క్రైమ్ మిర్రర్, కరీంనగర్ : అదృష్టదేవత వచ్చి షేక్ హ్యాండ్ ఇచ్చేలోగా.. దరిద్రం వచ్చి లిప్ కిస్ ఇచ్చిందంట. తెలుగులో సూపర్ హిట్టైన ఓ పాపులర్ సినిమా డైలాగ్ ఇది. ఇలాగే ఉంది పాపం అక్కడి ఉపాధి కూలీల పరిస్థితి. ఉపాధి హామీ పనులు చేస్తున్న సమయంలో అనుకోకుండా అదృష్టం కలిసొచ్చి వారికి ఖజానా దొరికింది. దొరికింది కదా అని సంబరపడేలోగానే.. సీన్ మెుత్తం రివర్సైంది. దీంతో అప్పటిదాకా ఉన్న సంతోషం ఆవిరైపోయి నిట్టూర్పులే మిగిలాయి. వివరాల్లోకి వెళితే.. కరీంనగర్ జిల్లా తిమ్మాపూర్ మండలం గొల్లపల్లి గ్రామంలో ఉపాధి హామీ పనిచేసే కూలీలు ఉదయాన్నే పనుల్లోకి వెళ్లారు. ఆ దేవుణ్ని తలుచుకుంటూ పనులు మొదలెట్టారు. అలా అందరూ కలిసి ఉపాధి పనులు చేస్తుండగా.. వారికి రెండు మట్టి కుండలు కనిపించాయి.
Read Also : నాకు జైలు శిక్షా? ఐ డోంట్ కేర్… అనర్హత వేటుపై స్పందించిన రాహుల్ గాంధీ
పట్టలేని సంతోషంతో వాటిని తెరిచి చూస్తే అందులో 30 వెండి నాణేలు కనిపించాయి. దీంతో వారి ఆనందం రెట్టింపైంది. దొరికిన నాణెలను అందరూ సమానంగా పంచుకున్నారు. ఎవరి వాటాలు వారు తీసేసుకున్నారు. అయితే ఎలా తెలిసిందో కానీ… వెండినాణెలు బయటపడిన విషయం ప్రభుత్వ అధికారుల చెవిలో పడింది. ఇంకేముంది సీన్‌లోకి పోలీసులతో పాటు, రెవెన్యూ అధికారులు ఎంటరయ్యారు. కూలీలు పనిచేసే దగ్గరకు వచ్చి వెండినాణెలను స్వాధీనం చేసుకున్నారు. వెండి నాణేలు దొరికాయని అప్పటి వరకూ ఆనందంగా ఉన్న కూలీల ముఖాలు అధికారులు రావటంతో వాడిపోయాయి. తప్పనిసరి పరిస్థితుల్లో తమకు దొరికిన నాణెలను అధికారులకు అప్పగించాల్సి వచ్చింది.
ఇవి కూడా చదవండి :
- ధర్నాచౌక్ వద్ద బీజేపీ మహాధర్నాలో పాల్గొన్న బండి సంజయ్… సిట్ నోటీసులపై ఆగ్రహం
- ఖాళీ అయిన స్థానాలకు ఎన్నికలు ఎందుకు నిర్వహించలేదు?.. ఎన్నికల సంఘాన్ని ప్రశ్నించిన హైకోర్టు, నోటీసులు జారీ
- బాసర ఆలయ పునర్నిర్మాణ పనులు ప్రారంభం… యాదాద్రి తరహాలో ఆలయ అభివృద్ధి
- అడిషనల్ ఎస్పి ఏడీగా బాధ్య‌తలు చేపట్టిన వి.శ్రీనివాసరావు…..
- టీఎస్‌పీఎస్సీ పేపర్ లీక్ కేసులో బండి సంజయ్‌కు మరోసారి సిట్ నోటీసులు…
2 Comments