cyber fraud prevention | Crime Mirror

ALERT: WhatsApp వంటి సోషల్ మీడియా వేదికల ద్వారా వస్తున్న సందేశాలు ఇటీవలి కాలంలో ఎంత ప్రమాదకరంగా మారుతున్నాయో ఎంతో మంది గ్రహించలేకపోతున్నారు. ముఖ్యంగా RTO చలాన్ పేరుతో వస్తున్న సందేశం మరింత తీవ్రమైన మోసాలకు రూపం. ఇది నిజమైన ట్రాఫిక్ చలాన్ అని భావించి తెరవడం, క్లిక్ చేయడం లేదా ఫైల్ను ఇన్స్టాల్ చేయడం ఫోన్ మొత్తం హ్యాకర్ల నియంత్రణలోకి వెళ్లే ప్రమాదాన్ని కలిగిస్తుంది. తెలియని నంబర్ల నుండి వస్తున్న అపరిచిత లింకులు, APK ఫైల్లు వినియోగదారులను దారితప్పించే డిజిటల్ ఉచ్చులు అన్న సంగతి తెలుసుకోవాలి. ఇటీవల WhatsAppలో RTO Traffic Challanapk అనే ఫైల్ వేగంగా వ్యాప్తి చెందుతోంది. ఇది అసలైన చలాన్ సాఫ్ట్కాపీలా కనిపించినప్పటికీ, వాస్తవానికి ప్రమాదకరమైన మాల్వేర్. ఈ APK ఫైల్ను డౌన్లోడ్ చేసి ఇన్స్టాల్ చేసిన క్షణం నుంచే హ్యాకర్లు వినియోగదారుల మొబైల్లోని కీలక అంశాలకు యాక్సెస్ పొందగలరు. బ్యాంక్ ఖాతా వివరాలు, పాస్వర్డ్లు, వ్యక్తిగత ఫోటోలు, OTPలు, సోషల్ మీడియా సమాచారం అన్నీ ఒక్కసారిగా మోసగాళ్ల చేతుల్లో పడిపోతాయి. ఇది జరిగిపోయాక వినియోగదారుడు ఏమీ గ్రహించకముందే డబ్బు లావాదేవీలు, ఖాతాల ఖాళీ, ప్రైవేట్ ఫైల్ల చోరీ వంటి సమస్యలు ఎదురుకావచ్చు. సైబర్ భద్రతా సంస్థ సైబుల్ రైల్ ఈ వైరస్ను అత్యంత ప్రమాదకరంగా వర్గీకరించింది. ఈ మాల్వేర్ రిమోట్ యాక్సెస్ వంటి సామర్థ్యాలతో ఫోన్లోని ప్రతి క్లిక్ను పర్యవేక్షించగలదు. ఎవరు ఎవరికి కాల్ చేస్తున్నారు, ఏ యాప్ వాడుతున్నారు, ఏ సందేశం చదువుతున్నారు వంటి అన్ని ట్రాకింగ్లు ఈ వైరస్ చేయగలదు. వినియోగదారి unknowingly ఇచ్చిన అనుమతుల ఆధారంగా హ్యాకర్లు మొబైల్ కెమెరా, మైక్రోఫోన్ను కూడా ఉపయోగించగలరు. ఇది పూర్తిగా ప్రైవసీని నాశనం చేసే స్థాయి మోసం. ఇలాంటి మోసాలు ఎలా జరుగుతాయంటే.. మొదటగా అపరిచిత నంబర్ నుంచి RTO చలాన్ పెండింగ్గా ఉందని సందేశం పంపుతారు. చలాన్ ఉందేమో అని ఆందోళనతో ఫైల్పై ట్యాప్ చేయడంతో ఫోన్కు మాల్వేర్ ప్రవేశిస్తుంది. ఒకసారి యాప్ ఇన్స్టాల్ అయిన తర్వాత అది వినియోగదారి మొబైల్లో ఎన్నో అనుమతులు స్వయంగా తీసుకుంటుంది. ఈ అనుమతుల వల్ల మోసగాళ్లు ఫోన్ను పూర్తిగా నియంత్రించగలరు. ఫోన్లోని డిజిటల్ కార్యకలాపాలను నిశితంగా పరిశీలించి సరైన సమయంలో ఆర్థిక మోసాన్ని చేస్తారు. ఇలాంటి సంఘటనలు అనేక రాష్ట్రాల్లో నమోదవుతూ ఉండటం సైబర్ నేరాల విస్తృతిని తెలియజేస్తోంది. ప్రజలు తెలియక చేసే చిన్న తప్పు వారికి వేలల్లో, లక్షల్లో ఆర్థిక నష్టం తెచ్చిపెట్టగలదు. అందుకే అపరిచిత లింక్లు, APK ఫైల్లు, RTO పేరుతో వచ్చే సందేశాలను ఒక క్షణం కూడా నమ్మకూడదు. ఈ సమస్యలను నివారించడానికి ముఖ్యమైన చర్య ఏమిటంటే.. ఎప్పుడూ అనధికార లింకులు లేదా APK ఫైళ్లు డౌన్లోడ్ చేయరాదు. ట్రాఫిక్ చలాన్ నిజంగా ఉందో లేదో తెలుసుకోవాలంటే ప్రభుత్వ అధికారిక వెబ్సైట్ అయిన Parivahan.gov.in లేదా మీ రాష్ట్ర మోటార్ ట్రాన్స్పోర్ట్ అధికారిక సైట్ను మాత్రమే ఉపయోగించాలి. అదేవిధంగా మొబైల్ సెట్టింగ్లలో Unknown Sources అనే ఆప్షన్ ఎల్లప్పుడూ ఆఫ్లో ఉండాలి. ఇది ఆన్లో ఉంటే బయటివారు పంపిన యాప్లు సులభంగా ఇన్స్టాల్ అవుతాయి. WhatsAppలో కనిపించే ప్రతి మెసేజ్ను విశ్వసించి త్వరగా క్లిక్ చేయడం అత్యంత ప్రమాదకరం. నేటి డిజిటల్ కాలంలో మోసగాళ్లు కొత్త పద్ధతులతో ప్రజలను బలి చేస్తూ ఉన్నారు. అందుకే ప్రతి సందేహాస్పద లింక్ను క్లిక్ చేసే ముందు రెండు సార్లు ఆలోచించడం తప్పనిసరి. డిజిటల్ భద్రత అనేది కేవలం ఒక అలవాటు కాదు, జీవితాంతం పాటించాల్సిన అవసరం. ఒక్క క్లిక్ వల్ల మొత్తం డిజిటల్ ప్రపంచం ప్రమాదంలో పడవచ్చని గుర్తుంచుకోవాలి. ALSO READ: Sleep Tips: ‘ఈ సూత్రాలు పాటిస్తే మంచి నిద్ర మీ సొంతం’

Tag: cyber fraud prevention

Most Read

AP Politics: దువ్వాడ ఇన్.. ధర్మాన బ్రదర్స్ అవుట్!?

Eatala Rajender: ఈటెల యూటర్న్.. మళ్లీ బీఆర్ఎస్ వైపు అడుగులు?

TTD Chairman Post: టీటీడీ అధ్యక్ష పదవి జనసేనకు?!

Telangana Politics: బిజెపితో బీఆర్ఎస్ పొత్తు.. ఫుల్ క్లారిటీ!

EDITOR PICKS

ALERT: WhatsApp లో RTO చలాన్ మెసేజ్ వచ్చిందా..? క్లిక్ చేస్తే అంతే!

UIDAI: ఆధార్‌కార్డు ఉన్న వారికి BIG ALERT

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US