క్రైమ్ మిర్రర్, హైద్రాబాద్ ప్రతినిధి : గోషామహల్ ఎమ్మెల్యే రాజాసింగ్ తెలంగాణ డీజీపీకి లేఖ రాశారు. తనకు బెదిరింపు కాల్స్ ఎక్కువయ్యాయని, ఇప్పటి వరకు దాదాపు 8 నెంబర్ల నుంచి కంటిన్యూగా ఫోన్లు వస్తున్నాయన్నారు. ఈ బెదిరింపు కాల్స్ ఎక్కువగా పాకిస్తాన్ నుంచి వస్తున్నాయని లేఖలో పేర్కొన్నారు. ఈ అంశంపై తాను గతంలోనే పోలీసులకు ఫిర్యాదు చేసినా.. పోలీసులు ఇప్పటి వరకు ఎఫ్‌ఐఆర్ నమోదు చేయలేదని అన్నారు. జై శ్రీరామ్ అన్న ప్రతిసారి పోలీసులు కేసులు బుక్ చేస్తున్నారని.., మరి ఇప్పుడు ఎందుకు చేయట్లేదని ప్రశ్నించారు.
Read Also : సెల్‌ఫోన్లతో ఈడీ విచారణకు ఎమ్మెల్సీ కవిత… మూడోసారి ఈడీ విచారణకు హాజరు
గన్ లైసెన్స్ కోసం ఇప్పటివరకు పోలీసుల వద్ద చాలాసార్లు అభ్యర్థన పెట్టుకున్నానని, తనపై కేసులు ఉన్నాయన్న కారణంతో పోలీసులు గన్ లైసెన్స్ ఇవ్వటం లేదన్నారు. కేసులు ఉన్నా కూడా లైసెన్స్ పొందిన వ్యక్తులు ఉన్నారని రాజాసింగ్ గుర్తు చేశారు. తనకు ప్రాణహాని ఉందని మెురపెట్టుకుంటున్న గన్ లైసెన్స్ ఇవ్వడం లేదని డీజీపీకి రాసిన లేఖలో రాజాసింగ్ ఆవేదన వ్యక్తం చేశారు. కాగా.. రాజాసింగ్‌కు గతంలో కూడా బెదిరింపు కాల్స్ వచ్చాయి. దీంతో ప్రభుత్వం ఆయనకు భద్రత పెంచింది. బుల్లెట్ ప్రూఫ్ వాహనాన్ని కూడా కేటాయించారు.
Also Read : సిట్ కు ఆ దమ్ముందా?… లాజిక్ తో కొట్టిన బండి సంజయ్!!
అయితే గత కొంత కాలంగా బుల్లెట్ ఫ్రూప్ వాహనం తరచూ రిపేర్లు వస్తూ ఆగిపోతూ.. ఇబ్బందిగా మారింది. ఈ విషయమై రాజాసింగ్ పలుమార్లు ప్రభుత్వానికి విజ్ఞప్తి చేశారు. తనకు కేటాయించిన వాహనం కండీషన్ సరిగా లేదని.., ఎక్కడ పడితే అక్కడ ఆగిపోతుందని ప్రభుత్వం దృష్టికి తీసుకొచ్చారు. తనకు మరో వాహనం కేటాయించాలన్నారు. ప్రభుత్వం స్పందించకపోవటంతో వాహనాన్ని ప్రగతిభవన్ వద్ద వదిలేసి వెళ్లిపోయారు. ఆ తర్వాత ప్రభుత్వం ఆయనకు మరో బుల్లెట్ ఫ్రూప్ వాహనాన్ని కేటాయించింది. తాజాగా తనకు బెదిరంపు కాల్స్ వస్తున్నాయంటూ రాజాసింగ్ డీజీపీకి లేఖ రాయటం చర్చనీయాంశమైంది.
ఇవి కూడా చదవండి :
- స్కూల్ కమిటీ ఛైర్మన్ నిర్వాహకం… తరగతి గదిలోనే మిర్చి పంట ఆరబోత
- కోరలు చాస్తున్న వాయు కాలుష్యం… పాత బ్యాటరీలతో కొత్త మెరుగులు, మరి అనుమతులు ఏమైనట్లు….?
- వచ్చే ఏడాది జరగనున్న లోక్‌సభ ఎన్నికలపై ప్రశాంత్‌ కిశోర్‌ సంచలన వ్యాఖ్యలు
- గోవిందరాజుల పూజారి దారుణ హత్య… బండరాళ్లతో తల మీద కొట్టి చంపిన దుండగులు
- అకాల వర్షంతో రైతన్నలకు అపార నష్టం… పాట రూపంలో రైతన్న ఆవేదన పాట వైరల్
