Capital - Crime Mirror

Amaravati: ఆంధ్రప్రదేశ్లో రాజధాని అమరావతి అంశంపై కీలక పరిణామాలు చోటుచేసుకుంటున్నాయి. రాష్ట్ర శాసనసభ అమరావతినే శాశ్వత రాజధానిగా ప్రకటిస్తూ, దీనికి చట్టబద్ధత కల్పించాలని కేంద్రాన్ని కోరుతూ ఏకగ్రీవంగా తీర్మానం ఆమోదించింది. ఈ తీర్మానాన్ని రాష్ట్ర ప్రభుత్వం ఢిల్లీకి పంపించడంతో రాజధాని అంశం మరోసారి జాతీయ స్థాయిలో చర్చకు దారితీసింది. భవిష్యత్తులో ఎవరైనా అధికారంలోకి వచ్చినా అమరావతిని మార్చే అవకాశం లేకుండా చేయాలనే లక్ష్యంతో 2014 ఆంధ్రప్రదేశ్ పునర్విభజన చట్టంలో మార్పులు చేయాలని ఈ నిర్ణయం తీసుకున్నట్లు తెలుస్తోంది. అయితే ఇంత కీలకమైన సమావేశాలకు వైసీపీ గైర్హాజరు కావడం రాజకీయంగా చర్చనీయాంశంగా మారింది. రాష్ట్ర విభజన అనంతరం రాజధాని లేకుండా ప్రయాణం ప్రారంభించిన ఆంధ్రప్రదేశ్కు ఒక స్థిర దిశ చూపించాలనే ఉద్దేశంతో అప్పటి ముఖ్యమంత్రి నారా చంద్రబాబునాయుడు అమరావతిని రాజధానిగా ప్రకటించారు. విజయవాడ, గుంటూరు మధ్య ప్రాంతాన్ని ఎంపిక చేసి, రాష్ట్రానికి మధ్యభాగంలో ఉండేలా ఈ నిర్ణయం తీసుకున్నారు. రైతులు స్వచ్ఛందంగా దాదాపు 30,000 ఎకరాలకు పైగా సారవంతమైన భూములను ఇచ్చి రాజధాని నిర్మాణానికి అండగా నిలిచారు. మొదటి మూడు సంవత్సరాల్లోనే అమరావతికి ప్రాథమిక మౌలిక సదుపాయాలు కల్పిస్తూ నిర్మాణానికి రూపురేఖలు తీసుకువచ్చారు. ఆ సమయంలో ప్రతిపక్షంగా ఉన్న వైసీపీ కూడా అసెంబ్లీలో అమరావతి నిర్ణయానికి మద్దతు తెలిపిన విషయం గుర్తుండాల్సిందే. తర్వాత అధికారంలోకి వచ్చిన వైసీపీ ప్రభుత్వం అమరావతి అంశంపై భిన్న దృక్కోణంతో ముందుకు వచ్చింది. మూడు రాజధానుల ప్రతిపాదనను తెరపైకి తీసుకువచ్చి అమరావతి ప్రాధాన్యాన్ని తగ్గించే ప్రయత్నాలు చేసింది. దీనిపై రాజధాని రైతులు తీవ్రంగా వ్యతిరేకిస్తూ దీర్ఘకాల పోరాటం ప్రారంభించారు. 2019 తర్వాత ఈ అంశం చట్టపరమైన వివాదాలకు దారితీసినా, రైతుల ఉద్యమం కారణంగా మూడు రాజధానుల అమలు ముందుకు సాగలేదు. ఈ సమయంలో అమరావతి భవిష్యత్తుపై అనిశ్చితి నెలకొన్నా, రైతులు 1631 రోజుల పాటు నిరంతరం పోరాడుతూ తమ పట్టుదలను చాటిచెప్పారు. 2024 ఎన్నికల తర్వాత రాజకీయ పరిస్థితులు పూర్తిగా మారాయి. వైసీపీ బలం 151 సీట్ల నుంచి 11కి పడిపోవడంతో ఆ పార్టీకి ప్రతిపక్ష హోదా కూడా దక్కలేదు. మళ్లీ ముఖ్యమంత్రిగా బాధ్యతలు స్వీకరించిన చంద్రబాబు అమరావతి నిర్మాణ పనులను వేగవంతం చేశారు. మరోవైపు మాజీ సీఎం జగన్ అమరావతిపై తన వైఖరిని కొనసాగిస్తూ, రాజధాని అంశంపై భిన్న అభిప్రాయాలు వ్యక్తం చేస్తూ వస్తున్నారు. ఈ నేపథ్యంలో ప్రభుత్వం చట్టపరమైన రక్షణ కల్పించే దిశగా అడుగులు వేయడం ప్రాధాన్యం సంతరించుకుంది. కేంద్ర స్థాయిలో కూడా అమరావతి పునర్నిర్మాణానికి మద్దతు లభిస్తోంది. 2015 అక్టోబర్ 22న అమరావతి నిర్మాణానికి శంకుస్థాపన చేసిన ప్రధాని నరేంద్రమోడీ, 2025 మే 2న వెలగపూడిలో పునర్నిర్మాణ పనులకు శ్రీకారం చుట్టారు. మొదటగా రూ.15,000 కోట్ల పనులకు శ్రీకారం చుట్టగా, ఇప్పుడు సుమారు రూ.60,000 కోట్ల విలువైన పనులు చేపట్టడం ప్రాజెక్ట్ ప్రాముఖ్యతను తెలియజేస్తోంది. కేంద్రం నుంచి నిధుల కొరత లేకుండా పనులు కొనసాగుతున్నట్లు సమాచారం. ప్రపంచ స్థాయి నగరంగా అమరావతిని అభివృద్ధి చేస్తామని ప్రభుత్వం స్పష్టం చేస్తోంది. రాష్ట్ర రాజధానిగా అమరావతి శాశ్వతంగా కొనసాగుతుందని, ఎలాంటి అడ్డంకులు వచ్చినా నిర్మాణాన్ని ఆపబోమని సీఎం చంద్రబాబు పేర్కొంటున్నారు. కేంద్ర ప్రభుత్వం కూడా పూర్తి సహకారం అందిస్తుందని హామీ ఇచ్చిన నేపథ్యంలో అమరావతి భవిష్యత్తుపై విశ్వాసం పెరుగుతోంది. ఇదే సమయంలో అసెంబ్లీ తీర్మానం కేంద్ర క్యాబినెట్ ఆమోదం పొందే అవకాశాలు ఉన్నాయని, అనంతరం పార్లమెంట్లో బిల్లుగా ప్రవేశపెట్టే అవకాశం ఉందని సమాచారం. పార్లమెంట్ ఆమోదం లభిస్తే అమరావతి రాజధాని హోదాకు శాశ్వత చట్టబద్ధత లభిస్తుంది. అప్పుడు భవిష్యత్తులో ఎవరైనా అధికారంలోకి వచ్చినా రాజధానిని మార్చడం అసాధ్యమవుతుంది. ఈ పరిణామంతో అమరావతి రైతుల్లో ఆనందం వ్యక్తమవుతోంది. తమ దీర్ఘకాల పోరాటానికి ఫలితం దక్కుతుందని వారు భావిస్తున్నారు. ఇక ఈ పరిణామాలపై వైసీపీ ఎలా స్పందిస్తుందన్నది రాజకీయ వర్గాల్లో ఆసక్తిగా మారింది. ALSO READ: ఏపీకి రిలీఫ్.. వచ్చే 3 రోజులు వానలు

Tag: Capital

Most Read

Dacoit: టాలీవుడ్ నిర్మాతలందరి కళకళ్లూ డాకాయిట్ సినిమాపైనే.. ఎందుకంటే..?

కేసీఆర్ నాయకత్వమే శ్రీరామరక్ష.. ఎమ్మెల్సీ జీవన్ రెడ్డి సంచలన నిర్ణయం

Vijay Jana Nayagan: విజయ్ జన నాయగన్ రిలీజ్‌కు ముందే ఆన్‌లైన్‌లో లీక్.. చిత్రబృందానికి షాక్!

మహిళా రిజర్వేషన్ బిల్లులో ఓబీసీలకు అన్యాయం.. కల్వకుంట్ల కవిత ధ్వజం

EDITOR PICKS

Amaravati: ఇక ఎవరూ మార్చలేరు..!

భారీ వర్షాలకు రాజధాని మునిగిందంటూ ప్రచారం.. స్పందించిన ప్రభుత్వం!

ప్రతిష్టాత్మకమైన అమరావతికి… ముప్పు వైసీపీ పార్టీనే!

POPULAR POSTS

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

Trending