ముందస్తు ఎన్నికలకు రెడీ… కీలక వ్యాఖ్యలు చేసిన మంత్రి కేటీఆర్

క్రైమ్ మిర్రర్, నిజామాబాద్ ప్రతినిధి : తెలంగాణలో ముందస్తు ఎన్నికలు ఖాయమని జోరుగా ఊహాగానాలు వినిపిస్తున్న వేళ.. మంత్రి కేటీఆర్ కీలక వ్యాఖ్యలు చేశారు. ఎన్నికలు ఎప్పుడు వచ్చినా సిద్దంగా ఉన్నామని పార్టీ శ్రేణులకు తెలపడం ఆసక్తికరంగా మారింది. ముందస్తు ఎన్నికలపై కేటీఆర్ పరోక్ష సంకేతాలు ఇచ్చారనే ప్రచారం జరుగుతోంది. శనివారం నిజామాబాద్‌ పర్యటనలో భాగంగా కేటీఆర్ పలు అభివృద్ధి కార్యక్రమాలకు ప్రారంభోత్సవాలు, శంకుస్ధాపనలు చేస్తున్నారు. నిజామాబాద్‌లో రైల్వే ఓవర్ బ్రిడ్జిని కేటీఆర్ ప్రారంభించారు. ఈ సందర్భంగా మీడియా సమావేశంలో మాట్లాడిన కేటీఆర్.. ఎన్నికలు ఎప్పుడు వచ్చినా సిద్దంగా ఉన్నామని స్పష్టం చేయడం చర్చనీయాంశంగా మారింది.

Read Also : ఎమ్మెల్సీ కవితతో శరత్ కుమార్ భేటీ… బీఆర్ఎస్‌తో కలిసి పనిచేయనున్నట్లు ఉహాగానాలు

పార్లమెంట్‌ను రద్దు చేసి ముందస్తుకు వస్తే.. తాము కూడా ముందస్తు ఎన్నికలకు సిద్దమని ప్రకటించారు. ‘కేంద్రం తెలంగాణపై సవతి తల్లి ప్రేమ చూపుతోంది. పునర్విభజన చట్టంలో ఏ ఒక్క హామీని నెరవేర్చలేదు. ఒక్కపైసా అదనంగా తెలంగాణకు ఇవ్వలేదు. నేను చెప్పింది తప్పైతే రాజీనామాకు సిద్దం. బీజేపీ నేతలు నా సవాల్‌ను స్వీకరిస్తారా?’ అని కేటీఆర్ సవాల్ విసిరారు. ‘నిజామాబాద్ నుండే ఎమ్మెల్యేలు, ఎంపీలు భారీ మెజార్టీతో గెలవాలి. స్వరాష్ట్రం ఏర్పాటైనప్పటి నుంచి నిజామాబాద్ కార్పొరేషన్‌లో రూ.936.69 కోట్ల అభివృద్ధి పనులు చేపట్టాం. పట్ణణ ప్రగతి కింద రూ.76 కోట్లు ఖర్చు చేశాం. నిజామాబాద్‌కు కేసీఆర్ ఇటీవల రూ.100 కోట్లు మంజూరు చేశారు. సీసీ రోడ్ల కోసం ప్రత్యేకంగా రూ.19 కోట్లు మంజూరు చేశాం. నిజామాబాద్‌లో త్వరలో ఐటీ హబ్‌ను ప్రారంభించబోతున్నాం. అన్ని మున్సిపాలిటీలకు రూ.50 కోట్ల చొప్పున నిధులు మంజూరు చేస్తున్నాం. నిజామాబాద్ ఎంపీ కేంద్రం నుంచి ఎన్ని నిధులు తెచ్చారో చెప్పాలి. ఒక్క రూపాయి అభివృద్ధి పనైనా అరవింద్ చేశారా? ఫార్మాసిటీ ఏర్పాటుపై కేంద్రం నుంచి ఉలుకుపలుకు లేదు.

Also Read : తారకరత్నకు ఎక్మోపై వైద్యం… బెంగళూరు నారాయణ హృదయాలయలో ట్రీట్మెంట్

ఒక్క ప్రాజెక్టుకు కూడా జాతీయ హోదా ఇవ్వలేదు. రాష్ట్రానికి విద్యాసంస్దలను కేటాయించలేదు. ఢిల్లీ నేతలేమో అవార్డులు ఇస్తారు.. గల్లీ నేతలేమో కారుకూతలు కూస్తారు’ అని కేటీఆర్ తెలిపారు. ఇటీవల అభివృద్ధి పథకాలను తెలంగాణ ప్రభుత్వం షురూ చేయడం, సీఎం కేసీఆర్ జిల్లాల పర్యటనలు చేపడుతున్న క్రమంలో ముందస్తు ఎన్నికలు ఖాయమనే ప్రచారం జరుగుతోంది. వచ్చే నెల 17న కొత్త సెక్రటేరియట్‌కు కేసీఆర్ ప్రారంభోత్సవం చేయడనుండటం, బడ్జెట్ సమావేశాలు ఇంకా నిర్వహించకపోవడం చర్చనీయాంశంగా మారింది. రాష్ట్రంలో త్వరలో అసెంబ్లీని కేసీఆర్ రద్దు చేయడం ఖాయమని, కర్ణాటక ఎన్నికలతో పాటు రాష్ట్రంలో ఎన్నికలకు వెళతారనే వార్తలు హల్‌చల్ చేస్తోన్నాయి. ఈ క్రమంలో ఎన్నికలు ఎప్పుడొచ్చినా సిద్దంగా ఉన్నామని కేటీఆర్ చేసిన వ్యాఖ్యలు కీలకంగా మారాయి.

ఇవి కూడా చదవండి : 

1. తెలంగాణలో జీరో కొవిడ్ కేసులు… మూడేళ్ల తర్వాత తొలిసారి
2. తుక్కుగూడ మున్సిపాలిటీలో ఎక్స్ అఫిషియో ఓట్ల గందరగోళం…
3. ఫ్లోరోసిస్ బాధితుడు అంశాల స్వామి మృతి… సంతాపం తెలిపిన మంత్రి కేటీఆర్
4. రధ సప్తమి వేళ తిరుమలకు పోటేత్తిన భక్త జనం… సప్త వాహనాలపై శ్రీవారి దర్శనం
5. కళ్యాణ మండపంలో చూస్తుండగానే పగిలిన ఫ్లోర్ టైల్స్.. భయంతో పరుగులు