క్రైమ్ మిర్రర్, ఆన్ లైన్ డెస్క్ : బీఆర్ఎస్ ఎమ్మెల్సీ, హుజూరాబాద్ నియోజకవర్గానికి చెందిన కీలక నేత కౌశిక్ రెడ్డిపై సినీ నటి, బీజేపీ నాయకురాలు జీవిత రాజశేఖర్ తీవ్ర వ్యాఖ్యలు చేశారు. అతడు ఒక పెద్ద రౌడీ అని, ఎవరితో ఎలా బిహేవ్ చేయాలో కూడా తెలియదని ఆరోపించారు. తన కుటుంబసభ్యుడిపై కౌశిక్ రెడ్డి పరుషంగా ప్రవర్తించాడని గతంలో జరిగిన ఘటనను జీవిత రాజశేఖర్ గుర్తు చేశారు. హుజూరాబాద్ నియోజకవర్గంలోని జమ్మికుంటలో బీజేపీ నిర్వహించిన స్ట్రీట్ కార్నర్ సభకు జీవిత హాజరయ్యారు.
Read Also : నీరా తాగిన వైఎస్ షర్మిల… కల్లు గీత కార్మికుల సమస్యలపై ఆరా
ఈ సందర్భంగా కేసీఆర్ ప్రభుత్వంపై ఆమె తీవ్ర విమర్శలు కురిపించారు. టీఆర్ఎస్‌ పార్టీ పేరుతో తెలంగాణ రాష్ట్రాన్ని ఉద్దరించనోళ్లు.. బీఆర్ఎస్ పేరుతో దేశాన్ని ఉద్దరిస్తారా? అంటూ ప్రశ్నించారు. స్వార్థ రాజకీయాల కోసమే బీఆర్ఎస్‌గా పేరు మార్చుకున్నారని, అబ్ కీ బార్ కిసాన్ సర్కార్ అని కేసీఆర్ చెప్పుకుంటుండటం హాస్యాస్పదంగా ఉందన్నారు. రాష్ట్రంలో కేసీఆర్ పాలనకు కౌంట్‌డౌన్ మొదలైందని, వచ్చే ఎన్నికల్లో తెలంగాణ గడ్డపై బీజేపీ జెండా ఎగరడం ఖాయమని జోస్యం చెప్పారు. ప్రజలను మభ్యపెట్టి అధికారంలోకి వచ్చిన కేసీఆర్.. అవినీతి, అక్రమాలకు పాల్పడుతూ రాష్ట్రాన్ని భ్రష్టుపట్టించారని జీవిత విమర్శించారు.
Also Read : గిరిజన ద్రోహి సీఎం కేసీఆర్…. ముఖ్యమంత్రిపై బండి సంజయ్ ఫైర్
కేసీఆర్ 9 ఏళ్లు సీఎంగా ఉండి కూడా తెలంగాణ ఉద్యమ ఆకాంక్షలు, ఆశయాలను నేరవేర్చలేకపోయారని అన్నారు. బంగారు తెలంగాణగా మారుస్తానని మాటలు చెప్పిన కేసీఆర్.. ఇప్పుడు రాష్ట్రాన్ని అప్పుల తెలంగాణగా మార్చారని జీవిత విమర్శించారు. అధికారమే పరమావధిగా కేసీఆర్ పనిచేస్తున్నారన్నారు. కేసీఆర్ కుటుంబ పాలనకు వ్యతిరేకంగా కరీంనగర్ ఎంపీ, బీజేపీ రాష్ట్ర అధ్యక్షుడు బండి సంజయ్ ఆధ్వర్యంలో పోరాటం చేస్తున్నామని, కేసీఆర్‌ను అధికారం నుంచి దించేవరకు పోరు కొనసాగిస్తామని జీవిత తెలిపారు.
ఇవి కూడా చదవండి :
- కొండగట్టులో సీఎం కేసీఆర్ పర్యటన… ఆలయ అభివృద్ధికి మరో రూ. 500 కోట్లు
- పేద ప్రజలకు ముక్క బియ్యం…. డీలర్ వేడుకోలు, తిరిగి తీసుకెళ్లని అధికారులు
- కూర్త ఆలయంలో శివరాత్రి జాతరకు ఏర్పాట్లు పూర్తి… ఈనెల 19 వరకు మహజాతర
- ఎమ్మెల్సీ ఎన్నికల్లో పోటీకి దూరంగా బీఆర్ఎస్ ?
- కోమటిరెడ్డి వెంకట్‌ రెడ్డి బీఆర్ఎస్తో పొత్తు వ్యాఖ్యలు… సొంత పార్టీలోనే దుమారం
