క్రైమ్ మిర్రర్, ఖమ్మం ప్రతినిధి : బీఆర్ఎస్ నేత దూషించాడని ప్రభుత్వ అధికారిణి ఆత్మహత్యాయత్నానికి పాల్పడిన ఘటన ఖమ్మం జిల్లాలో చోటుచేసుకుంది. ఖమ్మం నగరంలోని దేవాదాయ ధర్మాదాయ శాఖ కార్యాలయంలోనే దేవాదాయ శాఖ ఇన్స్పెక్టర్‌గా పనిచేస్తున్న సమత అనే ఉద్యోగిణి ఆత్మహత్యాయత్నం చేసుకోవడం స్థానికంగా కలకలం రేపుతోంది. ఖమ్మం రూరల్ మండలం బీఆర్ఎస్ అధ్యక్షుడు బెల్లం వేణు దూషించాడని మనస్థాపానికి గురై తన కార్యాలయంలోనే ఆత్మహత్యాయత్నం చేసుకున్నట్లు చెబుతున్నారు. తోటి ఉద్యోగులు గమనించి ఆమెను జిల్లా ప్రభుత్వ ఆసుపత్రికి తరలించారు. ప్రస్తుతం ఆమెకు వైద్యులు చికిత్స అందిస్తున్నారు. ఖమ్మం రూరల్ మండలం రెడ్డిపల్లి వద్ద ఉన్న మారెమ్మ గుడి దేవాలయం నూతన కమిటీకి సంబంధించి సమత ఇటీవల నోటిఫికేషన్ జారీ చేశారు.
Read Also : హైద్రాబాద్ రాజేంద్రనగర్‌లో కార్ల స్క్రాప్ గోదాంలో అగ్నిప్రమాదం…
అయితే తనకు సమాచారం ఇవ్వకుండా ఎందుకు నోటీసులు జారీ చేశారంటూ బీఆర్ఎస్ ఖమ్మం రూరల్ మండల అధ్యక్షుడు బెల్లం వేణు సమతకు ఫోన్ చేసి ఇష్టానుసారంగా మాట్లాడాడు. దీంతో ఆమె అవమాన భారం భరించలేక దేవాదాయ శాఖ కార్యాలయంలోనే ఆత్మహత్యాయత్నం చేసుకుంది. నిద్రమాత్రలు వేసుకుని ఆత్మహత్యాయత్నానికి పాల్పడగా… ఇది గమనించిన తోటి ఉద్యోగులు చికిత్స కోసం ఖమ్మం జిల్లా ఆస్పత్రికి వెంటనే తరలించారు. ప్రస్తుతం ఉద్యోగిణి ఆరోగ్యం నిలకడగా ఉన్నట్లు డాక్టర్లు చెబుతున్నారు. కుసుమంచి శివలయం నూతన కమిటీ సభ్యుల ప్రమాణస్వీకారానికి వెళుతుండగా సమతకు ఫోన్ చేసి తనకు ఎందుకు సమాచారం ఇవ్వలేదని బెల్లం వేణు ప్రశ్నించారు. తాము ఆలయ నోటీస్ బోర్డుతో పాటు ఎమ్మార్వో, ఎంపీడీవో కార్యాలయాల్లో నోటీసులు అంటించామని ఆమె సమాధానం ఇచ్చారు. తనకు ఎందుకు వ్యక్తిగతంగా సమాచారం ఇవ్వలేదని సమతపై వేణు ఆగ్రహం వ్యక్తం చేశారు. దీంతో మనస్తాపానికి గురైన ఆమె… నిద్రమాత్రలు వేసుకుని ఆత్మహత్యాయత్నానికి పాల్పడినట్లు దేవాదాయశాఖ అధికారులు చెబుతున్నారు.
Also Read : “కొత్త సీసాలో పాత సార పోసినట్లు”… తెలంగాణ బడ్జెట్‌పై వైఎస్ షర్మిల సెటైర్
ఈ ఘటనపై పోలీసులు కేసు నమోదు చేసుకుని దర్యాప్తు చేపడుతున్నారు. బీఆర్ఎస్ నేత బెల్లం వేణుపై చర్యలు తీసుకుంటామని పోలీసులు చెబుతున్నారు. పాలేరు ఎమ్మెల్యే కందాల ఉపేందర్ రెడ్డికి ప్రధాన అనుచరుడిగా బెల్లం వేణు ఉన్నాడు. ఆయన భార్య ఎంపీపీగా ఉన్నారు. ఖమ్మం రూరల్ మండలంలోని అధికారులందరూ తాను చెప్పినట్లు వినాలని, లేకపోతే బదిలీ చేస్తానంటూ బెదిరింపులకు గురిచేస్తున్నట్లు గతంలో వేణుపై ఆరోపణలు వచ్చాయి. ఆయన మాట వినడం లేదనే కారణంతో గతంలో ఓ అధికారిని కూడా బదిలీ చేయించినట్లు చెబుతున్నారు. విధులు నిర్వర్తించకుండా అధికారులపై బెదిరింపులకు పాల్పడుతున్న బెల్లం వేణుపై చర్యలు తీసుకోవాలని స్థానిక అధికారులు డిమాండ్ చేస్తోన్నారు. ఎమ్మెల్యే కూడా ఆయనకు అండగా ఉంటున్నారని అంటున్నారు.
ఇవి కూడా చదవండి :
- టర్కీ, సిరియా భూకంప దృశ్యాలు మనస్సును కలచివేస్తున్నాయి… కే‌టి‌ఆర్ ట్వీట్
- ఖమ్మం జిల్లాపై బీఆర్ఎస్ ఫోకస్… ఈ నెలలో పర్యటించనున్న కేటీఆర్, హరీష్
- కార్యకర్తతో బాబు మోహన్ బూతు పురాణం… ఫోన్ చేస్తే చెప్పుతో కొడతానంటూ వార్నింగ్
- తెలంగాణ రాజకీయాల్లో కీలక పరిణామాలు… అక్బరుద్దీన్‌తో కాంగ్రెస్ నేతల సుదీర్ఘ భేటీ
- తెలంగాణ వార్షిక బడ్జెట్ పై బండి సంజయ్, ఈటల రాజేందర్ ల సెటైర్లు….
One Comment