జాతీయం

రాజస్థాన్లోని ఉదయ్పూర్ నగరంలో చోటుచేసుకున్న గ్యాంగ్ రేప్ ఘటన దేశవ్యాప్తంగా తీవ్ర కలకలం రేపుతోంది. ఓ ప్రైవేట్ కంపెనీలో మేనేజర్గా పనిచేస్తున్న మహిళపై జరిగిన ఈ దారుణ ఘటన కార్పొరేట్ రంగంలో భద్రతపై ప్రశ్నలను లేవనెత్తుతోంది. ఈ కేసుతో సంబంధం ఉన్న అదే కంపెనీ సీఈవోతో పాటు మరో ఇద్దరిని పోలీసులు అరెస్టు చేశారు. వివరాల్లోకి వెళ్తే.. ఉదయ్పూర్కు చెందిన ఓ ప్రైవేట్ కంపెనీలో జితేశ్ సిసోడియా సీఈవోగా పనిచేస్తున్నాడు. వారం రోజుల క్రితం అతడు తన పుట్టినరోజు సందర్భంగా పార్టీ ఏర్పాటు చేశాడు. ఆ పార్టీకి కంపెనీలో పనిచేస్తున్న మహిళా మేనేజర్ కూడా హాజరైంది. పార్టీ ముగిసిన తర్వాత అతిథులంతా వెళ్లిపోయారని పోలీసులు తెలిపారు. అయితే ఈ కేసులో మరో మహిళా ఎగ్జిక్యూటివ్, ఆమె భర్త గౌరవ్ సిరోహి కూడా నిందితులుగా ఉన్నారు. పార్టీ అనంతరం మహిళా ఎగ్జిక్యూటివ్ బాధిత మేనేజర్ను ఇంటి వద్ద దింపుతానని చెప్పినట్లు తెలుస్తోంది. ఆ సమయంలో కారులో బాధితురాలితో పాటు సీఈవో జితేశ్ సిసోడియా, గౌరవ్ సిరోహి ఉన్నారని పోలీసులు వెల్లడించారు. కారు ప్రయాణంలో భాగంగా ఒక చోట ఆగి సిగరెట్లు కొనుగోలు చేశారని, ఆ తర్వాత తాను స్పృహ కోల్పోయినట్లు బాధిత మేనేజర్ తన ఫిర్యాదులో పేర్కొంది. మరుసటి రోజు నిద్రలేచిన తర్వాత తనపై లైంగిక దాడి జరిగినట్లు గుర్తించినట్లు ఆమె తెలిపింది. ఈ ఘటన తనను తీవ్రంగా కలచివేసిందని ఆమె వాపోయింది. బాధితురాలి ఫిర్యాదు ఆధారంగా పోలీసులు కేసు నమోదు చేసి దర్యాప్తు ప్రారంభించారు. బీఎన్ఎస్ చట్టంలోని సంబంధిత సెక్షన్ల కింద సుఖీర్ పోలీస్ స్టేషన్లో కేసు బుక్ చేసినట్లు అధికారులు తెలిపారు. గురువారం ముగ్గురు నిందితులను అరెస్టు చేసి కోర్టులో హాజరుపరిచారు. న్యాయస్థానం వారిని నాలుగు రోజుల పోలీస్ కస్టడీకి అప్పగించింది. ఉదయ్పూర్ ఎస్పీ యోగేశ్ గోయల్ మాట్లాడుతూ.. నిందితులను రిమాండ్కు తరలించినట్లు తెలిపారు. బాధిత మహిళకు వైద్య పరీక్షలు నిర్వహించామని, ఆమె స్టేట్మెంట్ను కూడా రికార్డు చేసినట్లు వెల్లడించారు. ఈ కేసు దర్యాప్తు వివరాలను ఏఎస్పీ మాధురీ వర్మకు అప్పగించినట్లు సమాచారం. కార్పొరేట్ పార్టీల పేరుతో మహిళల భద్రతకు ముప్పు ఏర్పడుతుందా అనే చర్చ మరోసారి తెరపైకి వచ్చింది. నమ్మకమే ఆయుధంగా మారి, బాధితురాలు దారుణానికి గురికావడం పట్ల సర్వత్రా ఆవేదన వ్యక్తమవుతోంది. ALSO READ: రూ.1 కోటి పొలాన్ని రూ.500కే ఇస్తానన్న రైతు.. ఆఖర్లో ట్విస్ట్

వార్ ఎఫెక్ట్.. వేలాది విమాన సర్వీసుల రద్దు

UPI: ఇంటర్‌నెట్ లేకపోయినా.. పిన్ కొట్టకపోయినా పేమెంట్లు

భారీగా పెరగనున్న వెండి ధరలు!

11 నెలల గరిష్ఠానికి చేరిన టోకు ద్రవ్యోల్బణం

గుడిలో ప్రదక్షిణలు చేయడం వెనుక ఉన్న పరమార్థం ఇదే!

Most Read

సోషల్ మీడియాలో హీరోయిన్ శ్రీలీలపై నెటిజన్ల ట్రోలింగ్.. క్లారిటీ

వార్ ఎఫెక్ట్.. వేలాది విమాన సర్వీసుల రద్దు

ఐస్ వాటర్ తాగితే కొవ్వు కరుగుతుందా?.. బాడీ టెంపరేచర్ మ్యాజిక్ ఏంటి?

UPI: ఇంటర్‌నెట్ లేకపోయినా.. పిన్ కొట్టకపోయినా పేమెంట్లు

EDITOR PICKS

సోషల్ మీడియాలో హీరోయిన్ శ్రీలీలపై నెటిజన్ల ట్రోలింగ్.. క్లారిటీ

వార్ ఎఫెక్ట్.. వేలాది విమాన సర్వీసుల రద్దు

ఐస్ వాటర్ తాగితే కొవ్వు కరుగుతుందా?.. బాడీ టెంపరేచర్ మ్యాజిక్ ఏంటి?

POPULAR POSTS

RGV: బలవంతుడిదే రాజ్యం.. గెలిచిన వారి మతంలో చేరుతా!

ఏడెకరాల వరకే రైతుబంధు లిమిట్!

2029లో టీడీపీ అధికారంలో ఉండటం కష్టమేనా – చరిత్ర ఏం చెప్తోంది..?

POPULAR CATEGORY

ABOUT US

FOLLOW US