క్రైమ్ మిర్రర్, ఆన్ లైన్ డెస్క్ : తెలంగాణ పోచంపల్లి చీరలకు ప్రపంచవ్యాప్తంగా ఎంతో గుర్తింపు ఉంది. నల్లగొండ జిల్లాలోని భూదాన్ పోచంపల్లిలో ప్రత్యేకంగా తయారుచేసే ఇక్కత్ సిల్క్ చీరలు ఇప్పటికే అంతర్జాతీయ స్థాయిలో ప్రసిద్ది పొందాయి. చేతులతో రంగులు వేసి పురాతన మద్దతుల్లో ఈ చీరలను తయారుచేస్తారు. దీంతో ఈ ప్రాంతానికి ఇప్పటికే జియోగ్రాఫికల్ ఇండికేషన్‌ రాగా.. సిల్క్ సిటీగా కూడా పేరు తెచ్చుకుంది. అయితే తాజాగా పోచంపల్లి ఇక్కత్ చీరకు మరో అరుదైన గుర్తింపు లభించింది. ఫ్రాన్స్ అధ్యక్షుడు ఇమ్మాన్యుయేల్ మాక్రాన్ భార్య బ్రిగిట్టే మాక్రాన్‌ను ఈ చీరను ప్రధాని నరేంద్ర మోదీ బహుమతిగా ఇచ్చారు.
Read Also : సుఖేష్ చంద్రశేఖర్‌ నుంచి మరో సంచలన లేఖ.. ఘాటుగా స్పందించిన కేటీఆర్
కొద్దిరోజులుగా ఫ్రాన్స్‌లో మోదీ పర్యటిస్తున్నారు. అక్కడ వివిధ కంపెనీల ప్రతిధులతో భేటీ అవుతున్నారు. ఈ సందర్భంగా ఫ్రాన్స్ అధ్యక్షుడితో భేటీ అయ్యారు. భారత్, ఫ్యాన్స్ మధ్య ద్వైపాక్షిక సంబంధాలు, వివిధ అంశాలపై చర్చించారు. అనంతరం ఆయన భార్యకు శాండల్‌వుడ్ బాక్స్‌లో పోచంపల్లి చీరను మోదీ గిఫ్ట్‌గా అందించారు. దీనికి సంబంధించిన ఫొటోలు బయటకు వచ్చాయి. మోదీ గిఫ్ట్‌గా ఇవ్వడంతో పోచంపల్లి చీర గురించి మరోసారి అంతర్జాతీయ స్థాయిలో చర్చ జరుగుతోంది. దీంతో తెలంగాణకే గర్వకారణంగా ఇది నిలుస్తోంది. పోచంపల్లి చీరలను పురాతన పద్దతి ద్వారా తయారుచేస్తారు. మగ్గం ఉపయోగించి చీరను నేసిన తర్వాత దానికి వివిధ రకాల రంగులు వేస్తారు. వివిధ డిజైన్లలో మహిళలకు నచ్చేలా ఆకర్షణీయంగా తయారుచేస్తారు.
Also Read : ‘పుడితే డబ్బున్నోడిగానే పుట్టాలి, లేదంటే ఇంతే’.. కదిలిస్తోన్న యువకుడి చివరి మాటలు
దీంతో ఈ చీరలను ధరించేందుకు మహిళలు కూడా ఆసక్తి చూపుతారు. పోచంపల్లిలో ఎన్నో కుటుంబాలు ఈ కళను నమ్ముకుని ఏళ్లుగా జీవనం కొనసాగిస్తున్నాయి. పురాతన కాలంలో చేతులతో రంగులు అద్ది చీరలను తయారుచేసేవారు. ఇప్పటికే ఆ విధానం ద్వారా పోచంపల్లిలో చీరలను తయారుచేస్తూ పాతకాలం నాటి హస్తకళను భవిష్యత్ తరాలకు అందిస్తున్నారు. ఐక్యరాజ్య సమితితో పాటు అనేక అంతర్జాతీయ సంస్థలు ఈ కళను గుర్తించాయి. ఇప్పుడు ఫ్రాన్స్ అధ్యక్షుడు మెక్రన్ సతీమణికి మోదీ అందించడంతో తెలంగాణ పోచంపల్లి చీరలు మరోసారి అంతర్జాతీయంగా పాపులర్ అయ్యాయి. ఈ చీరల గొప్పతనం గురించి మరోసారి అంతర్జాతీయ స్థాయిలో అందరూ చర్చించుకుంటున్నారు.
ఇవి కూడా చదవండి :
- మద్యం ప్రియులకు బ్యాడ్ న్యూస్… రెండు రోజులు వైన్స్, బార్లు బంద్
- రైతాంగానికి తక్షణమే రేవంత్ రెడ్డి క్షమాపణ చెప్పాలి.. సత్తుపల్లి ఎమ్మెల్యే సండ్ర
- ఎన్నికల వేళ ఏంటీ రచ్చ… రేవంత్ వ్యాఖ్యలపై హైకమాండ్ సీరియస్ !!!
- హరీష్ రావుతో రాజాసింగ్ భేటీ… బీఆర్ఎస్‌లో చేరుతారంటూ ప్రచారం
- ఎమ్మెల్యే సీతక్క తల్లిదండ్రులకు పోడు పట్టా అందజేత.. హర్షం వ్యక్తం చేసిన సీతక్క తల్లదండ్రులు
3 Comments