child viral video - Crime Mirror

టెక్నాలజీ విస్తరించిన ఈ రోజుల్లో దొంగతనాలు, దోపిడీలకు సంబంధించిన సీసీటీవీ వీడియోలు సోషల్ మీడియాలో నిత్యం వైరల్ అవుతూనే ఉంటాయి. సాధారణంగా ఇలాంటి వీడియోలు కోపం, భయం లేదా ఆందోళన కలిగిస్తాయి. కానీ ప్రస్తుతం నెట్టింట చక్కర్లు కొడుతున్న ఒక వీడియో మాత్రం అందుకు పూర్తి భిన్నంగా మారింది. ఈ వీడియో చూసినవారిలో ఎలాంటి భయాన్నీ కాదు, కేవలం నవ్వు, ఆనందం మాత్రమే పంచుతోంది. అందుకే నెటిజన్లు దీనిని ప్రపంచంలోనే అత్యంత అందమైన దోపిడీ అంటూ అభివర్ణిస్తున్నారు. https://twitter.com/PicturesFoIder/status/2005554711227703370?ref_srctwsrc%5Etfw%7Ctwcamp%5Etweetembed%7Ctwterm%5E2005554711227703370%7Ctwgr%5E8738714ee72734370c5c80ee180e8f37c6ff8b96%7Ctwcon%5Es1_&ref_urlhttps%3A%2F%2Ftv9telugu.com%2Ftrending%2Fcutest-robbery-an-innocent-boy-quietly-stealing-chocolate-from-a-shop-video-goes-viral-1710349.html సోషల్ మీడియా ప్లాట్ఫామ్ Xలో PicturesFolder అనే ఖాతా ద్వారా షేర్ చేసిన ఈ వీడియో ఇప్పుడు వైరల్ ట్రెండ్గా మారింది. వీడియోలో ఒక చిన్నారి ఎంతో నిశ్శబ్దంగా ఒక దుకాణంలోకి అడుగుపెడతాడు. చుట్టూ ఎవరైనా ఉన్నారా అని ఒక్కసారి జాగ్రత్తగా పరిశీలిస్తాడు. ఎక్కడా శబ్దం చేయకుండా, అడుగులో అడుగు వేస్తూ కౌంటర్ దగ్గరకు చేరుకుంటాడు. అక్కడ ఉన్న చాక్లెట్ బార్ను ఎంతో చాకచక్యంగా చేతిలోకి తీసుకుని, తన చిన్న అడుగులతో దుకాణం నుంచి బయటకు పరుగుతీస్తాడు. ఈ ఘటన జరిగిందని దుకాణదారుడు గ్రహించేలోపే, ఆ చిన్నారి అక్కడి నుంచి జారుకున్నాడు. పిల్లవాడి నడక, పరుగు, అతని అమాయకపు హావభావాలు వీడియో చూసిన ప్రతి ఒక్కరి ముఖంపై చిరునవ్వు తీసుకొస్తున్నాయి. ఈ వీడియోలో ఎలాంటి హడావుడి లేకుండా, ఎలాంటి భయం లేకుండా జరిగిన ఈ చిన్న సంఘటన నెటిజన్లను విపరీతంగా ఆకట్టుకుంది. ఈ వీడియోకు ఇప్పటికే 1.2 మిలియన్లకు పైగా వ్యూస్ వచ్చాయి. వేల సంఖ్యలో లైక్లు, షేర్లు నమోదవుతున్నాయి. కామెంట్ల సెక్షన్ కూడా సరదా వ్యాఖ్యలతో నిండిపోయింది. ఒక నెటిజన్ ఈ చిన్నారిని ప్రొఫెషనల్ దొంగగా అభివర్ణిస్తూ, తుపాకీ లేదు, భయం లేదు, కేవలం అందమైన ముఖంతోనే లూటీ చేశాడంటూ కామెంట్ చేశాడు. మరొకరు పిల్లవాడు ఏ తప్పు చేయలేదని, అతని చిన్న పాదాలు చూసే సరికి నవ్వు ఆపుకోలేకపోతున్నామని రాశారు. చాలామంది ఈ చిన్నారిని మేధావిగా, చాకచక్యంగా వ్యవహరించినవాడిగా పొగడ్తలతో ముంచెత్తుతున్నారు. మరికొందరు సరదాగా, ఇంత అందమైన దోపిడీని జీవితంలో ఎప్పుడూ చూడలేదని వ్యాఖ్యానించారు. కొంతమంది అయితే ఈ వీడియోను చూసి తమ చిన్ననాటి అల్లరిని గుర్తుచేసుకుంటున్నామని తెలిపారు. ఇప్పటి వరకు సోషల్ మీడియాలో వైరల్ అయిన అనేక దోపిడీ వీడియోలకు భిన్నంగా, ఈ వీడియో మాత్రం మనసుకు హాయిని కలిగిస్తోంది. చట్టపరంగా దొంగతనం తప్పే అయినా, ఈ వీడియోలోని చిన్నారి అమాయకత్వం, నిర్దోషితనం నెటిజన్ల హృదయాలను దోచుకుంటోంది. అందుకే ఈ వీడియోను చూసినవారు కోపపడకుండా నవ్వుకుంటూ షేర్ చేస్తున్నారు. ALSO READ: Shocking video: విమానంలో తోటి ప్రయాణికులపై మూత్ర విసర్జన..?

Tag: child viral video

Most Read

మోడీతో నారా లోకేష్ భేటీ…!

సిర్స‌లో ఘ‌నంగా హ‌నుమాన్ జ‌యంతి వేడుక‌లు

గడ్డిమందు అమ్మితే చర్యలు తప్పవు…!

New Bride suicide: పెళ్లైన నెల‌కే…! న‌వ‌వ‌ధువు.. హైద‌రాబాద్‌లో ఘోరం…

EDITOR PICKS

Viral Video: ఇంతకన్నా అందమైన దోపిడీని మీరు చూపెట్టగలరా..? చూస్తే మాత్రం నవ్వాపుకోవడం కష్టమే!

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending