Case Listing | Crime Mirror

సుప్రీం కోర్టులో కేసుల నిర్వహణలో పారదర్శకత, సమర్థత పెంచేందుకు అధునాతన కృత్రిమ మేధ (AI) వినియోగానికి సీజేఐ జస్టిస్ సూర్యకాంత్ అనుమతించారు. కేసుల లిస్టింగ్, బెంచ్లకు కేటాయింపులో మానవ జోక్యాన్ని తగ్గించేందుకు AI సాంకేతికతను ప్రవేశపెట్టాలని నిర్ణయించినట్లు తెలుస్తోంది. ప్రస్తుతం “మాస్టర్ ఆఫ్ ది రోస్టర్” హోదాలో ఉన్న చీఫ్ జస్టిస్ కేసులను వివిధ బెంచ్లకు కేటాయించే బాధ్యత నిర్వహిస్తున్నారు. అయితే రిజిస్ట్రీలో కొంతమంది అధికారులు సంవత్సరాలుగా అదే పదవుల్లో కొనసాగడం, పాత సాంకేతిక వ్యవస్థల వినియోగం కారణంగా పరిపాలనా లోపాలు చోటుచేసుకున్నాయి. ఇటీవల కేసుల కేటాయింపులో పొరపాట్లు ఇటీవల జరిగిన అంతర్గత పరిశీలనలో కేసుల కేటాయింపులో పొరపాట్లు జరుగుతున్నట్లు బయటపడింది. దీనితో రిజిస్ట్రీలో పనిచేస్తున్న కొంతమంది అధికారులను అంతర్గతంగా బదిలీ చేసి సంస్కరణలు చేపట్టారు. ఈ అంశం ఒక కేసు విచారణ సమయంలో న్యాయస్థానం దృష్టికి వచ్చింది. జస్టిస్ సూర్యకాంత్ నేతృత్వంలోని ధర్మాసనం, ఇందులో జస్టిస్ బాగ్చి, జస్టిస్ పంచోలి సభ్యులుగా ఉన్నారు, ఒక పిటిషన్ విచారణ సందర్భంగా ఈ పరిపాలనా లోపాలను గుర్తించింది. కొట్టేసిన కేసు మళ్లీ విచారణ ఉత్తరప్రదేశ్ గ్యాంగ్స్టర్స్ అండ్ యాంటీ సోషల్ యాక్టివిటీస్ (ప్రివెన్షన్) చట్టాన్ని సవాల్ చేస్తూ ఇర్ఫాన్ సోలంకి దాఖలు చేసిన పిటిషన్ విచారణలో ఈ విషయం వెలుగులోకి వచ్చింది. ఈ సందర్భంగా రాష్ట్ర ప్రభుత్వం, ఇదే అంశంపై 2022లోనే సుప్రీం కోర్టు తీర్పు ఇచ్చిందని తెలిపింది. ఇప్పటికే కొట్టివేసిన అంశం మళ్లీ విచారణకు రావడం పట్ల చీఫ్ జస్టిస్ అసహనం వ్యక్తం చేశారు. ఈ పరిస్థితులు పునరావృతం కాకుండా ఉండేందుకు కోర్టు పరిపాలనలో సాంకేతిక సంస్కరణలు అవసరమని భావించి AI వినియోగంపై దృష్టి సారిస్తోంది.

Tag: Case Listing

Most Read

Russian Oil Sales: పశ్చిమాసియాలో ఉద్రిక్తత.. రష్యాకు లాభాల పంట!

PM Modi: ఇరాన్ అధ్యక్షుడికి ప్రధాని మోదీ ఫోన్.. ఏం చెప్పారంటే?

Relief for India: భారత ఆయిల్ ట్యాంకర్లు సేఫ్ గా వెళ్లొచ్చు, ఇరాన్‌ గ్రీన్ సిగ్నల్!

Amanchi Krishna Mohan: ఫ్యాన్ గూటికి ఆమంచి కృష్ణమోహన్!

EDITOR PICKS

Supreme Court: కొట్టేసిన కేసు మళ్లీ విచారణ.. సుప్రీంకోర్టులో ఇంత పెద్ద మిస్టేక్ ఎలా?

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US