అలనాటి నటి జమున కన్నుమూత…..

క్రైమ్ మిర్రర్, ఆన్ లైన్ డెస్క్ : అలనాటి సీనియర్ నటి జమున (86) శుక్రవారం హైదరాబాద్‌లోని త‌న నివాసంలో క‌న్నుమూశారు. అనారోగ్య కారణాలతో ఆమె చనిపోయారు. న‌టిగా ఎన్నో వైవిధ్య‌మైన పాత్ర‌ల్లో న‌టించిన ఆమె మ‌ర‌ణం టాలీవుడ్‌కి తీర‌ని లోటు. జ‌మున మృతితో టాలీవుడ్‌లో విషాదం నెల‌కొంది. సీనియర్ ఎన్టీఆర్, ఎ.ఎన్.ఆర్ సహా దక్షిణాదిన పలువురు సూపర్ స్టార్స్‌ సరసన ఆమె నటించారు. జమున 1936 ఆగష్టు 30 న హంపీలో పుట్టారు. ఆమె తల్లితండ్రులు నిప్పని శ్రీనివాసరావు, కౌసల్యాదేవి. ఆయన ఒక వ్యాపారవేత్త. ఆమె మాతృభాష కన్నడ.

Read Also : నేడు బీఆర్ఎస్ లోకి మాజీ ముఖ్యమంత్రి….

అయినప్పటికీ ఆమె బాల్యం గడిచింది గుంటూరు జిల్లా దుగ్గిరాలలో. దీంతో ఆమె తెలుగుపై పట్టు సాధించి నటించారు. జమునకు ముందుగా నిర్ణయించిన పేరు జనాభాయి. జన్మ నక్షత్రం రీత్యా ఏదైనా నది పేరు ఉండాలని జ్యోతిష్కులు చెప్పడంతో మధ్యలో ‘ము’ అక్షరం చేర్చి జమునగా మార్చారు. జమున చిన్నతనం నుండే నాటకాలలో నటించేవారు. సీనియర్ నటుడు జగ్గయ్య ఖిల్జీ రాజు పతనం అనే నాటిక కోసం తొలసారి జమునను ఎంపిక చేశారు. జమున తల్లి ఆమెకు శాస్త్రీయ సంగీతం, హార్మోనీయంలలో శిక్షణ ఇప్పించారు. మా భూమి నాటకంలో జమున ఒక పాత్ర పోషించగా అది చూసి గరిక పాటి రాజారావు ఆమెకు పుట్టిల్లు (1953)లో నటిగా అవకాశం ఇచ్చారు. అలా ఆ సినిమాతో సినిమాలలోకి ఎంట్రీ ఇచ్చారామె.

Also Read : కన్నీళ్లు పెట్టుకున్న సానియా మీర్జా

తెలుగు, దక్షిణ భారత భాషల్లో కలిపి ఆమె దాదాపు 200 సినిమాల్లో నటించారు. పలు హిందీ సినిమాలలో కూడా నటించారు. 1967లో ఆమె హిందీలో చేసిన మిలన్ సినిమా, 1964లో విడుదలైన మూగ మనసులు సినిమాలకు గాను ఉత్తమ సహాయ నటిగా ఫిలింఫేర్ అవార్డు లభించింది. 2008లో ఎన్టీఆర్ నేషనల్ అవార్డ్ వచ్చింది. గుండమ్మ కథ, మిస్సమ్మ, ఇలవేల్పు, శ్రీకృష్ణ తులాభారం, లేత మనసులు, మూగ మనసులు, గులేభకావాలి, దొంగరాముడు, ఇల్లరికం, భూ కైలాస్ వంటి చిత్రాలు ఆమెకు మంచి గుర్తింపు తెచ్చిపెట్టాయి. సినిమాలతో పాటు ఆమె రాజకీయాల్లోనూ రాణించారు. 1989లో ఆమె రాజమండ్రి నుంచి కాంగ్రెస్ పార్టీ తరపున ఎంపీగా గెలిచారు. 1991 ఎన్నికల్లో ఓడిపోయారు. ఆ తర్వాత బీజేపీ పార్టీలో ఆమె జాయిన్ అయ్యారు. కొన్నాళ్లు రాజకీయాలకు పూర్తిగా దూరమయ్యారు.

ఇవి కూడా చదవండి : 

1. నా ప్రాణాలంటే కేసీఆర్ కు లెక్క లేదా? ఎమ్మెల్యే రాజాసింగ్ వీడియో
2. మంత్రి మల్లారెడ్డిని తరిమేసిన దళితులు!
3. బీజేపీలో ఈటల రాజేందర్ కు పెద్ద కష్టమే!
4. కేంద్ర ప్రభుత్వ ఉతర్వులను ధిక్కరించిన తెలంగాణ ప్రభుత్వం…
5. రాష్ట్ర గవర్నర్ కు ప్రభుత్వం కనీస గౌరవం ఇవ్వడం… బండి సంజయ్ కీలక వ్యాఖ్యలు