క్రైమ్ మిర్రర్, ఆన్ లైన్ డెస్క్ : తెలంగాణలో రిపబ్లిక్ డే వేడుకలపై హైకోర్టు కీలక నిర్ణయం తీసుకుంది. తెలంగాణ ప్రభుత్వం రిపబ్లిక్ డే వేడుకలను అధికారికంగా నిర్వహించకపోవటంపై హైకోర్టులో రిట్ పిటిషన్ దాఖలు చేశారు. జనవరి 26 రిపబ్లిక్ డే సందర్భంగా ఘనంగా వేడుకలు నిర్వహించాలని కేంద్ర ప్రభుత్వం అన్ని రాష్ట్రాలకు సర్క్యూలర్ పపించింది. ఆ వేడుకల్లో విద్యార్థులను భాగస్వాములు చేయాలని కోరింది. అయితే.. కేంద్ర ప్రభుత్వ ఉత్తర్వులను రాష్ట్ర ప్రభుత్వం ధిక్కరించింది. దీంతో.. రాష్ట్ర ప్రభుత్వం ధిక్కరించడంపై పిటిషనర్లు హైకోర్టులో లంచ్ మోషన్ పిటిషన్ దాఖలు చేశారు. ఈ పిటిషన్‌పై జస్టిస్ మాధవి ధర్మాసనం విచారణ చేసి.. కీలక తీర్పును వెలువరించారు. రాష్ట్ర ప్రభుత్వం గణతంత్ర వేడుకలను అధికారికంగా నిర్వహించాల్సిందేనని హైకోర్టు స్పష్టం చేసింది. పరేడ్‌తో కూడిన వేడుకలు నిర్వహించాలని పేర్కొంది.
Read Also :మేకర్స్ కు సునీల్ పెట్టిన షరతులు అవే…
కేంద్రం ఇచ్చిన గైడ్ లైన్స్ పాటించాల్సిందేనని.. రిపబ్లిక్ డే వేడుకలు ఎక్కడ నిర్వహించాలో ప్రభుత్వం నిర్ణయం తీసుకోవాలని హైకోర్టు మధ్యంతర ఉత్తర్వులు జారీ చేసింది. అయితే.. రేపు నిర్వహించనున్న రిపబ్లిక్ డే వేడుకలకు ఏర్పాట్లు త్వరితగతిన చేయాలని ప్రభుత్వాన్ని హైకోర్టు ఆదేశించింది. 5 లక్షల మందితో నిర్వహించిన సభకు లేని కోవిడ్ నిబంధనలు.. రిపబ్లిక్ డే వేడుకలకు మాత్రమే వర్తిస్తాయా అంటూ పిటిషనర్‌ తరఫు న్యాయవాది ప్రభుత్వానికి సూటి ప్రశ్న వేశారు. అయితే.. రిపబ్లిక్ వేడుకలతో జాతీయ భావం పెంపొందించడానికే జాతీయ జెండా పండుగ అని వివరించారు. అయితే.. కోవిడ్ వల్ల రెండు సంవత్సరాలుగా పరేడ్ గ్రౌండ్స్‌లో వేడుకలు నిర్వహించలేదని.. ఏజీ సమాధానమిచ్చారు. అయితే.. వేడుకలను ప్రభుత్వం అధికారికంగా ఎక్కడ నిర్వహిస్తున్నారని హైకోర్టు ప్రశ్నించింది. దానికి.. ఈ సారి మాత్రం రాజ్‌భవన్‌లో నిర్వహిస్తున్నట్టు ఏజీ సమాధానమిచ్చారు.
ఇవి ఇవి చదవండి :
- రాష్ట్ర గవర్నర్ కు ప్రభుత్వం కనీస గౌరవం ఇవ్వడం… బండి సంజయ్ కీలక వ్యాఖ్యలు
- ఆస్కార్‌కు RRR ‘నాటు నాటు’ సాంగ్ నామినేట్…. బండి సంజయ్ తో రాహుల్ సిప్లిగంజ్‌ సెలబ్రేషన్
- కేంద్ర ప్రభుత్వంపై విరుచుకపడిన మంత్రి కే‌టి‌ఆర్…
- దుర్గమ్మ చెంత జనసేనాని… వారాహికి ప్రత్యేక పూజలు
- మహారాష్ట్ర ఎం‌ఎల్‌సి ఎన్నికల తరువాత ఫిబ్రవరి 5న నాందేడ్ లో బీఆర్ఎస్ భహిరంగ సభ..!!
