క్రైమ్ మిర్రర్, ఆన్ లైన్ డెస్క్ : ఏపీలోని పల్నాడు జిల్లా దాచేపల్లి వద్ద ఈ ఉదయం ఘోర రోడ్డు ప్రమాదం చోటు చేసుకున్న సంగతి తెలిసిందే. కూలీలతో వెళ్తున్న ఆటోను లారీ ఢీకొట్టగా.. ఆరుగురు మృతి చెందారు. మరో 7 మంది తీవ్రంగా గాయపడ్డారు. మృతులంతా నల్గొండ జిల్లా దామరచర్ల మండలం నరసాపురం గ్రామానికి చెందినవారుగా పోలీసులు గుర్తించారు. ఈ ప్రమాద ఘటనపై తెలంగాణ సీఎం కేసీఆర్ దిగ్ర్బాంతి వ్యక్తం చేశారు. ప్రమాదంలో ప్రాణాలు కోల్పోయిన వారికి సీఎం సంతాపం ప్రకటించారు. మరణించిన వారి కుటుంబ సభ్యులకు తన సానుభూతిని తెలియజేశారు. చనిపోయిన వారి కుటుంబాలకు ఒక్కొక్కరికి రూ.5 లక్షల చొప్పున ఎక్స్‌గ్రేషియా ప్రకటించారు. గాయపడిన వారికి ఒక లక్ష రూపాయలు ఎక్స్ గ్రేషియాను అనౌన్స్ చేశారు.
Read Also : బీఆర్ఎస్ గెలిస్తే స్విగ్గీ, జొమాటో ద్వారా ఇంటింటికి మద్యం సరఫరా… ప్రభుత్వంపై బండి సంజయ్ ఫైర్
గాయపడిన వారికి తక్షణమే మెరుగైన వైద్య చికిత్సను అందించాలని స్థానిక మిర్యాలగూడ ఎమ్మెల్యే నల్లమోతు భాస్కర్ రావును సీఎం ఆదేశించారు. ప్రమాదం జరిగిన సమయంలో ఆటోలో మెుత్తం 23 మంది కూలీలు ఉన్నట్లు పోలీసులు గుర్తించారు. ప్రమాదం జరిగిన దాచేపల్లి ఏపీ, తెలంగాణకు మధ్య సరిహద్దు ప్రాంతం. నరసాపురంకు చెందిన మృతులు కూలీ పనుల కోసం నిత్యం ఏపీకి వెళ్తూ ఉంటారు. దాచేపల్లి మండలం పొందుగల వద్ద ఈ ఉదయం జరిగిన లారీ, ఆటో ప్రమాదంలో స్పాట్‌లోనే ఐదుగురు కూలీలు మృతి చెందారు. మరో ఏడుగురు తీవ్ర గాయాలతో గురజాల ఆసుపత్రిలో చేరారు. వారిలో ఆసుపత్రిలో చికిత్స పొందుతూ మరొకరు మృతి చెందారు. దీంతో మృుతల సంఖ్య ఆరుకు చేరుకుంది. కూలీ పనుల కోసం వెళ్లే ఒకే గ్రామానికి చెందిన ఆరుగురు మృతి చెందటంతో వారి గ్రామంలో విషాఛాయలు అలుముకున్నాయి.
ఇవి కూడా చదవండి :
- తెలంగాణ కాంగ్రెస్ లోకి ట్రబుల్ షూటర్… ఎన్నికల ఇంచార్జ్ గా డి‌కే శివకుమార్..??
- కర్ణాటక కొత్త ముఖ్యమంత్రిగా సిద్ధరామయ్య… లక్ష మంది సమక్షంలో రేపు ప్రమాణస్వీకారం
- సొంత పార్టీ నేతలపైనే ట్రోలింగులా.. సీసీఎస్ పోలీసుల దాడులతో బయటపడిన బాగోతం
- మద్యం తాగొద్దని హెచ్చరించినందుకు ఘాతుకం… భార్యకు కరెంట్ షాక్ పెట్టి చంపిన భర్త
- భద్రాచలంలో పర్యటించిన గవర్నర్ తమిళిసై… ఆదివాసీలతో ప్రత్యేక సమావేశం
One Comment