క్రైమ్ మిర్రర్, ఆన్ లైన్ డెస్క్ : టీఆర్ఎస్ పార్టీని బీఆర్‌ఎస్‌గా మార్చి నేషనల్ పాలిటిక్స్‌లో ఎంట్రీ ఇచ్చిన తెలంగాణ సీఎం కేసీఆర్ పార్టీని విస్తరించే పనిలో నిమగ్నమయ్యారు. ఇప్పటికే ఏపీకి చెందిన కీలక నేత తోట చంద్రశేఖర్‌ను పార్టీలోకి ఆహ్వానించి.., రాష్ట్ర బాధ్యతలు అప్పగించారు. తోటతో పాటు మరి కొందరు కీలక నేతలు కేసీఆర్ సమక్షంలో గులాబీ కడుంవా కప్పుకున్నారు. త్వరలోనే విశాలో భారీ బహిరంగ సభ ఏర్పాటు చేయనున్నట్లు తెలుస్తోంది. ఆ సభ వేదికగా ఏపీకి చెందిన మరికొందరు కీలక నేతలు కారెక్కనున్నట్లు సమాచారం. ఏపీతో పాటు పొరుగున్న ఉన్న కర్ణాటక, తమిళనాడు, మహారాష్ట్ర, ఒడిశా రాష్ట్రాల్లోనూ పార్టీని విస్తరించే ప్లాన్‌లో కేసీఆర్ ఉన్నారు. ఇప్పటికే కర్ణాటకకు చెందిన పలువురు బీఆర్ఎస్ తీర్థం పుచ్చుకున్నారు.
Read Also : ఫ్లోరోసిస్ బాధితుడు అంశాల స్వామి మృతి… సంతాపం తెలిపిన మంత్రి కేటీఆర్
నిన్న కేసీఆర్ సమక్షంలో ఒడిశా మాజీ సీఎం గిరిధర్ గమాంగ్ బీఆర్ఎస్ పార్టీలో చేరారు. తాజాగా.. తమిళనాడుకు చెందిన ఆల్ ఇండియా సమతావ మక్కల్ కచ్చి అధ్యక్షుడు, సినీ నటుడు శరత్ కుమార్ సీఎం కేసీఆర్ కుమార్తె, బీఆర్ఎస్ ఎమ్మెల్సీ కల్వకుంట్ల కవితతో భేటీ కావటం ప్రాధాన్యత సంతరించుకుంది. ఇవాళ ఉదయం కవితను మర్యాదపూర్వకంగా కలుసుకున్న శరత్ కుమార్.. దేశ రాజకీయాలపై చర్చించారు. బీఆర్ఎస్ పార్టీ స్థాపన ఉద్దేశాలు, లక్ష్యాలు, ఎజెండా వంటి అంశాల గురించి శరత్ కుమార్ ఎమ్మెల్సీ కవితను అడిగి తెలుసుకున్నారు. అయితే బీఆర్ఎస్‌తో కలిసి వచ్చే ఎన్నికల్లో శరత్ కుమార్ కలిసి పనిచేయనున్నట్లు వార్తలు వినిపిస్తున్నాయి. అందులో భాగంగానే ఇరువురూ సమావేశమయ్యారనే ఊహాగానాలు వినిపిస్తున్నాయి. ఇప్పటికే తమిళనాడుకు చెందిన పులువురు సీనియర్ రాజకీయ నేతలు సీఎం కేసీఆర్‌తో చర్చిస్తున్నారు. తమిళనాడులో పార్టీ పటిష్టత, వచ్చే సార్వత్రిక ఎన్నికల్లో అక్కడ పోటీ చేసే అంశంపై మంతనాలు జరుపుతున్నారు.
Also Read : తారకరత్నకు ఎక్మోపై వైద్యం… బెంగళూరు నారాయణ హృదయాలయలో ట్రీట్మెంట్
ఈ సమయంలో కవితతో శరత్ కుమార్ భేటీ ప్రాధాన్యతను సంతరించుకుంది. కవితతో సమావేశమై చర్చించిన శరత్ కుమార్ ఎలాంటి నిర్ణయం తీసుకుంటారనే దానిపై పొలిటకల్ సర్కిల్‌లో జోరుగా చర్చ నడుస్తోంది. కాగా.. ఇరువురి సమావేశంపై మరిన్ని వివరాలు తెలియాల్సి ఉంది. ఒడిశా మాజీ సీఎం గిరిధర్ గమాంగ్.. నిన్న కేసీఆర్ సమక్షంలో బీఆర్ఎస్‌లో చేరారు. హైదరాబాద్‌లోని తెలంగాణ భవన్‌లో సీఎం కేసీఆర్ గులాబీ కండువా కప్పి గిరిధర్‌ను పార్టీలోకి ఆహ్వానించారు. గిరిధర్‌తో పాటు 12 మంది మాజీ ఎమ్మెల్యేలు, నలుగురు మాజీ ఎంపీలు బీఆర్ఎస్ పార్టీలో చేరారు. బీఆర్ఎస్‌లో చేరిన వారిలో హేమా గమాంగ్, జయరామ్ పాంగి, రామచంద్ర హంష్దా, బృందావన్ మ‌జ్హీ, నబీన్ నందా, రాథా దాస్, భాగీరథి సేథి, మాయాదర్ జెనా ఉన్నారు. ఈ సందర్భంగా మాట్లాడిన కేసీఆర్.. సుదీర్ఘ రాజకీయ అనుభవం ఉన్న గమాంగ్ బీఆర్ఎస్ పార్టీలో చేరటం తమకు వెయ్యి ఏనుగులు బలమని అన్నారు. కాగా.. గమాంగ్‌ను ఒడిశా రాష్ట్ర బీఆర్ఎస్ అధ్యక్షుడిగా ప్రకటించే అవకాశం ఉన్నట్లు తెలుస్తోంది.
ఇవి కూడా చదవండి :
- తుక్కుగూడ మున్సిపాలిటీలో ఎక్స్ అఫిషియో ఓట్ల గందరగోళం…
- తెలంగాణలో జీరో కొవిడ్ కేసులు… మూడేళ్ల తర్వాత తొలిసారి
- కొడుకు భార్యను పెళ్లాడిన వృద్ధుడు
- కళ్యాణ మండపంలో చూస్తుండగానే పగిలిన ఫ్లోర్ టైల్స్.. భయంతో పరుగులు
- రధ సప్తమి వేళ తిరుమలకు పోటేత్తిన భక్త జనం… సప్త వాహనాలపై శ్రీవారి దర్శనం
One Comment