క్రైమ్ మిర్రర్, ఆన్ లైన్ డెస్క్ : సొంత పార్టీ నేత చెరుకు సుధాకర్‌ను తాను బూతులు తిట్టినట్లు బయటకు లీక్ అయిన ఆడియో టేపుపై భువనగిరి ఎంపీ కోమటిరెడ్డి వెంకటరెడ్డి వివరణ ఇచ్చారు. ఆ ఆడియో తనదేనని, కానీ కావాలని తిట్టలేదంటూ సర్ధిచెప్పుకునే ప్రయత్నం చేశారు. హైదరాబాద్‌లో మీడియాతో వెంకటరెడ్డి చిట్ చాట్ నిర్వహించారు. ఈ సందర్భంగా సోషల్ మీడియాలో లీక్ అయిన ఆడియో క్లిప్‌పై స్పందించారు. ‘చెరుకు సుధాకర్‌ను ఉద్దేశపూర్వకంగా ఫోన్‌లో తిట్టలేదు. అవి భావోద్వేగంతో చేసిన వ్యాఖ్యలే. రాజకీయ జీవితంలో ఎప్పుడూ ఎవరినీ దూషించలేదు.
Read Also : సాత్విక్ ఆత్మహత్య నేపథ్యంలో ఇంటర్ కాలేజీల యాజమాన్యాలతో మంత్రి కీలక సమావేశం
శత్రువులను కూడా దగ్గరకు తీసుకునే తత్వం నాది. నేను మాట్లాడిన విషయాలు కట్ చేశారు. కొన్ని అంశాలను మాత్రమే బయటకు లీక్ చేశారు. రికార్డు పెట్టారని నాకు తెలుసు. కానీ ఇలా వాళ్లకి కావాల్సిన కొన్ని మాటలే కట్ చేసి సోషల్ మీడియాలో పెడతారని అనుకోలేదు’ అని వెంకటరెడ్డి పేర్కొన్నారు. ’33 ఏళ్ల రాజకీయ జీవితంలో నేను ఎవరినీ తిట్టలేదు. నాకు వేరే ఉద్దేశాలు ఉండవు. చెరుకు సుధాకర్‌పై పీడీ యాక్ట్ కేసు పెడితే నేను కొట్లాడా.. నన్ను తిట్టొద్దని మాత్రమే చెరుకు సుధాకర్ కొడుకుకు చెప్పా. మా వాళ్లు ఆయనను చంపేస్తారేమోననే భయంతో చెప్పా. కాంగ్రెస్‌లో చేరినప్పటి నుంచి చెరుకు సుధాకర్ నన్ను తిడుతున్నారు. చెరుకు సుధాకర్‌పై ఖర్గే, ఠాక్రేకు ఫిర్యాదు చేశా. నన్ను తిడితే నకిరేకల్ టికెట్ వస్తుందనుకుంటున్నారు. నన్ను తిడితే టికెట్ రాదు.
Also Read : చరిత్ర తిరగరాస్తుందా..! ఉచిత హామీలు ఊపిరి పోస్తుందా..!
పార్టీ కోసం పనిచేస్తేనే అధినాయకత్వం టికెట్ ఇస్తుంది’ అని వెంకటరెడ్డి తెలిపారు. ‘తిట్టాలనుకుంటే రెగ్యులర్ ఫోన్ ఎందుకు చేస్తా.. చదువుకున్న వ్యక్తిగా జనరల్ స్థానం అయిన నల్లగొండ మున్సిపాలిటీ ఛైర్మన్‌గా వెంకట్ నారాయణ గౌడ్‌కు అవకాశం ఇచ్చాం. నల్లగొండ మున్సిపాలిటీ 3 సార్లు జనరల్ అయినప్పటికీ.. ఆ మూడుసార్లు పట్టుబట్టి బలహీన వర్గాల వారికి దక్కేలా చూశా. నన్ను సస్పెండ్ చేయాలని, దరిద్రులు అనడం వల్లే బాధతో మాట్లాడా..నకిరేకల్‌లో నాపై పోస్టర్‌లు వేశారు. ఎవరు వేసారో నాకు తెలుసు.. వీడు, వాడు అని నన్ను సంబోధించవచ్చా’ అని వెంకటరెడ్డి ప్రశ్నించారు. అయితే కోమటిరెడ్డి వర్సెస్ సుధాకర్ మధ్య వార్ కొనసాగుతోంది. నకిరేకల్ పీఎస్‌లో వెంకటరెడ్డిపై చెరుకు సుధాకర్ కుమారుడు చెరుకు సుహాస్ ఫిర్యాదు చేశాడు. తనను, తన తండ్రిని హత్య చేస్తానంటూ బెదిరింపులకు గురి చేశారని ఫిర్యాదులో పేర్కొన్నాడు. వెంకటరెడ్డి తీరుపై ఇప్పటికే బీసీ సంఘాలు ఆందోళన బాట పట్టాయి. దీంతో ఈ వ్యవహారం కాంగ్రెస్‌లో చిచ్చు రేపుతోంది.
ఇవి కూడా చదవండి :
- నగరంలో పట్టుబడ్డ డ్రగ్స్… విక్రయిస్తుండగా రెడ్‌హ్యాండెడ్‌గా పట్టుకున్న పోలీసులు
- తెలంగాణలో లేటెస్ట్ సర్వే.. ఏ పార్టీకి ఎన్ని సీట్లంటే!
- మసాజ్ సెంటర్ల పేరుతో వ్యభిచారం.. హైదరాబాద్ లో జోరుగా దందా
- నమస్తే ఆంధ్రప్రదేశ్.. ఏపీలో కేసీఆర్ కొత్త పేపర్.
- కాంగ్రెస్ పార్టీతో పొత్తు… రేవంత్ రెడ్డితో విభేదాలపై సి‌పి‌ఐ పార్టీ నారాయణ కీలక వ్యాక్యలు
