బండి సంజయ్‌పై మంత్రి హరీశ్ రావు ఫైర్… ట్విట్టర్ వేదికగా బండి సంజయ్‌కు ప్రశ్నలు

క్రైమ్ మిర్రర్, ఆన్ లైన్ డెస్క్ : బీజేపీ రాష్ట్ర అధ్యక్షుడు బండి సంజయ్‌పై మంత్రి హరీశ్ రావు తీవ్ర స్థాయిలో మండిపడ్డారు. తెలంగాణలో ఫసల్ బీమా అమలు చేయాలని అడుగుతున్న బండి సంజయ్.. ముందు ప్రధాని మోదీ సొంత రాష్ట్రం గుజరాత్‌లో ఎందుకు అమలు చేయడం లేదో చెప్పగలవా.. అంటూ హరీశ్ రావు ప్రశ్నించారు. దేశంలోని 10 రాష్ట్రాలు, 5 కేంద్ర పాలిత ప్రాంతాలు ఫసల్ బీమాను వ్యతిరేకిస్తున్నాయని పార్లమెంట్ సాక్షిగా బీజేపీ కేంద్ర మంత్రి నరేంద్ర సింగ్ తోమర్ చెప్పారని గుర్తు చేశారు. దీనిని బట్టే ఆ పథకంతో రైతులకు పెద్దగా ఉపయోగం లేదని అర్థం కావడం లేదా.. అంటూ ట్విట్టర్ వేదికగా ప్రశ్నించారు.

Read Also : కాంగ్రెస్ అగ్రనేత రాహుల్ గాంధీపై అనర్హత వేటు.. దేశంలో అప్రకటిత ఎమర్జెన్సీ నడుస్తోందన్న రేవంత్

“పంట నష్టపోయిన రైతులకు అండగా నిలిచేందుకు సీఎం కేసీఆర్ గారు ఎకరాకు రూ. 10 వేలు సాయం చొప్పున, రూ. 228 కోట్లు ప్రకటించి రైతు బిడ్డనని మరోసారి నిరూపించుకున్నారు. బీజేపీ నేతలకు ఇది చిన్న సాయంగా కనిపించడం దురదృష్టకరం. దేశంలో ఇంకెక్కడైనా ఇంతకన్నా ఎక్కువ సాయం చేసినట్టు నిరూపించగలరా? నాడు అన్నదాత ఆదాయాన్ని రెట్టింపు చేస్తామని చెప్పి, నేడు ఆదాని ఆదాయాన్ని డబుల్ చేశారు. అనునిత్యం రైతులను క్షోభకు గురి చేస్తూ, నల్ల చట్టాలు తెచ్చి రైతులను బలి చేసిన చరిత్ర మీది. వ్యవసాయాన్ని పండుగలా చేసి, రైతును రాజుగా చేసిన ఘనత మాది. సాగు, రైతు సంక్షేమం గురించి బీజేపీ నేతలు మాట్లాడటం దయ్యాలు వేదాలు వల్లించడమే.” అంటూ హరీశ్ రావు విమర్శించారు. తెలంగాణలో కురిసిన అకాల వర్షాలు, వడగండ్లతో పెద్ద ఎత్తున పంట నష్టం వాటిల్లిన విషయం తెలిసిందే.

Also Read : మహిళా రిజర్వేషన్ బిల్లుపై ఉద్యమం మరింత ఉధృతం… కార్యాచరణ ప్రకటించిన ఎమ్మెల్సీ కవిత

దీనిపై స్పందించిన సీఎం కేసీఆర్.. నష్టపోయిన పంట పొలాలను స్వయంగా వెళ్లి పరిశీలించారు. రైతులతో మాట్లాడి.. పంట నష్టం గురించి అడిగి తెలుసుకున్నారు. వారికి భరోసా ఇచ్చారు. ఈ క్రమంలోనే.. నష్టపోయిన పంట ఏదైనా.. ఎకరాకు 10 వేల చొప్పున రాష్ట్ర ప్రభుత్వం తరఫున పరిహారం చెల్లిస్తామని ప్రకటించారు. ఇందుకోసం ఏకంగా 228 కోట్ల నిధులు ప్రకటించారు సీఎం కేసీఆర్. కాగా.. దీనిపై స్పందించిన బీజేపీ రాష్ట్ర అధ్యక్షుడు బండి సంజయ్.. తెలంగాణలో కేంద్ర ప్రభుత్వం ప్రవేశపెట్టిన ఫసల్ బీమా యోజన పథకం అమలు చేస్తే.. రైతులకు న్యాయం జరిగేదని తెలిపారు. అసలు తెలంగాణలో ఫసల్ బీమా యోజన ఎందుకు అమలు చేయటం లేదని ప్రశ్నించారు. బండి సంజయ్ చేసిన వ్యాఖ్యలపై మంత్రి హరీశ్ రావు.. ట్విట్టర్ వేదికగా ప్రశ్నలు కురిపించారు.

ఇవి కూడా చదవండి : 

1. హైదరాబాద్‌లో మరోసారి ఈడీ దాడుల కలకలం… కన్సల్టెన్సీ సంస్థల్లో సోదాలు
2. రచ్చకెక్కిన మంచు బ్రదర్స్ గొడవ…. వీడియోను బయటపెట్టిన మనోజ్
3. హైదరాబాద్‌లో బాలిక కిడ్నాప్ కలకలం… సొంత బంధువులే కిడ్నాప్ చేసి ఉంటారని తండ్రి ఫిర్యాదు
4. ఈ నెల 29న హైదరాబాద్‌లో టీడీపీ బహిరంగ సభ.. పాల్గొననున్న చంద్రబాబు
5. సిట్‌పై నాకు నమ్మకం లేదు… సిట్‌కు బండి సంజయ్ కీలక లేఖ