drunken prank - Crime Mirror

సోషల్ మీడియా హవా పెరిగిన తర్వాత ప్రాంక్స్ హవా నడుస్తోంది. ఫన్నీగా అనిపించే ప్రాంక్ వీడియోలు మిలియన్ల కొద్దీ వ్యూస్ తెస్తున్నాయి. ప్రాంక్ చేసేవారికి మంచి గుర్తింపు తెస్తున్నాయి. అయితే, కొంతమంది నిజ జీవితంలోనూ ప్రాంక్ చేస్తున్నారు. ఈ నేపథ్యంలోనే ప్రాంక్లు ఫెయిల్ అవుతున్నాయి. ప్రాంక్లు ఫెయిల్ అయి ప్రాణాలు కోల్పోయిన వారు కూడా ఉన్నారు. తాజాగా, ఓ వ్యక్తి తాగిన మత్తులో తల్లితో ప్రాంక్ చేయాలని చూశాడు. ఊహించని విధంగా ప్రాంక్ ఫెయిల్ అయి ప్రాణాలు పోగొట్టుకోవాల్సి వచ్చింది. ఇంతకీ అసలు ఏం జరిగిందంటే? ఈ విషాద ఘటన కర్ణాటకలో జరిగింది. బెంగళూరు రూరల్ జిల్లా, నేలమంగళలోని రోహిత్ నగర్కు చెందిన 28 ఏళ్ల విజయకుమార్ తాగుడుకు బానిస అయ్యాడు. ప్రతీరోజూ విపరీతంగా మందు తాగేవాడు. డబ్బుల కోసం తల్లిని బాగా వేధించేవాడు. అతడి వేధింపులు రోజు రోజుకు పెరిగాయి. తాజాగా మందు తాగడానికి డబ్బులు కావాలని విజయ్ తన తల్లిని అడిగాడు. ఆమె ఇవ్వనని తెగేసి చెప్పింది. దీంతో విజయ్ ఆగ్రహానికి గురయ్యాడు. తల్లిని బెదిరించి డబ్బులు గుంజడానికి ఓ ప్రాంక్ చేశాడు. ఉరేసుకుని చస్తానని బెదిరిస్తూ.. రాత్రి 8 గంటల సమయంలో ఉరి వేసుకుని చస్తానని తల్లిని బెదిరించే ప్రయత్నం చేశాడు. తలకు ఉరి తాడును బిగించుకున్నాడు. ఈ నేపథ్యంలోనే ఉరి తాడు గట్టిగా బిగుసుకుని అతడి ప్రాణాలు పోయాయి. కొడుకు చనిపోవడంతో తల్లి అల్లాడిపోయింది. “నా కొడుకు ఎలక్ట్రీషియన్గా పని చేస్తున్నాడు. అతడి త్వరలో పెళ్లి చేయాలనుకున్నాను. ఎప్పుడూ నవ్వు తెప్పించేలా మాట్లాడుతూ ఉండేవాడు. ఉరి వేసుకునే ముందు కూడా జోకులు వేశాడు. కానీ, అంతలోనే ఘోరం జరిగిపోయింది” అంటూ కన్నీరు మున్నీరుగా విలపించింది. ఇక, ఈ సంఘటనపై కేసు నమోదు చేసుకున్న పోలీసులు దర్యాప్తు చేపట్టారు.

Tag: drunken prank

Most Read

మోడీతో నారా లోకేష్ భేటీ…!

సిర్స‌లో ఘ‌నంగా హ‌నుమాన్ జ‌యంతి వేడుక‌లు

గడ్డిమందు అమ్మితే చర్యలు తప్పవు…!

New Bride suicide: పెళ్లైన నెల‌కే…! న‌వ‌వ‌ధువు.. హైద‌రాబాద్‌లో ఘోరం…

EDITOR PICKS

Prank Death: ప్రాంక్ చేద్దామనుకున్నాడు.. ప్రాణాలు పోయాయి!

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending