోకి తీసుకున్న కోర్టు జ్యోతిని దోషిగా నిర్ధారించింది. కన్నబిడ్డను హత్య చేసిన నేరం అత్యంత అమానుషమని వ్యాఖ్యానించిన న్యాయస్థానం ఆమెకు యావజ్జీవ కారాగార శిక్ష విధించింది. అయితే, ఉదయ్ ఇండోలియాపై నేరానికి సంబంధించిన ప్రత్యక్ష ఆధారాలు లేనందున అతడిని నిర్దోషిగా విడిచిపెట్టింది. ALSO READ: తిన్న ప్లేటులో చేయి కడిగాడని.. స్నేహితుడిని కుక్కర్తో కొట్టి చంపాడు

Tag: Emotional News

Most Read

సాధారణ పెట్రోల్ vs ప్రీమియం పెట్రోల్.. రెండింటికి తేడా ఏంటి?

కోతుల బెడదతో సర్పంచ్‌లకు కొత్త కష్టాలు.. ఎలుగుబంటిగా మారిన సర్పంచ్

టెన్త్ పరీక్షలపై సీఎం రేవంత్ రెడ్డి సంచలన వ్యాఖ్యలు

Houseplant Vastu: ఏ మొక్క ఎలాంటి సంకేతం ఇస్తుందో తెలుసా?

EDITOR PICKS

మాతృత్వానికే మచ్చ.. ప్రియుడితో శృంగారం చేస్తుండగా చూశాడని కొడుకుని చంపిన తల్లి

తిన్న ప్లేటులో చేయి కడిగాడని.. స్నేహితుడిని కుక్కర్‌తో కొట్టి చంపాడు

Affair: యువకుడితో ప్రేమలో పడిన ఐదుగురు పిల్లల తల్లి.. తర్వాత ఏమైందంటే?

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US