HyderabadTelangana

ఎల్బీ నగర్ నుంచి హయత్ నగర్ వరకు మెట్రో పొడిగింపు… మంత్రి కేటీఆర్ మరో కీలక ప్రకటన

క్రైమ్ మిర్రర్, ప్రత్యేక ప్రతినిధి : ఎల్బీనగర్ నుంచి హయత్ నగర్ వరకు మెట్రో పొడిగించనున్నట్లు ఐటీ, పారిశ్రామిక శాఖ మంత్రి కేటీఆర్ వెల్లడించారు. నాగోల్-ఎల్బీనగర్ లైన్‌ను అనుసంధానం చేస్తామని, వచ్చే ఎన్నికల తర్వాత రెండో ఫేజ్ పూర్తి చేస్తామని ప్రకటించారు. వచ్చే ఎన్నికల్లో మళ్లీ వచ్చేది టీఆర్ఎస్ ప్రభుత్వమేనని, మూడోసారి కేసీఆర్ సీఎం అవుతారని కేటీఆర్ జోస్యం చెప్పారు. మంగళవారం ఎల్బీనగర్ పరిధిలో పలు అభివృద్ధి పనులను మంత్రి కేటీఆర్ ప్రారంభించారు. ఈ సందర్భంగా నిర్వహించిన బహిరంగ సభలో కేటీఆర్ మాట్లాడుతూ నాగోల్-ఎల్బీనగర్ మధ్య ఐదు కిలోమీటర్ల మార్గాన్ని సెకండ్ ఫేజ్‌లో అనుసంధానం చేస్తామని తెలిపారు.

Read Also : తెలంగాణ రాజకీయాలలో ఊహించని పరిణామం… షర్మిలకు ప్రధాని మోదీ ఫోన్

వేగంగా అభివృద్ధి చెందుతున్న నగరాల్లో హైదరాబాద్ ముందు వరుసలో ఉందని, నగరంలో ప్రజారవాణాను మరింత పటిష్టం చేయాల్సిన అవసరం ఎంతో ఉందని కేటీఆర్ అభిప్రాయపడ్డారు. రేపే పనులు చేస్తామని తాము చెప్పడం లేదని, ముందుగానే టైమ్ చెప్పి పనులు పూర్తి చేస్తున్నట్లు చెప్పారు. ఎల్బీ నగర్ నియోజకవర్గ అభివృద్ధి కోసం రూ.55 కోట్ల నిధులు విడుదల చేసినట్లు తెలిపారు. వచ్చే ఎన్నికల్లో గెలిచేది టీఆర్ఎస్‌నే అని, ఆ విషయం అందరికీ తెలుసు అని కేటీఆర్ వ్యాఖ్యానించారు. టిమ్స్ ఆస్పత్రి త్వరలో గడ్డి అన్నారంలో రాబోతుందన్నారు. మూసీ నదిపై 14 బ్రిడ్జిలను నిర్మిస్తామని, హైదరాబాద్‌లో రూ.985 కోట్ల నిధులతో నాలాల పనులు ఇప్పటికే జరుగుతున్నాయన్నారు. ఆటోనగర్‌లో ఫ్లవర్ గార్డెన్ ఏర్పాటు చేయనున్నట్లు తెలిపారు. ఇతర రాష్ట్రాల నుంచి హైదరాబాద్‌కు పెద్ద సంఖ్యలో ప్రజలు వస్తున్నారని, పెరుగుతున్న జనాభాకు తగ్గట్లుగా అభివృద్ది పనులు చేపట్టాల్సిన అవసరం ఉందన్నారు.

Also Read : ఢిల్లీ లిక్కర్ స్కాం వ్యవహారంలో నేడు కవిత వివరణ… హైదరాబాద్‌కు చేరుకున్న సీబీఐ అధికారులు

ఎస్‌ఎస్‌డీపీ రెండో దశ పనులను కూడా త్వరలో ప్రారంభించనున్నట్లు కేటీఆర్ తెలిపారు. రూ. 84 లక్షలతో జంతువుల స్మశాన వాటికను త్వరలో ఏర్పాటు చేయబోతున్నట్లు మంత్రి కేటీఆర్ తెలిపారు. హైదరాబాద్‌ చుట్టుపక్కల ఉండే మున్సిపాలిటీలను రూ.220 కోట్లతో అభివృద్ధి చేయనున్నట్లు చెప్పారు. సంక్షేమం, అభివృద్ధి ప్రభుత్వానికి జోడెద్దుల లాంటివని, తమ ప్రభుత్వం సంపద సృష్టించి పేదల సంక్షేమం కోసం ఖర్చు పెడుతుందన్నారు. తెలంగాణ ఏర్పాటు కాకముందే తలసరి ఆదాయం రూ.1.20 లక్షలు మాత్రమే ఉందని, ఇప్పుడు తెలంగాణ ఏర్పడిన తర్వాత రూ.2.70 లక్షలకు తలసరి ఆదాయం చేరుకుందని చెప్పారు. రాష్ట్రంలోని ఏ ప్రాంతానికి వెళ్లినా పచ్చదనమే కనిపిస్తోందని, ఇటీవల కేంద్ర ప్రభుత్వం అందించిన స్వచ్ఛ సర్వేక్షణ్ అవార్డుల్లో తెలంగాణ నుంచి ఏకంగా 20 గ్రామాలు అవార్డులు దక్కించుకున్న విషయాన్ని ఈ సందర్భంగా కేటీఆర్ గుర్తు చేశారు.

ఇవి కూడా చదవండి : 

  1. ఖమ్మం జిల్లాలో వేప చెట్టు నుంచి పాలు… బ్రహ్మంగారు చెప్పినట్లే జరుగుతుందని పూజలు
  2. ద్విచక్ర వాహనం పక్కన అపమన్నందుకు ఆటో డ్రైవర్ పై దాడి… డ్రైవర్ బందువులను అడ్డుకున్న పోలీసులు
  3. ప్రభుత్వ సంక్షేమ పథకాలు, అభివృద్ధి పనులపై సి‌ఎం ప్రత్యేక దృష్టి….ఎన్నికలు సమీపిస్తున్న నేపథ్యంలో సి‌ఎం దూకుడు
  4. తెలంగాణ బీజేపీ లీడర్లకు అమిత్ షా క్లాస్!
  5. తెలంగాణలో మరోసారి ప్రధాని మోడీ.. కేసీఆర్ కు తీన్మారేనా?

ad 728x120 SRI copy - Crime Mirror

Show More

Crime Mirror

Crime Mirror - Telugu Daily News Paper operating from Hyderabad, Telangana.

Related Articles

Back to top button
WP2Social Auto Publish Powered By : XYZScripts.com

Adblock Detected

We have detected ad blocker on your browser, please add it to execution or add to white list, to support us.