లింగనిర్ధరణ ద్వారా అబార్షాన్లు చేస్తున్న ముఠా గుట్టురట్టు…

క్రైమ్ మిర్రర్, ఆన్ లైన్ డెస్క్ : హనుమకొండ జిల్లాలో లింగనిర్ధరణ ద్వారా అబార్షాన్లు చేస్తున్న ముఠాను పోలీసులు అరెస్టు చేశారు. మెుత్తం 18 మందిని అదుపులోకి తీసుకున్నారు. అరెస్టైన వారిలో ప్రభుత్వ, ప్రయివేటు డాక్టర్లు ఉన్నారు. మరో ఇద్దరు నిందితులు పరారీలో ఉండగా.. వారి కోసం గాలిస్తున్నట్లు నగర సీపీ ఏవీ రంగనాథ్ వెల్లడించారు. సీపీ తెలిపిన వివరాల ప్రకారం.. వరంగల్, హనుమకొండలోని పలు ప్రైవేటు ఆసుపత్రుల్లో కొన్ని రోజులుగా లింగనిర్ధరణ పరీక్షలు జరుగుతుననట్లు పోలీసులకు సమాచారం అందింది. స్కానింగ్‌ సెంటర్‌ నిర్వహిస్తూ.. లింగ నిర్ధారణ పరీక్షలు చేయడంతో పాటు అవసరమైన వారికి అబార్షన్లు చేస్తున్నారని పోలీసులకు ఫిర్యాదులు అందాయి.

Read Also : హయత్‌నగర్‌లో యువకుడు దారుణ హత్య.. కుళ్లిపోయిన స్థితిలో మృతదేహాం

ఈ ఫిర్యాదులపై దృష్టి పెట్టిన నగర పోలీసులు.. స్పెషల్ టాస్క్‌ఫోర్స్ పోలీసులను రంగంలోకి దింపారు. జిల్లా వైద్యారోగ్యశాఖ అధికారులతో కలిసి ఆపరేషన్ చేపట్టారు. ఈ క్రమంలో లింగనిర్ధారణ, అబార్షన్‌లు చేసే ఇద్దరు వ్యక్తులను ముందుగా అదుపులోకి తీసుకున్నారు. ప్రధాన నిందితుడైన వేముల ప్రవీణ్‌ పాత నేరస్తుడిగా పోలీసులు గుర్తించారు. గతంలో స్కానింగ్ కేంద్రంలో టెక్నీషియన్ గా పనిచేసి నిబంధనలకు విరుద్ధంగా లింగనిర్థారణ పరీక్షలు చేసి అతడు అరెస్టయ్యాడు. ఆ తర్వాత తీరు మార్చుకొని ప్రవీణ్.. ఆర్‌ఎంపీలు, పీఆర్‌ఓలు, హాస్పిటల్ మేనెజ్‌మెంట్‌, డాక్టర్లతో కలిసి ముఠాగా ఏర్పడి అక్రమ దందాకు తెరలేపాడు. ప్రవీణ్ తన భార్య సంధ్యారాణితో కలిసి గోపాల్ పూర్ వెంకటేశ్వర కాలనీలో స్కానింగ్ కేంద్రం ఏర్పాటు చేశారు.

Also Read : తెలంగాణాలో 25 మందితో బిజేపి అభ్యర్థుల మొదటి లిస్ట్ వైరల్… నియోజకవర్గాలలో ఆసక్తికర చర్చ

అక్కడే లింగనిర్ధరణ పరీక్షలు నిర్వహించి అవసరమైన వారికి అబార్షన్లు చేసేవారు. ఇలా ఇప్పటి వరకు వందకు పైగా అబార్షన్‌లు నిర్వహించినట్లు పోలీసుల విచారణలో వెల్లడైంది. లింగనిర్ధర టెస్ట్ అయితే రూ. 10 వేలు, అబార్షన్ అయితే.. రూ. 30 వేల చొప్పున వసూలు చేసినట్లు పోలీసులు తెలిపారు. మెుత్తం 18 మంది ముఠా సభ్యుల్లో కొందరు ప్రభుత్వ, ప్రైవేట్ డాక్టర్లు ఉన్నారని సీపీ వెల్లడించారు. మరికొందరు పరారీలో ఉండగా.. వారి కోసం గాలిస్తున్నామని చెప్పారు. నిందితుల వద్ద నుంచి లింగనిర్ధారణకు వినియోగించే మూడు స్కానర్లు, రూ. 73 వేల నగదు, 18 సెల్‌ఫోన్‌లు స్వాధీనం చేసుకున్నట్లు సీపీ రంగనాథ్ వెల్లడించారు.

ఇవి కూడా చదవండి : 

1. డీకే శివకుమార్‌తో మరోసారి షర్మిల భేటీ… కాంగ్రెస్‌తో పొత్తు వార్తల నేపథ్యంలో భేటీకి ప్రాధాన్యత
2. హ్యాట్రిక్ విజయంపై బీఆర్ఎస్ కన్ను… ఆ 15 మంది ఎమ్మెల్యేలకు ఈసారి టికెట్ కష్టమేనా?
3. లారీల కోసం రైతుల ఎదురుచూపులు… ధాన్యం బస్తాల వద్ద పడిగాపులు
4. మరోసారి ఆలస్యం కానున్న జనగణన ప్రక్రియ.. లోక్‌సభ ఎన్నికల తర్వాతే
5. టీఎస్‌పీఎస్సీ పేపర్ లీకేజీ కేసులో కీలక మలుపు.. విద్యుత్ శాఖ డీఈ అరెస్ట్