Devotional touch movie | Crime Mirror

తెలుగు సినీ పరిశ్రమలో మరో ఆసక్తికరమైన సినిమాగా ‘ఎర్రచీర’ ప్రేక్షకుల ముందుకు రానుంది. రాజేంద్రప్రసాద్ ముద్దుల మనవరాలు బేబీ సాయి తేజస్విని ప్రధాన పాత్రలో నటించిన ఈ చిత్రం ఇప్పటికే సినీ వర్గాల్లో మంచి ఆసక్తిని రేకెత్తిస్తోంది. బేబీ డమరి సమర్పణలో శ్రీ పద్మాయల ఎంటర్టైన్మెంట్స్, శ్రీ సుమన్ వెంకటాద్రి ప్రొడక్షన్స్ సంయుక్తంగా ఈ చిత్రాన్ని నిర్మించాయి. ఈ సినిమాకు సుమన్ బాబు దర్శకత్వం వహించడమే కాకుండా, కథలో ఒక కీలక పాత్రను కూడా ఆయన స్వయంగా పోషించారు. మదర్ సెంటిమెంట్ను ప్రధానంగా తీసుకుని, హార్రర్, యాక్షన్ అంశాలను మేళవిస్తూ ఈ సినిమాను తెరకెక్కించారు. ముఖ్యంగా హార్రర్ సన్నివేశాలు ప్రేక్షకులను ఉలిక్కిపడేలా ఉండటంతో, సెన్సార్ బోర్డు ఈ చిత్రానికి ఏ సర్టిఫికెట్ జారీ చేసింది. సినిమాలోని భయానక సన్నివేశాలు, సౌండ్ డిజైన్ తీవ్రంగా ఉండటంతో గుండె సంబంధిత సమస్యలు ఉన్నవారు సినిమా చూసేటప్పుడు తగిన జాగ్రత్తలు తీసుకోవాలని దర్శకుడు సుమన్ బాబు సూచించారు. థియేటర్లో ఈ సినిమా అనుభూతి మరింత ప్రభావవంతంగా ఉంటుందని ఆయన తెలిపారు. ఈ సందర్భంగా చిత్ర నిర్మాతల్లో ఒకరైన ఎన్.వి.వి. సుబ్బారెడ్డి, సుభాష్ మాట్లాడుతూ.. సినిమా కంటెంట్ ప్రేక్షకులను భావోద్వేగాలకు లోను చేసేలా ఉంటుందని తెలిపారు. డివోషనల్ టచ్తో కూడిన కథాంశం ఈ చిత్రానికి ప్రత్యేక ఆకర్షణగా నిలుస్తుందన్నారు. ఫిబ్రవరి 6వ తేదీన ‘ఎర్రచీర’ను ప్రేక్షకుల ముందుకు తీసుకురానున్నామని, ఇంటర్వెల్ బ్యాంగ్తో పాటు క్లైమాక్స్ సన్నివేశాలు ప్రేక్షకులను ఆశ్చర్యానికి గురి చేస్తాయని ఆయన విశ్వాసం వ్యక్తం చేశారు. దర్శకుడు సుమన్ బాబు మాట్లాడుతూ.. కొన్ని సినిమాల ఆత్మను నిజంగా అనుభూతి చెందాలంటే అవి తప్పనిసరిగా థియేటర్లోనే చూడాల్సి ఉంటుందని అన్నారు. ‘ఎర్రచీర’ కూడా అలాంటి సినిమానేనని స్పష్టం చేశారు. సినిమాలోని సౌండింగ్, విజువలైజేషన్ ప్రేక్షకులను పూర్తిగా కథలోకి తీసుకెళ్లేలా రూపొందించామని చెప్పారు. ముఖ్యంగా థియేటర్లో వినిపించే బ్యాక్గ్రౌండ్ స్కోర్, హార్రర్ ఎలిమెంట్స్ ప్రేక్షకులకు ప్రత్యేక అనుభూతిని కలిగిస్తాయని ఆయన తెలిపారు. బేబీ సాయి తేజస్విని నటించిన ‘ఎర్రచీర’ మదర్ సెంటిమెంట్, భక్తి స్పర్శ, భయానక వాతావరణం, యాక్షన్ అంశాలతో రూపొందిన ఒక విభిన్నమైన ప్రయత్నంగా ప్రేక్షకుల ముందుకు రానుంది. ఫిబ్రవరి 6న విడుదల కానున్న ఈ సినిమా ప్రేక్షకులను ఎంతవరకు ఆకట్టుకుంటుందో చూడాల్సి ఉంది. ALSO READ: BIG BREAKING: వాళ్లందరికీ రేషన్ కట్

Tag: Devotional touch movie

Most Read

ర్యాగింగ్ భూతానికి వాడిపోయిన విద్యా… కుసుమం..!

విద్యార్థులకు అలర్ట్.. ఐసెట్ 2026 దరఖాస్తు గడువు పెంపు!

జస్ట్ 2 నిమిషాల్లో సిలిండర్‌లో గ్యాస్ ఎంతుందో తెలుసుకోండి..

AP EAPCET 2026 దరఖాస్తు గడువు మళ్లీ పెంపు!

EDITOR PICKS

‘ఎర్రచీర’కు A సర్టిఫికేట్

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US